شو لو كانت الجامعة " مختلطة " .... - .·:*'*:·.استراحات زايــد.·:*'*:·.

<< كلي حلاة >> · 05-18-2008, 11:11 PM

السلام عليكم و رحمة الله و بركاته ....

اليوم ف الجامعة كنا اناقش هالموضوع مع الدكتور وربيعاتي ... وحبيت احطه لكم هني واسمع آرائكم..

المهم ألحين ... شو لو كانت الجامعة مختلطة (بنات و أولاد).

هل راح يكون هذا العدد من الطلبة موجود بالأخص طالبات؟؟

و انا من وجهة نظر شخصية أشوف أن الجامعة تخطو خطوات واضحة في هذا الدرب ،،خاصة في كلية الطب.

شو رايكم أنتو ؟؟؟؟؟

النعيمي · 05-18-2008, 11:34 PM

وعليج السلام ورحمة الله وبركاتة

ليش هي ماستوت ، عدنا الجامعة الأمريكية فالشارجة "مختلطة "..

انا ضد الإحتلاط اللي يولد المشاكل بين الجنسين ..ويولد مشاعر مزيفة وتكاد تكون جادة ..
بالنسبة لي ماتوقع ان عدد الطالبات بيبقى مثل ماهو عليه في حالة تواجد الإختلااط
لاسباب

* توجد عوائل لاتسمح لبناتها بالإختلاط مع الجنس الآخر ..
* توجد فتيات لاتحب الإختلاط ..
* تتواجد هناك فئات من الشباب "المحافظ" والتي ترفض فكرة الإختلاط ..

هذه بعض من كل ، ولا يسعني الا ان اقول للإخوتي البنات حافظن على ارواحكن
ولا تقعن في حفرة الإختلاط

اخوكم / النعيمي

مدية · 05-19-2008, 12:53 AM

السلام عليكم ورحمة الله وبركاته

موضوع جميل ختيه
بس انا هب وياج ...
انا مول ماحبذ الاختلاط حتى اني افكر لو اشتغلت جيف بتكيف مع جو الاختلاط ...
وهي فكرة مالها داعي ...

وسوالم

همس الشوق · 05-19-2008, 01:05 AM

عليج السلام والرحمه

اول شي تسلمين ع الموضوع

من راي 100 % ان الدراسه بتتحول للعب وطيش

انا يربت وياريتني مادخلت المعهد
صراحتا ضيعت ايام عمري للاشي

بس الحمدالله خذت خبره من الدراسه
بس في الاخير هالجامعات ماتنفع الا للخرابه
وضياع مستقبل وضياع اجيال

يسلموو ع الموضوع ^^

يوييل_الغربيه · 05-19-2008, 03:47 AM

مشكوره شيختي عالموضووع الشيق واللي لازم الكل يشارك ويبدي رايه في هالشي اللي صااار عادي عند بعض النااس ...

عن نفسي اناا ضد هالشي لانه في اعتقادي وارد اقوول انه ... هااي وجهه نظري ... الاختلاط في الكلاس شو تعتقدوون انه بيولد سواء عند الريال ولا عند البنت ....؟؟؟

الله يستر عليناا دنياا واخره ان شالله .. ويستر على بناتناا من كل شر ... في بعض البناات ... اللي يدرسن في هالجامعات المختلطه لازم تكشخ وتبرج وتتمكيج عسب تكون ملكه جمال الكلاس .. وبعض من الشبااب الله يهديهم تلقوون تحدي بينهم في السكبه .. ( خياط العربي ربحاان من ورااهم ) ... وتلقوون من بين التحدي منو يرووم ييب راس فلانه ... عسب يتعرف عليهاا ويفضحهاا اخر السمستر ...

اللي يمر على اي باركن سيارات لاي جامعه مختلطه صدقوني بيحسب عمره مار على معرض سيارات .. لانه بيشووف احلا انواع السيارات اللي تقدر بالشي الفلاني ... وتلقوون الشبااب ضراابه منو بيي اول واحد عسب يوقف مجابل الباب عشان البنات يشووفن نوع سيارته ...

اذكر مره كان عندي كورس لمده ثلاث شهور .. كنا في الكلاس 12 شخص ... واكثر الشباب ما كانوا يحضروون يعني غياب وشرده في البريك ... المهم اخر شهر في الكورس يابواا ثلاث بنات وياناا .. تعالواا شوفواا الشبييبه احلا حضوور واحلا كشخه .. واحلا ريووق كل يووم على وااحد .. واذكر انه المسؤوول في الكورس قال لو دريت انكم بتواظبوون على الحضوور والغياب كنت من الاول يبت لكم بناات في الكلاس ...

المهم ارد واقوول الله يستر عليناا ...

وثاانكس مره ثاانيه عالموضووع .............

واتمناا الكل يشاارك ويبدي رااايه ....

والسمووحه منكم ...

وزيرة الحب · 05-19-2008, 03:38 PM

يعطيج الف عااافيه خيتووو ع هالمناقشة

والله تبين الصدق اذا صارت الجامعه مختلط فأنا اول وحده طالعه منها...اولاً اهلية ما عندهم هالشيء ..وثانياً خلونا بعيد عن الاختلاط...لانه يولد مشكل نحن في غنى عنها

وهب من عاداتنا وتقاليدنا.....يعطيج الف عاااافيه

<< كلي حلاة >> · 05-19-2008, 07:16 PM

يسلمووووو ع مروركم الغاوي

ديمـوه الغلا · 05-19-2008, 07:45 PM

مو كل الاقسام

الطب اوكيك ناييدهأ وشي حلوو انه يكون فيه طبيبات نسآء

وماشووف فيها شي لو كانت البنت محترمه روحها ومحتشمه وتبا العلم والفايدهـ<<طبعا نادرا مانحصل هاي البنت

يسلمو خيتو ع الطرح

¤ راعي الفتك الاسود¤ · 05-19-2008, 07:50 PM

مثل ماقال اخويه النعيمي عالحركه استوت
بس يعني لو كانت هالحركه فكل الجامعات الخاصه والحكوميه كاان بتشوفون نسبة الشباب بتكثرفدخول الجامعه ونسبة البنات بتقل فدخول الجامعه
وانا عن رايي انه الجامعات اتم جيه احسن بوايد
وتسلميين اختيه عالموضووع الطرر وربييه لاهانج
خويج:‏¤ راعي الفتك الاسود¤