خلي علي وانتكر
 

خلي علي وانتكر وش حلبه وش غيره

كاضم وفي قلبه كدر حسبي على من كدره

جيته ولا ياب العذر والذنب ربك يغفره

ماحد عليك كثري صبر سوى على مظاهره

منهو شراتي وانجبر والحب بقبل كسره

يا خل انا حالي عبر ومنك الجفا ما اقهره

درجة الحراره في خطر مابزين خلك تقهره

يا سيدي غض النظر معروف يهي لا تنكره

لهو مع حمد وشكر كني عملت بيذكره

وعني شرى مدي النظر ويصخ يوم انا ازجره

وياما قطعنا بالوعر في موتريه وموتره

واسوق وانا في دجر واغازله من المنظره

هذي تصاوير الدهر خلو الاحوال مساتره

وش حلب ذهني بهالكثر حسبي على من غيره