فكـرت بالدنيـا وبرّقـت بالحـال
وقلّبتهـا مابيـن عـدلٍ ومـايـل
جلست أفكـر وأتفكـر بالاحـوال
أجمـع وأفـرّق دقهّـا والجلايـل
في ساعةٍ مافيه من حولـي أزوال
إلا أنـا والنـار تشعـل شعـايـل
مركي على جال الجمر خمسة إدلال
يقدح سناها مثـل بـرق المخايـل
وأخذت لي منهن على الكيف فنجال
يجلي همومٍ وسط فكـري تشايـل
في صحصح ٍ مافيه حاسد وعـذّال
أهل القلـوب المبغضـات الغلايـل
في صحصح ٍ يطرد على بيده أللال
قفرٍ خـلا مافيـه غيـر الهمايـل
أخذت أراجع ماعرفته مـن أمثـال
ماضي العلـوم موثّقـات الدلايـل
لقيت في دنيـاي مايزعـج البـال
ممّا يريب النفس شفـت الهوايـل
سنّدت برقا نايف الرجـم والجـال
وزلت قدم رجلي برجـف وتهايـل
وطيتها شعبـان وحـزوم وجبـال
وسرّيتها مسري وصبـح وقوايـل
خاويت أنا رجال من الناس ورجال
ومال الرّخم ماكر على رأس طايـل
شفت الحصاني تعتلي روس الاقذال
والذيب يمشـي يتقّـي بالمسايـل
والبوم له ماكر على رأس ما طـال
والحر ينزل بيـن قشـع وخمايـل
صارت على الأجواد هـمٍ وغربـال
فيها تسـاوت بالفضيلـة رذايـل
ضاعت مفاهيمٍِ عريضات وطـوال
فيها أختلف درب السنع والوسايـل
دنيا غريبة ماعرفنا لهـا أشكـال
منها لبيب العقـل شـاف العلايـل
دنيا تقلّب بيـن الاقفـاي وأقبـال
ضاعت بها الحسبة بكل المسايـل
كلّ غـدى للحـق ناقـض وفتّـال
من يوم صارت هرج قيل ٍ وقايـل
حتى الكرم شبّه مع الناس بخبـال
والحق عند النـاس عدلـه تمايـل
منها نشف حالي غدى كنه اخـلال
هذي عظامي تحت ثوبـي نحايـل
ماكل من يلبس له اعقـال رجـال
ولا كل عسّافٍ يعسّـف الاصايـل
المرجلة ما هـي سواليّـف دجّـال
المرجلـة جـزمٍ وعـزم وفعايـل
والشور مايؤخذ من عقـول جهّـال
والحـق مايقبـل عليـه البدايـل
أصد وجهي عن بعض شوف الانذال
وأقبل على راعي الوفا والجمايـل
ماعاد لي رغبة ولا عنـدي اّمـال
ولأني من اللي للردى هـد عايـل
لي رغبة وحده سجـود بالاصـال
اخّط لي مسجـد وأصلـي نفايـل
الإهداءات
« آخـــر الـــمـــشـــاركــــات »
06-02-2008, 11:11 PM
المرجله حزم..وعزم..وفعايل 
العرض العادي
اختر لون صفحتك
سيتم
سحب ألقاب المجموعات التاليه (عضو مميز + مشرف مميز) وسيتم اختيار أعضاء جدد في
كل اول شهر سيتم طرح التفاصيل قريبــاً.
تم
إلغاء مجموعة التاجر وتم افتتاح باب استراحة البيع والشراء للجميع وتم تعين ]] مغروره الجمال وعمه [[
مشرفة على
الاستراحة نتمنى للجميع حظاً موقفاً.
كم
عدد أبناء الشيخ زايد بن سلطان أل نهيان رحمه الله ؟
