هل نعرف الاداب العامه بطرحنا في (استراحة الحوار والنقاش) أو غيرها أرجو المشاركه أو الاطلاع مع الشكر

كويتي · #1 05-21-2008, 04:32 PM

السلام عليكم و رحمة الله و بركاته

أقسم بالله العظيم أن موضوعي هذا بقصد بعض الاخوه والاخوات وهم قله بس يستاهلون نوجهلهم رسائل

وأقسم بالله العظيم أني أعني كل حرف فيه ولا بندم عليه

وأقسم بالله ماتردت دقيقه أو لحظه أني أعدل عنه والله من وراء القصد

هذا قسم نقاشات ........... وغيض من فيض فيني ماعرف اعتب ولا اعرف اواجه خصمي ........ لان مرات يكون اضعف من مجرد التفكير في مناظرته ....................مانقول علو ولا نقول غرور بس ناخذها من الجانب الحسن ضد ضعفاء الانفس ولا بسطاء العقول .................. والتواضح رفعه من الله ومن الله رفعه حبه .

والكلام يكفي يكون رساله وأنا واثق أنها بتوصل للمعنيين فيها وهذا مرادي ..... وابيها تروح الى أبعد من قصدي وهي لخواني وأخواتي . للاطلاع فــقــــــــــط

وأملك الجرأه والادب أني أناظر بالعلن ولا أخاف الله لومة لائم بس أستخرت لسبب واحد وهو أحترام القسم وذوق وأطلاعات القراء أكتفيت بهالتنويه بالمقدمه .............. وببنزل موضوع عن اداب النقاش اللي البعض ما يتبعها ولا يعرفها وفيه من الادله الكثير وعسانا ما نستشهد فيها لان الغايه الاصلاح مو الاطاحه او الفتنه نكتفي بالتلميح حاليا فقط .

وأن أستدعى الامر ماهو أكبر منها فأنا أهلا لها أن شاء الله بظهرها بالعلن وعلى نفسها جنت مراغش

ودائما حجج والطرق الملتويه اللي هي مابعد الرسائل والماسنجرات والقال والقيل مكشوفه وتبين بيسر وسهاله بس الاشخاص ........... النظاف مايتبعون هالطرق الملتويه ... وبيكون لي موضوع تكمله عقب ما نبدأ بأداب النقاش بعدها ندخل بموضوعي الاساسي وهو النميمه والنعرات والاحزاب

مانبي نطول ننزل للموضوع

الواحد أو الوحده لحبو يشاركون بموضوع نقاش مو أومي براسي وشوف اللي قبلي شكاتي وأكتب نفسه أو أرادف معناه ولا أدري والله الله حاطني الله عطانا نعمة العقل عشان نستثمرها فشوفو النقاط تحت وأسمحولي لا أجيد تسطير الكلام المنمق بعطيكم بصيغتي المستحبه والعاميه

1- قبل الردود بأي شي..

( نستعين بالله ونسمي )

وبدوها بالتوكل على الله وقرأوها .

2-نقرأ المشكله ولا المواضيع بدون استعجال وبتروي

واذا مافهمتو نقطه طوفوها لا توقفون وتشغلون فكركم فيها كملو لاخر جزأ الجمله وردو اقروها من جديد بترسخ بذهنكم ويفضل افروها بصوت
.

3- حاولو وانتو تقرأون الموضوع أو المشكله نفس ماقلتلكم قبل لا تطالعون رد البقيه وقفو على الموضوع.

عشان ما تاثر فيكم وتشتت ذهنهم حطو نصب أعينكم أن طرحكم أفضل وكتبو بثقه

4- حاولو وانتو تقرأون المشكله أو الخبر أو اي شي اللي يطلع ببالكم أول شي أعتمدوه لا تحاولون تهولون بالامر أو تعددون الاسباب ...

السبب واحد ورأي طارح الموضوع يحترم .

5- كثر ماتقدرو لا يكون ردكم مثل قضيه انتو مريتو فيها وفشلتو وتحطون حرتكم بهالرد ؟ اعتبرو من غلطاتكم وقولو الحل حسب ما توارد في بالكم اكتبوه .

( ولا تحاولون تقلدون طرح الكاتب أو لونه أو أسلوبه أبدعو خلو الناس يعرفون أسلوبكم)

6- مو شرط ردودكم تكون منمقه وبالفصحى تكلمو بفطرتكم لا تقلدون ..

أهم شي أنت مقتنع أن كلامك مفهوم لللي قدامك

( ترى هم كلامنا العامي له تأثير ويأخذ بالحسبان بس وين العقول اللي تبدع بالرد كون منهم ! )

7- حلو لمن تجي تتكلم وتستشهدون بأيات ربنا سبحانه وتعالى أو سيدنا محمد عليه أفضل الصلاة والسلام

(( أهم شي يفضل كتابة المصدر وأجباري تكتب رقم الايه واذا كان حديث شريف يروى عن ! وأما اذا الكلام مأخوذ من الاثر فلا ضرر اذا ماذكر المصدر ))أو تستشهدون قصه أو حادثه مرة عليكم اذا تخدم الموضوع !

8- مو كل موضوع يبي منك رد مطول أأمن بهالشي أن أغلب المواضيع يبون منك رد مبسط فأحترمو طرح الموضوع بقدر الحاجه .

9- اذا الموضوع يتطلب حلو فيجب أن تستشهد بتجاربك لخدمتهم .

ولو مامرت عليك انقلهم ماتوارد بذهنك وقول جربو يمكن تصير بس وصل رأيك .

10- الحرص الحرص الحرص اذا مر عليكم واحد أساء الادب أو أختلف معاكم برأي حاد أنكم تردون عليه ! توجه لشاركته وروح تحت الاسم فيه تبليغ عن مشاركه أضغطها وكتب شكواك وثقو وأمنو بالله اداريين المنتتدى بالاداره العليا يتعاملون مع شكواك بسرعه وبعدل مافيه محاباه لناس وناس . والشكوى مايقرونها ..

(والحقران يقطع المصران ولا تنجرفون وراهم بالرأي وتندمون بعدين خل أحترامك للزوار بس وخل الاداره تتصرف مع المخطيء) .

11-أذا أختلفت مع أحد بالرأي حاول أقناعه برويه وأذا أستوجب أنا نصحه النصيحه مستحبه بس قبل لا ننصح نتقيد بأداب النصيحه

(حتى لو عصب بسلوبكم الطيب بيتقبل)

وحنا مو داشين حرب دبابات ومدافع وأسلحه خفيفه حنا أمام جمع مبارك من الناس نطرح للفائده فقط

ولو الطرف الثاني ماقتنع مايشوف شر ما تفرض رأيك عليه أتركه عنك روح برأيك وهو برأيه ولا تعانده

لان هذي حريه شخصيه وأنتو مو مخولين بأجباره.

12- لا تزعلون أذا كنتو تكتبون وشفتو بعض الناس يتعمدون يحبطونكم أو يعارضونكم برأي الناس أجناس فيهم الصالح والله يكثرهم (وفيهم الطالع هالخفافيش نفس ماعنيتهم فوق وبجيكم بموضوع لاحق أوجهه لهم) .
المهم أبذلو ماعليكم والباجي على الله وعتبروهم كلهم عذال .

وممكن ان طرح ماعجبهم كيفهم أنت لا تعترض على كلامهم أو فعلهم .

13- اذا تداخلت معاهم بنقاش مشكله أو موضوع أو قضيه لازم مستقبلا تحرص على الدخول ومتابعة الردود اللي وراك
يمكن يناقشك أحد ويبي مناظرتك (أما حاب ركز على كلامك عشان يوجه رساله لغيرك أو يبي هو يفتنع من كلامك أو يشوف شي أنت ماتشوفه فناقشه)

14- دائما الموضوع حق الاداره منفرد بنسبة 90% لصاحبه فبادرو بتقديم الاحترام والتقيد لما كتب وتقيدو لشروطه

(اذا مو عاجكم لا تردون على موضوعه ) أو (واللي بيحتار من الرد يتابع مو شرط يحجز مع أول ناس بالردود يرد عقب ويعلق )

همسات وغمزات

لذو الرأي الحاد والمتعجرفين وذوو وسائل الرسائل بالخفاء اللي مافيها غير النميمه أقولهم

ضعاف الأُسْد أكثرُها زئيراً....... وأصرُمها اللواتي لا تزيرُ

شكر

لذوو العقول النيره والمحبوبين بردودهم الله يكثرلنا من أمقالكم ويحتسب فعلكم عند ربكم قبل لا تنطرون منا كلمت شكر لان دخولكم لهالقسم والغايه منه واضحه تتحاورون تبتعدون عن المعارك والنميمه والعنصريه والتدليس بالامور فحبيت أشكركم وغيري يشكركم ويقول بيض الله وجهيكم .... محبتكم بقلوبنا رجال أو نساء وبصماتكم واضحه وذكركم الطيب بقلوبنا

لي عوده بتكمله بنفس الموضوع وسنزيد 5 ملغ للمعنيين فوق أهل الظلام

وأخيراً أشكراً لمروركم

الموضوع مفتوح للكل من يجد عكس ماقلت يتفضل بأختصار يثير النقاط ونبتعد عن الشكر الزائد والمديح وتكون ردودنا على ما ثلته والغايه قلناها الاستفاده أن شاء الله

أخوكم
كويتي __DEFINE_LIKE_SHARE__

كويتي · 05-21-2008, 04:40 PM

[foq]محجوز للتكمله الله لا يهينكم[/foq] __DEFINE_LIKE_SHARE__

نسايم كلباء · 05-21-2008, 05:25 PM

يشرفني أكون أول وحده ترد ع الموضوع

وكلامك صحيح اخوي البعض يكتبون اللي يدور في بالهم

والبعض الآخر يشوفون ردود الآخرين ويحاولون يقلدونهم وهذا الشي يحر الكاتب .

تسلم اخوي ع الموضوع وما قصرت ربي يعطيك العافيه

دايما متميز في مواضيعك

وموضوع يستاهل التقييم

دمت بـ سعادهـ

اختكـ نسايم كلباء __DEFINE_LIKE_SHARE__

كويتي · 05-21-2008, 07:17 PM

المشاركة الأصلية كتبت بواسطة نسايم كلباء

يشرفني أكون أول وحده ترد ع الموضوع

وكلامك صحيح اخوي البعض يكتبون اللي يدور في بالهم

والبعض الآخر يشوفون ردود الآخرين ويحاولون يقلدونهم وهذا الشي يحر الكاتب .

تسلم اخوي ع الموضوع وما قصرت ربي يعطيك العافيه

دايما متميز في مواضيعك

وموضوع يستاهل التقييم

دمت بـ سعادهـ

اختكـ نسايم كلباء

حياج الله أختي وأسعدني مرورج بارك الله فيج

وتسلمين على هالمداخله الطيبه

ولا هي غريبه على عضوه طيبه وواعيه نفسج

وشكرا للتميز

ووعدج الحلقه الثانيه بتطول الفئه المعنيه فوق على وعسى نتوفقكلبونا

الف شكر لج

__DEFINE_LIKE_SHARE__

دبر عمرك · 05-21-2008, 07:46 PM

وعليكم السلام ورحمة الله وبركاته

موضوع في وقته عز الله انك عرفت متى تطرحـه.. الفئه اللي تكتب ردود مرادفـه لردود الآخرين ولا نفس اسلوبهم

عز الله انهم واجد اوفقك بشده ومن هذا المنبر اقولهم والله انكم مبدعين وربي انعم علينا بنعمة العقل نفكر

ونميز ويمكن تبدعون اكثر من هاللي انتوا تقلدونهم .. ماادري وين المشكله هل انكم ماتبون تتعبون تفكيركم

ولا اسم انكم رديتوا على الموضوع وخلاص؟؟

بصراحـه قسم النقاش في الآونه الآخيره صار ممل لا من ناحية المواضيع ولا الردود ((البعض طبعاً)) للأمانه

فيه ناس فيهم الخير والبركه بس ودنا هاللي يطرحون مواضيع ماله سنع يختارون شي افضل دام انهم طارحين

طارحين اصبح الأهتمام بمواضيع الحب اللي عشر طعشر الف مره وحنا نشوفها والردود نفسها واذا جاء احد

طرح رايه وهم يدرون انه صحيح ماعجبهم ثاروا بوجهه طيب يااخي انت ليه طارحه دام ان عندك راي ومقتنع

فيه؟؟<<منغبن من حر مافي جوفه

حنا في هالمكان نفيد ونستفيد محنا قاعدين نتعارك ونشيل على هذا وهذي انطرح موضوع نقول ارائنا

من دون مجامله ولا تملق ويكون راي خاص فيني مااقعد آخذ من راي اللي فوقي ولا اجي اكتب رد

من ماادري كم سطر اني فاهم وهو مهب حول الموضوع.. ونحن هنــآ

نلتقي لنرتقي

همسه:

وربي فقدناكم يا اللي كنتوا معطين الاستراحـه حقها من المواضيع ذات المتعه والفائده والردود

الطيبه.. ياليت ترجعون متميزين نمثل قبل واحسن ((من غير قصور في الباقين))

واسمح لي اخوي كويتي اختم كلامي بـ:

شكر

لذوو العقول النيره والمحبوبين بردودهم الله يكثرلنا من أمثالكم ويحتسب فعلكم عند ربكم قبل لا تنطرون منا كلمة شكر لان دخولكم لهالقسم والغايه منه واضحه تتحاورون تبتعدون عن المعارك والنميمه والعنصريه والتدليس بالامور فحبيت أشكركم وغيري يشكركم ويقول بيض الله وجهيكم .... محبتكم بقلوبنا رجال أو نساء وبصماتكم واضحه وذكركم الطيب بقلوبنا

سلمت الأيادي.. ونحتري التكمله

آخــوك

الخــالــدي
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
معاً نحو القمة في أستراحة الحوار والنقاش	وزيرة الحب	الحوار والنقاش - الرأي والرأي الآخر	26	07-20-2008 03:09 PM
(أصول الحوار والنقاش الناجح)	احلاهم واتحداهم	المواضيع المكرره	0	04-25-2008 09:52 PM
-[ قوانين أستراحة الحوار والنقاش ]-	qayed	الحوار والنقاش - الرأي والرأي الآخر	0	12-30-2007 05:21 PM