|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم اليناالحوار والنقاش - الرأي والرأي الآخر مواضيع ساخنة , مواضيع نقاش , مواضيع جريئة , نقاش جاد يمنع المنقول والردود السطحية |
| LinkBack | أدوات الموضوع | انواع عرض الموضوع |
#1
| |
بسم الله الرحمن الرحيم
__DEFINE_LIKE_SHARE__
السلام عليكم ورحمة الله وبركاته مب عارف كيف ابدأ الموضوع لكن انا بخلي صياغة الموضوع للقلب ،انا مب كاتب صحفي ولا محلل اقتصادي انا واحد من الناس اللي شدتهم أخبار الجرايد من كم من يوم واللي وصلت فبعض الجرايد الخليجيه للأسف انها تحط عنوان وفي الصفحه الأولى أزمة دبي العالميه وجريده ثانيه تكتب امتناع حكومه ابوظبي من تسديد ديون حكومة دبي وغيرها من اللي ما وصلني ولا قريته ،انا كاتب الموضوع عشان اقولهم اول شي دبي اتاثرت بالأزمة بشكل كبير لكن مب بذيك الصوره اللي رسمها الإعلام لنا رسمها وطلعوا وشبهوا دبي بالفقاعة اللي انتفخت وانفجرت عقب ما وصلت لحدها وفاق حجمها الطبيعي شبهوها من الحسد اللي فيهم غاروا من اللي وصلتله دبي ووصلت للعالميه بفضل سياسه بو راشد ووصلهم الرد من جريده التايمز اللي صرحت وقالت الإنتقادات لدبي حقوده وبعيده من الواقع ،يعني دوله غربيه تقول كلمة الحق وبعض اخواننا من اللي ضعفت نفوسهم يقولون عنى الأكاذيب ،نسوا انه دبي قبل 20 سنه كيف واليوم دبي كيف نسوا ان اللي وفقه ربه بالحكمه واعطاه القدره انه يوصل بها لها المستوى يقدر يوصل مره ثانيه لمستوى اعلى واعلى ، ونحن دوله واحده فدبي فبوظبي فالشارجه فكل اماره ومدينه من الشرق للغرب للشمال للجنوب ، نحن عيال زايد وراشد ربونا على الصبر والوقوف بوجه الأعاصير كيف اذا جتنا الرياح نهابها ما يصير انتوا ياللي شككتوا باقتصادنا راوونا وين وجهات نظركم ليش خابت اليوم وامس في الجرايد ليش سكت نباحكم نسيتم انا اسود الزمان وما نهاب الشدايد نركض نبيها وهي تشرد عنا ننجح فكل اختبار بتوفيق من الله وبحكمة شيوخنا نسيتوا انا يد وحده بوجهكم ،ذكرتوا ازمة دبي وصرحتوا فيها ونسيتو تقولون اليوم دبي عالجت اشكالية مديونيتها اللي انتم ضخمتوها وشبهتوها بازمة بنك اوف امريكا اللي هزت العالم ،تحاولون انكم تاثرون على اقتصادنا وتحاولون انكم تثبطوا من عزيمتنا ترا انتوا بكلامكم تزيدون حماسنا مب تقللون منه نحن لا نوينا نوصل القمه نوصلها لو تعثرنا بنص الدرب عادي نقوم ونرجع نكمل انتوا تخليتوا عنا الله معاكم لا تركضون ورانا ولا تنبحون ما بنوقف ولا بنترياكم نحن انطلقنا من جديد واعلنا انا بنوصل لاهدافنا وبنوصله ما دام بو راشد وبو سلطان يقودونا ما نخاف ولو طلبوا ارواحنا نهديها كيف اموالنا وثرواتنا احنا اصلا لولاهم بعد رب العالمين ما وصلنا لها المستوى زايد وراشد ومكتوم من قبل والحين بو سلطان وبو راشد وبو خالد وحمدان عيال الأسود اسود ما تنحني ولا تهاب الشدايد ، اقولها بكل صوتي وكل شخص فهاي الدوله المعطاءه يقول معاي (رووووووووووووووووووووح يا بو راشد نحنا وراك ولو عبرت الاعصار فينا نحن وراك نعبره ما ناخر خطوه عنك بنمشي معك لين ما نوصل معك لاهدافك اللي هي اهدافنا روح والله معاك يوفقك ويحفظك لنا ونحن معاك للنهايه ) افهمو يا ناس لا تحاولون معانا ما بنتاخر ولا بننكسر ولا بنتراجع حنا رجال تزيدنا الشدايد شده وتزيدنا المصايب جلد وقوه حرثنا البحر معك يا بو راشد كيف ما نبقى معك هالحين لا تهتم ولا تشغل بالك نحنى وراك وراك وين ما تسير نحنى معك نفداك ونفدي تراب اماراتنا ونفدي ترابج يا دبي ، توقعوا وحللوا لكن صدق من قال كذب المنجمون ولو صدقوا هذا كذبهم وتوقعاتهم بدت تندحر وتحليلاتهم بددت تفشل رسموا خط لنا يظنونا بنمشي عليه نسوا انا نحن ما بنمشي غير على خط بو راشد مهما كان صعب . رووووووووووووووووووووووووووووووووووووووح بو راشد نحنا معك للنهايه
طير تعلى فوق كل الشياهين ............. و الي ينوشه صار ريشه بدودي |
12-02-2009, 01:44 PM | رقم المشاركة : [ 2 ] |
۞ جوهرة يتمناها السلاطين ۞ | العذر منك لاني قريت الموضوع للنص .. لكن فهمت المضمون عدل ..~ هالأيام ماشي حديث في الأخبار سواء في قناة العربية او الاقتصادية أو أي قناة ثانية إلا عن أزمة دبي..~ والصراحه الرمسة اللي في الجرايد انا صديت عنها .. لانه امبونها الجرايد اضخم المواضيح بدرجة غير معقولة واتبالغ في الأحداث..!! وقالوا البارحه في أخبار الإمارات أنه السالفة فيها حقدن من الدول الثانية ..~ وأنا الصراحه استانست على هالخبر ما أقول لا ..~ لأنه هذا دليلي على تقدمنا وازدهار الدولة وخاصة ادبي..~ وانشاالله للأمام .. واستوت أزمات من قبل .. وصديناها .. ~ ويت على على ألحين يعني ما بنصدها ..~ !!!~.. وتقدم يا بو راشد وحنا وراك ..~ وتسلم على الموضوع القيم . __DEFINE_LIKE_SHARE__ |
| |
12-02-2009, 02:46 PM | رقم المشاركة : [ 3 ] | |
عضو جديد | تسلميلي الغاليه نعم تقدم يا بوراشد نحنا معاك
__DEFINE_LIKE_SHARE__
| |
| ||
12-02-2009, 02:58 PM | رقم المشاركة : [ 4 ] | |
عضو ماسي | ما عرف شووو اقول أو شوو اكتب .. غير اقول الله يحفظه لنا ويحفظ دولتنااااااااااااا الحبيبه من عيوووووووووون الحسااااااااااااااد ....... ويعطيك الف عاااااااافيه .... وهذا دليل على حبك وخوفك على وطنك .... ورايتك بيضه .. __DEFINE_LIKE_SHARE__ | |
| ||
12-02-2009, 09:25 PM | رقم المشاركة : [ 5 ] | |
عضو جديد | تسلميلي شيطونه ونقول نحنى وراك يا بو راشد
__DEFINE_LIKE_SHARE__
| |
| ||
مواقع النشر (المفضلة) |
| |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
وراك وراك ........ ابوهاجر الجنوب | محروم.كوم | منتدى أخبار المواقع والمنتديات العربية والأجنبية | 0 | 07-24-2010 02:40 PM |
وراك وراك | غانم قطر | نغمــات للهــواتف | 19 | 10-03-2008 03:30 AM |
وراك وراك ( والمـــســــخــــرة ) وراك !!! | النعيمي | الحوار والنقاش - الرأي والرأي الآخر | 76 | 09-19-2008 08:50 PM |
:.. وراك وراك ( والمـــســــخــــرة ) وراك ..: | قـلب دبـي | المواضيع المكرره | 2 | 09-13-2008 12:49 AM |
طلب اغنية برنامج وراك وراك | الراهي2009 | نغمــات للهــواتف | 3 | 09-06-2008 02:06 AM |