اشهر الكلمات السعوديه المضحكه - .·:*'*:·.استراحات زايــد.·:*'*:·.

نوافي · 05-25-2008, 07:38 PM

مرحباااااااااااااااااااااااااااااا اليوم جبتلكم موضوع علشان تتثقفون بس لا اكثر ولا اقل وهو المصطلحات السعوديه العاميه:

اشهر الكلمات السعودية المضحكة

كلمات عامية ..ومعانيها..

الدلخ : وهذاا إنسان غبي جداااا.ويرفع الضغط ....وينرفز ....واكثر من يعااني منه المدرسين ....واهله.

المنسم : كل ما مريت عليه تسمع صوت سسسسسسسسس و ذلك راجع إلى تهريب الهواء من رأسه و

السبب في ذلك هو أن في رأسه فتق لذلك تلقاه دايم يغطس رأسه في سطل موية عشان يعرف من وين التنسيم .

المهوي : هو مرحلة متأخرة من التنسيم و المهوي وصل لمرحلة متأخرة جدا بحيث يفقد أهله الرجاء منه ...

الشخر المخر أو أبو مشخر ! : من نفس فصيلة المنسم !

السلنتح : قليل الأدب

جحلط ( بتشديد اللام ) : وهم مرحلة متقدمة للسلنتح

مزّلب : يعني بايعها بتراب !

مسفّح : يعني طاير في العجّة وهو ما عنده ما عندي جدتي , يعني بالعربي الفصيح من جنب العارضة

الصتيمة : وهو الشخص اللي ماعنده ماعند جدة جدتي ...!!...ويصدق أي شيء يقال له

المسبة أو المسبوة : هو الشخص اللي يكون مروع في صغره لدرجة أنه يصبح شبه فاقد للعقل ...

الفاهي : هذا الله يخلف مهما تقول له أو تصارخ عليه تلقاه فاتح فمه و بس و إذا كلف عمره و تفاعل معك رد عليك و قالك : هه ...

الحقنة : هو الشخص الغثيث اللي ما يفكك لين تعطيه اللي يبيه منك و مهما تسوي له عشان تصرفه عن
الموضوع حقه ينشب في حلقك لين يأخذ منك اللي يبيه , وهذا يفسر قول العرب : أغث من حقنة !!....

العلة : هذا اللي ما تأخذ أنت منه أي شيء و لا عنده استعداد انه يسمع منك مهما حاولت وهو كالمرض يعلك لين تنفقع مرارتك منه......

العربجي : يظن معظم الناس أن العربجي هو الشخص الشديد حق المشاكل و اللي ما يمشي إلا وهو
مشخص ببنت البكار ( أسم لطريقة لبس الشماغ عند العرابجة ) و حاط مفاتيحه في سلسلة و لا بس نعال
سجاديه و يسحبها تسحيب لين جاء يمشي و دايم فاتح صدره و رازه على فوق و كانك ولد أبوك قله شيء
بس .
لكن في الآونه الأخيرة ظهرت إشاعات تقول بأن العربجي هو اللي يسوق الحمار(الله يعزكم) لكن
صرح مصدر موثوق من عائلة العرابجة بأن هذه إشاعة مغرضة أطلقها عليهم أحد الخكاري...

الكحلي : يطلق مسمى الكحلي على ذوي البشرة السمراء و لأن ذوي البشرة البيضاء مساكين ما عندهم لقب احتجوا عند الأمم المتحدة مطالبين باللون الفضي ....

المرجوج : هذا ما عمره صلح شيء صح في حياته ما يمديك تفتح فمك إلا و طار في العجة بدون ما يفهم
وش السالفة. و الارتجاج الحاصل له يختلف تماما عن مشكلة المسبة أو المسبوة حيث يكون الارتجاج هنا نتيجة صدمة و ليس نتيجة روعة .

المطفوق : من فصيلة المرجوج ... إلا أن مايميزه هو انه اذا مر من عند كاس أو جيك أو ابريق أو أي شيء
فيه سائل لازم يكبه ( أي يسكبه ) برجله وهو مايدري ،، ولا تخليه يمر بجنبك وانت معك صينية فيها بيالات
لأنه لازم يطخها بيده أو بكتفه ..!! أيضا لاتخليه يصب قهوة لضيوف لأنه لازم يكب القهوة على ثوب واحد منهم..!!!!!.....

السربوت : هذا اللي ما يخلي مكان ما يروح و قد كان الأولين يطلقون لقب السربوت على من يشرب الدخان لكن الحين الله يخلف الناس تدخن بيديها و رجليها و لحد يقول لهم شيء.

السمرمدي : وهو من نفس فصيلة السربوت.

الداشر : هذا قليل الأدب و لا يحب يماشي إلا السرابيت . و إذا قيل فلان دشر فلان أي خرب أخلاقه لكن في الأردن الشقيق كلمه دشره تعني أتركه..

الملكع : أما هذا فيعرف حتى السكن(اي الجن ) و مقطع السمكة و ذيلها و مهما تحاول تلف و تدور معه تراه فاهم و عارف وش تبي بالضبط فلا تتعب نفسك .

زعّيط : مسوي نفسه يفهم في كل شيء وهو من جنب العارضة.

المصرقع : هو كل شخص ما يهمه شيء و اللي يطري على باله بيسويه لأنه ماخذ الدعوة سعة صدر و هبال ...

المفلت : هو كل شخص ما تقدر أنك تأمنه على شيء لأنه مهوب تكانة و يتميز بكل أنواع الإهمال و التطنيش....

الخكري : ببساطة الخكري = نعومة + دلع + ليونة والله لايبلانا...

اللزقه: هذا الشخص اللي علطول معك وقدامك ووراك وكل شي وتطلع مع الباب تلقاه تركب في السياره تلقاه يطق القزازه وهاكذا.

الزنقّبي : (بتسكين النون وضم القاف ) يعني العزوبي.

الصديع : اي كلمه في راسه يطلعها ولا يتنباء بأفعاله سواء كانت صح ام خطء .

الجنط : من فصيلت الدلخ.

هههههههههه

يلا اعطيتكم الحينه دروس في اللهجة السعودية<والله النشبة اعلمكم انجليزي وسعودي

اهم شي عجبكم الموضوع وخذتوا فكره

اختكم/ نوافي

كويتي · 05-25-2008, 10:30 PM

صلاحه ثقافه عاليه

وينك أخوي الخالدي

وينج يا أخت قمره

عطونا من هالمعاجم عندكم

تسلمين أختي على هالمصطلحات وأنطر أخوي الخالدي أشوف شنو وضعه من الاعراب فيهم

حلات التلاقييي · 05-25-2008, 11:04 PM

:: تسلمين ختيه ** نوافي ** ع الموضوع الواااااااايد حلوووووووو ::

:: وربي يعطيج الف عافيه ::

:: ونتريا كل يديدج ::

دبر عمرك · 05-25-2008, 11:56 PM

درب درب

يازين هالحتسي زيناااااااااااااااااااااااااااااااااااااااه

ماخليتي لنا شي ماشاء الله عليتس كفيتي ووفيتي بس عندي اضافه خااااالعه

.................................................. ..................

الزعيط:
كثير الكلام عن نفسه
________________________________________
يتفلت:
تطلق على الشخص اللي يحاول اختلاق مشكله وذلك برفع الصوت ومسوي إن أخوياه ماسكينه لايطق الرجال وهو محد ماسكه
________________________________________
تلايط:
كلمه يستخدمها الشباب لإسكات الشخص كثير الكلام وغيره ولها مفعول قوي ومجرب حيث أنها ما انقالت لأحد وتكلم عقبها
________________________________________

مجلعد:
وصف لشخص مسرع في أي شيء سواء كان في سياره أو على الأقدام أو حتى في قراءة رساله أو كتابه أو كلام يعني تعبر عن السرعه بشكل عام
________________________________________
مصفي الطبلون:
أعتقد الكلمه مفسره نفسها ومع ذلك فهي تستخدم لحالات غير سرعة السياره بس تعبير مزاجي
________________________________________
الرفرف يسابق الصدام:
هاذي تعبير شايب يوصف سياره مسرعه على الخط وزي ماتلاحظون قمه في الإبداع هالوصف مع ملاحظة إنه يمكن الشايب كان يمشي 80 والسياره الثانيه 100 وقال هالتعبير عاااااادي ولا يأنبه ضميره
________________________________________
مكيم:
تعبير عن السرعه في عدة حالات وهو مأخوذ من عداد السياره (km) لأنه لو تلاحظون في العداد حرفين بالإنقليزي
________________________________________
دز:
وهي فعل أمر بمعنا اسرع

قامط:
وهو المصطلح الأشهر في لغة الشباب ومعناها خايف جدا وسبب التسميه معروف على ما أعتقد
________________________________________
منخرش:
وهو يطلق على الشخص اللي وصل حالة التوتر من شدة الخوف وصارت أفعاله غير مرتبه
________________________________________
مزرقٌ:
وهي تحول الشخص إلى اللون الأزرق من الخوف (طبعا مبالغه مافيه ادمي ازرق)

مقلوز:
يعني شخص معصب ومصدرها الأصلي مجهول الهويه بس أغلب الظن أنها تعني كلوز بالانقليزي يعني مغلق يعني قاطع الإتصال بالأخرين من الغضب
________________________________________
إتش:
تعني الشخص الغاضب أيضاً بس الوصف مأخوذ من السياره حيث إذا ارتفعت حرارتها إلى الحد الأقصى تصل في عداد الحراره للحرف (H)
________________________________________
مقفله معه:
ويعني أنه من الزعل يحس وكأنها قفلت عليه الدنيا وتعسرت عليه الحلول بالعربي وخرو عنه لايحط الحره فيكم
________________________________________
منكتم:
وهي وصف للصمت ولكن تعني تحديدا الشخص الصامت من شدة الغضب

فله:
يعني سعة صدر وهي في الأصل فله حجاج بس اختصروها إلى فله
________________________________________
مستلج:
في الأصل هي تقال للشخص اللي ماكل حبوب منشطه (أبيض) بس الشباب يستخدمونها للشخص اللي داخل يضحك وبحماس بغض النظر عن إنه ماكل حبوب ولالا
________________________________________
راح غلطه:
وهي مصطلح بمعنى تورط وله عدد كبير من المرادفات مثل أكل هوى
________________________________________

وانا بصراحه دايم يطلقون علي(مهــوي)

وهي كلمه يستخدمها الشباب لوصف حاله شخص ليس بكامل وعيه وتكون ردة فعله على بعض المواقف مضحكه ولها كلمات مرادفه بنفس المعنى(منتهي-مفهي-مأجر العلوي-منسم)

ولد عمي وش المصطلح اللي يناسبك؟؟ احتري ردك

يسلموو على الطــرح الخــاااالــع

سلملم

كويتي · 05-26-2008, 12:17 AM

أنا طير شلوى

يالمهوي أفضب أرضك تراه مهو بزيلك

دير بالك

ههههههههههههههههههههههه
هههههههههههههههه

نوافي · 05-26-2008, 02:38 AM

مرحبااااااااااااااااااااااااااااااا بكم كلكم
انشاء الللللللللله عجبكم الموضوع
وانته يالخالدي صددددددددددق انك مصفي الطبلون ههههههههههههه
فضحتنا قلت كل شي
هههههههههههههههه
مع تحياتي وابلغ سلامي
اختكم / نوافي