هـ [ الزمن ] لـو مايطيعـك طـآوعـه وإحـذر خدآعـه

بنت اصل ما تنوصل · #1 11-01-2009, 09:46 PM

بسم الله الرحمن الرحيم
السلام عليكم ورحمة الله وبركاته

قصيدة عيبتني لانه فيها حكمة
اتمنى تنال على رضاكم

مايرد النفس عـن درب السخـط غيـر القناعـه
و[الرضا حِكمـة] تشـدّ العـزم بالحـزن الثقيـل

مالنـا لاثـار مـوج الـهـم وإشـتـد إندفـاعـه
غيـر دعـوة رب هـذا المـوج و [الخافـق ذلـيـل ]

نوب نضعـف لا غزانـا الهـم وأتعبنـا شِراعـه
نفقد الحِكمـة و [ نبحـر بالأسـى ]مـن دون حيـل

ونوب تِفقِدنا المصايـب مـن بلاويهـا الشجاعـه
ونوب [نخـوات الشجاعـه] ترمـي الخافـق قتيـل

عايشين بطيب عيـش ونشتكـي ظُلـم المجاعـه
في [مظاهرنـا سكـون] * وفـي مخابرنـا فتيـل

نشتكي ونقـول: جـرح الوقـت يـا كبـر إتساعـه
والحقيقـه لاتمايـل هالزمـن [قمـنـا نمـيـل ]

ماخذتنـا هالليالـي .. بيـن أياديـهـا بضـاعـه
ليـن [جيناهـا عـروض] .. وسعرنـا جـداً قليـل

إن وقفنا ماوقفنا .. غير فـي وجـه الجماعـه
وإن جلسنا ماجلسنا.. غير عن [ فعل الجميـل ]

وإن حكينا ماحكينا .. غير بـ فـلان ومتاعـه
وإن سكتنا ماسكتنا .. غير عن [ حق ودليـل ]

تشتكي منّا أخـوّة .. أصبحـت وهـم * وإشاعـة
ليــــه خليتوا [جروحـي] .. مـن فعايلكـم تسيـل

وتشتكي منّا صداقة .. أصبحـت زيـف وصِناعـة
ليه وقفات الصداقة .. مالقت فيكـم [ أصيـل ]

وتشتكـي منّـا مبـادي .. مالقـت منّـا شفاعـة
حقّها مُجحف وفينـا [ مالقيـت ] درب وسبيـل..!

هالزمن لـو مايطيعـك طاوعـه وإحـذر خداعـه
نوب [ تغرينا ] ملامـح * وسطهـا وجـه ٍبديـل

و الشقا وإن طال غيمه .. تالي الغيـم إنقشاعـه
ماخبرت الغيم يبقـى .. فـي سمانـا [لـو يخيـل]

و الوجع موجود طبّه .. بس يحتـاج لـ مناعـه
و [المناعه] حزم قلب * وصبر * مع قلب ٍ يشيـل

و الزمن وإن زاد قسوة .. يبتسم لك لو لـ ساعه
وإن تبسّـم لـو لساعـه إحمـد [الـرب الجلـيـل]

إبتسامة عقب دمـع ٍ .. حـرّق الجفـن إلتياعـه
خير من دمع ٍ [فقد ضحكات] من وقـت ٍ طويـل

بإختصار : إرضى بواقـع دنيتـك وإقبـل سماعـه
و اقتنع بأحكام وقتـك لوغـدى [قلبـك عليـل]
/
اعجبتني حييييييييييييييييييييييل هالقصيده
فيها حكمه[/font][/size][/b][/size][/SIZE] __DEFINE_LIKE_SHARE__

همسة عاشق · 11-02-2009, 03:25 PM

بإختصار : إرضى بواقـع دنيتـك وإقبـل سماعـه
و اقتنع بأحكام وقتـك لوغـدى [قلبـك عليـل]

روعه القصيده
سلمتي الغلاا ع الطرح النايس**
يعطيج الف عافيه __DEFINE_LIKE_SHARE__

بنت اصل ما تنوصل · 11-02-2009, 04:43 PM

مرورج الاروع يالغالية
الله يسلمج من كل شر ياربي
ربي يعطيج الصحة والعافية
اشكرج على المرور الفنتوكي يالحلوة __DEFINE_LIKE_SHARE__

ذيـــاب الكتبي · 11-03-2009, 11:08 PM

صح الله لساانج وابدااع اختياارج في ذمتيه

انج كسر تيييم

واتحفيناا بجديدج ياا بنت البدو يعلج على الخير والصحه داايم يااارب __DEFINE_LIKE_SHARE__

بنت اصل ما تنوصل · 11-03-2009, 11:31 PM

صح بدنك يالطيب
هذا من طيب اصلك ياخوي
فاالك طيب ياخوي
اامين ياربي الجميع
مررسي على طلتك الغاوية
وربي يحفظك ويوفقك هع __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الزمن ماتغير بس اهل الزمن هم المتغيرين	مالك الصحاري	الإستراحه العامة	8	06-07-2009 09:15 AM
قلب الزمن جاف ..	راحيل	شعر و خواطر	8	04-05-2009 09:03 PM
حال الزمن	دهـــ العووود ــــن	الحوار والنقاش - الرأي والرأي الآخر	12	08-17-2008 02:37 PM
الزمن	bsmaT 2alem	الحوار والنقاش - الرأي والرأي الآخر	9	07-03-2008 07:16 AM
هذا الزمن	حزم ريش	شعر و خواطر	15	03-17-2008 02:15 PM