تعدد ألازواج

همــ الشفايف ــس · 06-08-2008, 12:34 AM

كنت أتناقش ويا أختي عن الحرمة أذا مات ريلها أو أتطلقت عادي تزوج ريال ثاني وبعد أذا ما صار نصيب في ألريال الثاني عادي الثالث أو ألرابع والخامس وهي سايره عادي

أبا رايكم أبصدق صح الدين يقول هيه بس عن نفسي أنا أقول لا أحس عيب

النعيمي · 06-08-2008, 01:31 AM

السلام عليكم ورحمة الله وبركاتة

بالنسبة لزواج الحرمة من بعد وافات ريلها الدين اجاز ذلك بشرط " الإنتهاء من العدة "

وهذا الأمر راجع للزوجة بالقبول او الرفض واذا كانت الزوجة صغيرة او شابة يفضل الزواج وذلك للحصانة

اخوكم / النعيمي

ابكي زمان بكاني · 06-08-2008, 01:50 AM

تسلمين الغلا ع الموضوع

مثل ما قال اخوي النعيمي.. ولا تنسين ان كل امرأة يحق لها ان تحصل على من يحميها من غدر الزمان و ان تعيش مرتاحه..

مطلقة. ارمله ..او حتى عانس.. كلهن يحتاجن من يظفهن و يحميهن.. و الحرمه بليا الريال اضيع.. ولا تقولين اخواني بيتمون معاي.. كل بييه يوم بيتزوج و بيخلف و بيلتهي بحياته و مشاكله.. وكونه حرمه بتحتاج العون

وعاااد هب حلاوه هي ..اتزوج و اتطلق ابمزاجها .. يعني بنقول اتطلق من واحد هب زين و تاخذ الأخير منه..

مطلقة و اتلاقي لها من يظفها و يربي اعيالها اذا كان لها.. او حتى اتشوف اعيالها منه..

بس اتزوج و اتطلق ..الزواج هب لعبه.. والله محلل للحرمه هذا الشي..

والسموحه

تحياتي

العنود

عواشي كتكات · 06-12-2008, 10:35 PM

أنا عن نفسي أذا كانت أصغيره حلو منها تزوج مره وحده هب الثالث ولا الرابع أو الخامس شو أهيه فرجه حق الريايل صح ستر الحرمى ريلها بس الثالث والرابع بتكون فضيحة حقها احس انها فستان معروض حق البيع الثالث ةالرابع والمليون

دهـــ العووود ــــن · 06-13-2008, 01:13 AM

سلام علييييييييييييييييييج ...........

عن رااي بعد لااااااا.....لانه اذا خسرت الاول على انه توفى ...ليش ما تشووف حياتها عادي
بس 3 و 4 و 5 .....
ليش انشالله ......... بعدييين الحرمه ما بيطلقها ريلها مني ودرب ....اكيد في سبب
بنقول 2 ما كان زين عادي تتطلق الثلاث والرااابع ماله دااعي تشوف عيالها وتهتم في نفسها
احسن عن العرس....

تسلميييييييييييييييييين حبووبه ع المووووووووضووع نتريااا يديدج
اختج:دهن العوووووووووووود ....................

غزيل الدار · 06-13-2008, 01:32 AM

عاادي مافيها شي ثالث ولا رابع

خلوها برايه دامه حلال لؤؤل

ظبياني عكس القانون · 06-13-2008, 01:40 AM

اغلب زوجات الرسول كانن مطلقات او ارامــل
والزوجه الوحيده البكر هي السيده عائشه رضي الله عنهاا
وانتن يا بنات امتنا منو قدوتكن الا امهات المؤمنين ؟؟؟
وهالشي يرد للبنت اذا اتحس انها اتروم تتقبل زوج يديد فحياتها .
. وتبدأ بفتح بيت يديد ..
فأنا اشوف هالشي عـادي ..
لا هو عيب ولا شياته ..
واي شي حلال ماشوفه عيب

اخوج / حمدان

كويتي · 06-13-2008, 08:40 AM

اقتباس:

المشاركة الأصلية كتبت بواسطة همــ الشفايف ــس


	كنت أتناقش ويا أختي عن الحرمة أذا مات ريلها أو أتطلقت عادي تزوج ريال ثاني وبعد أذا ما صار نصيب في ألريال الثاني عادي الثالث أو ألرابع والخامس وهي سايره عادي أبا رايكم أبصدق صح الدين يقول هيه بس عن نفسي أنا أقول لا أحس عيب

السلام وعليكم

لا مانبالغ عاد بالارقام

بس المرأه اذا مات رجلها وكملة عدتها من حقها تتزوج

النفس أماره بالسوء وأسألو الكبار وبيشرحولكم أكثر

المرأه جان بتحصن نفسها فزواجها الثاني بيكون هو الحل وطبعا هي حره بقرارها

نرجع ونشرق ونغرب

ونــــقـــــــــــــول

هالشأن خاص للمرأه وهي ملك نفسها تتزوج ولا تقعد كيفها الشرع أجاز لها

وهي حرة بقرارها

وفيه حريم ماتزوجو عقب وفاة زوجهم بس مو كلهم أستحملو وحافظو وأكتفي بهالكلمه مو كلهم

ربي يوفقها ويستر عليهم دنيا وأخره أن تزوجو أو ماتزوجو هالشي خاص لها بروحها وربي يوفقها

شكرا لج أختي

ورد جوري يفوع وجناته · 06-13-2008, 09:13 AM

من رايي اشوف انه ماله داااعي 3ة4و5
الاول ماات ثاني تطلق منه خلاص تقعد تربي عياالها احسن
يسلمووووووووو الغلا والله يعطيج العافية

غلا الغيث · 06-13-2008, 10:46 AM

السلام عليج والرحمه

انا اقول , لو الموظوع مافيه خيره جان ما حلله الاسلام

.[ والخيره فيما اختاره الله ].

^_^

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبح

الذين يشاهدون محتوى الموضوع الآن : 1 ( الأعضاء 0 والزوار 1)