واستمرت مهازل الوكلاء (شركة الجبر أنموذجاً)

محروم.كوم · #1 12-13-2009, 09:00 PM

السلام عليكم ورحمة الله :
مساكم الله بخير ياوجيه الخير
بما اني من سكان مدينة الدمام والتي بالأمس هطلت عليها :r :r الله يجعلها بركه وخير..
حصل لي مشكله بموتري وهي ان النافذه ماصارت تقفل بشكل سليم .. طبعا صنع البشر يعتريه النقص..
استأذنت مرجعي عن دوام اليوم طبعا انا لست من منسوبي امانة الشرقيه عشان ماحد يقول حاسبوه على نفق ابن خلدون
المهم رحت الجبر وقلت له السالفه قالي موترك مهو على الضمان قلت الا ماشي 38 الف والضمان 60 الف
قال انت ماسويت صيانه الا الف كيلو فقط قلت طيب مايعني ذلك تلغي ضماني قال هالكلام مكتوب بالكتالوج قلت من جدك فيه احد يقرا الكتالوج بعدين كان عندي تويوتا ماسألوني عن صيانتي ابد كان يسوون لي اي شي تحت الضمان سكت وتلكأ قلت جاك الفرج .

المهم قام يشوف الدريشه وقال اول شي نسوي لك صيانه العشرين الف وبعدين نشوف كم تكلف قلت كم يعني قال الصيانه بس 750 قلت ياااااحلاوة قال بعد تاخذ يومين وبعدين نشوف القطع متوفره ولا لا يعني تعال بعد اربع ايام قلت وعد منك قال لا اخاف القطعه مو موجوده يعني انت الاربعاء تعال ان شاء الله (تعليقا لاتحقيقا)المهم قلت له يمكن القطعه اللي احتاجهااقل من مبلغ الصيانه قال اول نسوي صيانه ثم نعلمك قلت بكم القطعه طيب قال سو صيانه وان شاء الله (تعليقا طبعا لاتحقيقا)تعال الاربعاء قلت خلاص هونت تغير وجهه وقال على راحتك حبيب البي رحت لقطع الغيار قال لي القطعه عندك ذراع وتكلف 320 بعد الخصم 270 وتحتاج طلبيه من جده قلت اكيد هي القطعه قال هاااه لا تأكد بعدين اطلبها وتقدر تطلبهامن الفرع اللي بشارع الملك سعود ومايلزم تدفع دراهم يعني انت بالخيار رحت ابتاكد من الفرع الثاني قال شوف المكينه ب1300 والذراع 330 ولازم طلبيه قلت امري لله اطلبها قال لازم عربون قلت بنفسي ذاك يقول بدون عربون وهذا يطلب عربون والجامع بينهما انهم تبع الجبر قلت ابتاكد واجيك رحت للخضريه وانا ادعي ان الله ييسر لي احد امين في ظل الزمان اللي وظيفته امين صار خاين الا من رحم الله المهم والقى اثنين من الجنسيه البنغاليه العباقره جدا قال افك الباب ب150 قلت ايوووووه وغير هالحسي قال ماهناش قلت انا ماابي باب جديد ابي تفك تعرف العله بس بعدين كشف المستشفيات على الاوادم ب50 وانت تكشف على حديد ب150 اعقب ياتعبان
واتجه لكهربائي على وقت اذان الظهر واثره باكستاني قال اول نفك الباب ويمكن تحتاج قطع ويمكن لا قلت كلام حلو قال انا شغلي بس ب90 واكاسره ويصير ب80
المهم ونصلي ونجي وبدا بفك الباب قال عندك بلاستيك صغير منكسر وابشوف كان عندي مثله ولا يعينك الله تروح للمخرطه
وبدا الاجودي شرواكم يشتغل الين بفضل الله رجعت سليمه ثم بفضل الكهربائي نديم واستلم 80 ريال لاغير والحمدلله على احسانه وتوفيقه ..
طبعا نديم هذا بالخضريه امام حجز المرور ومحله بزاويه ولازم تسأل عنه تراه جيد وان شاء الله ماتحتاجون له ولالغيره ..
بس بصراحه حنا كشعب اهم شي ندفع ونشوف السياره سليمه بدون تقصي للحقائق وهذا يجرأ الوكلاء علينا ويطمعهم فينا ولا لو كل واحد بحث عن الحقيقه كان وفرنا مبلغ طيب لابأس به.. وسلامتكم __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
عرض شركة الجبر (نيسان) ادفع نصف والباقي بعد ثلاث سنوات	محروم.كوم	منتدى أخبار المواقع والمنتديات العربية والأجنبية	0	06-07-2010 12:40 AM
إعلان ملتقى شباب الخبر 4 في الواجهه البحرية بكورنيش الخبر	محروم.كوم	منتدى أخبار المواقع والمنتديات العربية والأجنبية	0	03-03-2010 05:10 PM
واستمرت مهازل الوكلاء (شركة الجبر أنموذجاً)	محروم.كوم	منتدى أخبار المواقع والمنتديات العربية والأجنبية	0	12-13-2009 08:50 PM
الخبر اعادة هيكلة شركة وجدولة ديون فقط - لا داعي للتضخيم	محروم.كوم	منتدى أخبار المواقع والمنتديات العربية والأجنبية	0	11-30-2009 10:30 AM
سجلت في صحار أمس واستمرت دقائق	محروم.كوم	منتدى أخبار المواقع والمنتديات العربية والأجنبية	0	06-01-2009 09:30 AM