السلام عليكم ورحمة الله وبركاته


هذا الموضوع جفته في احد المنتديات و حبيت انقله لكم ...

في موضوع يا جماعة الخير شاغل بالي يمكن الكثير يشوف أنه عادي وماله داعي أن الواحد يطرحه ويناقشه وأنا ترددت كذا مرة الين قررت أني اكتب الموضوع لعل وعسى القى الجواب الكافي من (الشباب) تحديدا


لاحظت أن الكثير من الشباب الي عاشرتهم وخاويتهم وتلاقيت وياهم من الربع يعني والأصدقاء
المهم وعلى سبيل المثال واحد من الربع يحب وحدة ويكلمها ويسولف وياها من كذا سنة يعني في بينه وبينها قصة حب وغرام وفي نفس الوقت عنده بنات في المسنجر أو حتى عن طريق (الفون) مع أنه يحب الأولانية ويعترف بهالشيء يعني الشخص هذا يحب البنيه من سنوات وتعتبر بالنسبة له كل شيء وحتى أنه راح يتقدم لها يعني الولد جاد ومب ماخذ الموضوع من باب المراهقة أو اللعب أو حتى التسلية .

لكن السؤال الي يطرح نفسه أنت يا فلان يلي تحب من كل قلبك واحاسيسك ومشاعرك ليش تكلم غير الي تحبها شو السبب يا ترى هل هي مقصرة في حقك أو أنك مليت منها ومن حبها وودك بشيء يديد

وسؤالي لك أيها العاشق ترضى حبيبتك تسوي سواتك وتتعرف على شباب وبنفس الوقت تقولك أحبك .. ما أعتقد راح ترضى وأنا متأكد أنك اذا عرفت أنها كلمت غيرك مجرد أنك سمعت أو حد قالك راح تقلب الدنيا فوق راسها .. الغيرة آآه من الغيرة محد يقدر يتحكم في الغيرة

أنا في انتظار جوابكم وردوكم يا شباب لأن الموضوع مطروح لكم وأتمنى تكونون صريحين
وأنتوا البنات بعد تقدرون تشاركون طبعا وتعلقون على الموضوع من وجهة نظركن .

منقووووووووول