أنـِآ دخلـِـِت الحـِـِب رآضيـﮯ .. ۈيمـِۈت مـِن هـِۈ ۈدهـ يمـِـِۈت

❥',ڛـڼـڨبـٱ ڛۑہ. , ๑ · #1 10-26-2009, 10:17 PM

₪
.
.
( يامًٍرحبا لو تـــٌِنقسم في رســــٌــايل
مليًٍت ابهٌٍا اوراق الجرٌٍايد والاًٍصحُافي . . ~
{ . . ويٌا هُلا عدد الامطار والنبت والــًـًزهر
وًعد النٌجوم او عد مـٌُـويات الاسُيافي ) **

اشحــــــــــــــــــــالـــكـُم...؟؟
ربــــكـمٌ الـــأ بخـــــــــير ...؟؟

بعد تفكير داام اسبووع مادري اكثر .. قررت انزل مدونه ..

اتمنى مدونتي تعيبكم....
وشكر .. ااخوي الغالي الي شجعني ....احم..

اسمي : هند بنت ******...
العمر: 17 .سنه>>العمر كله ياربي..اخخ
المكان: دبي .. تحدين ..زعبيل .. اليديده..ممم مادري .. بس اجريب من بيت الشيخ محمد..
الصف : 3 علمي 1.. فديتني.. المهم..
هب جنه واايد امحد فـ عمري...>> توج اتحسين..
هوايتي: الفروسيه .. وحب اقره قصص .. واحله قصه قريتهاا قصة غرشوب البدو.. نصيحه اقروهاا ..اسمهاا((~*¤ô§ô¤*}أغليهـ يعنيـ أعشقهـ~*¤ô§ô¤*أعشقهـ يعنيـ أموتـ فيهـ{~*¤ô§ô¤*~..
ممم وبس..((ها غرشووب سويتلك دعايه ..اخخخ))

السياره الي اعشقهاا: فتــــــــــك..
السياره الي احبها: استاندر..
اللون المفضل: ازرق(( تركواازي)) .. واحمر ..واسود...وبنفسجي..وممم وبس.>>ماخليتي لون ماقلتي .. قالو لون واحد هب اربع..
نوع الكام مالتي: Canon 550...
ممم وبس.. كفايه .هذا..
عندي سر .. بخبركم بس هب تخبرون عني..
آحم .. انا سوق بدون ليسن .. اخخخ.. ابوي علمني.. عسب ابسرعه اخذ اليسن المهم..
عاد هب اتخونون فيه وتبلغون علي.. يااويلكم. اخخخخ..

اذا عدكم اي ملاحظه .. رمسوني عـ خااص...

باااي..

.
.
.
.
₪ __DEFINE_LIKE_SHARE__

❥',ڛـڼـڨبـٱ ڛۑہ. , ๑ · 10-27-2009, 04:57 PM

مرحبــــــــــــــــــــــــــــــــــــــــــــآ. ..

اشحاالكم..؟؟؟

ربكمـ لـأ ابخير ...

توني امخلصه مذااكره .. عندي بااجر امتحاان فيزيااء..شفوي.. والحمد الله خلصت مذااكره ...

ادعوولي...^^

ممممم ملل صراحه ..

محد فـ بيت عسب اطلع له اقروون اخخخ..

اميه عند يدوه وابوي .. امساافر ..
خواتي مع امي..

واخوي رااقد..>>شكلي بخسس فيه اخخخ..

لا حراام .. فديته اصغير عـ هل سواالف .. اخخ

دقااايق وراجعه ..

جاو.. __DEFINE_LIKE_SHARE__

❥',ڛـڼـڨبـٱ ڛۑہ. , ๑ · 10-27-2009, 07:33 PM

..
مآحـدٍ بهآلدنيآ يهـمـه شُعُـورِيْ

أشبْ وأطفآ مآ دَرىآ ڪُودْ آلأورآقْ

عآدِيْ غِيآبِيْ .. ومآ بيِفْـرِقْ حَـُضُـورِيْ

إنْ جِيٺْ عَآدِيْ ومآ حـدْ إنْ غِبٺْ يشْٺآقْ

أزْعَلْ ولآأرضىآ .. مَآ يِهِـمْ أو ضَـرُورِيْ

وآلوآجِبْ إنِيْ أخـْضَـعٍٍ لكِلْ آلأذوآقْ

مليت .. غيرت ثياابي .. وشليت الكاام مالتي .. ونزلت تحت .. وقلت للخدمه اطرش الكوفي .. للحديقه الثانيه(( عدنا حديقتين .. حديقه فيها زرع ويلسه .. والعااب.. والحديقه الثانيه .. فيهاا حيواناات .. اليفه اخخخ..

ولكم الصور ..

هذا الطاووس... امسمنه ابووي.. شامخ....>>>هب جنه واايد عليه هل اسم... اخخخ مادري احس مايليق..
..عدنا غيره اثنين بس فـ مزرعه ..هيلك متوحشين ..اخخخ..كمن مره عضوني ..

تعبت وانا اترياااه عسب يفج ريشه .. بس مافج... اصلن هو مايفج اله اذ ابوي .. موجود..عذاااب يوم يفج ريشه .. يااخي .. اتحس انه صدق شاامخ .. اخخخ..وخقااق بعد

الحين برااويكم .. ارااانب

هذا ارنووبي .. اسمه.. Black اسم عـ مسمه .. امووت عليه ..بس .. هب كثر خيلي جرااح..

شووفو شحلته .. فديت ابلاااك اناا ..

وهذيل .. ارنب .. خواتي..

حلوين.. صح..؟؟

تعرفون .. اي حيوان اخااف منه .. اكثر شي.. الحمااام .. ازيغ منهم ..

صاالي موقف وانا اصغيره .. ومن يومتها وانا كاره الحماام .. المهم .. يمكن هل سالفه من خمس سنواات .. كنه سايرن لندن .. عاد لندن فـ شواارع الحماام يمشي المهم ومرينه صووب ناافوره وكانت متروسه حماام .. شرينه اكل للحماام .. .. ابوي وامي وخوتي صاارو يفرون للحماام الحب عسب يااكل .. وانا ابعيده عنهم .. المهم بعد اصراار من ابووي خذت حب من الجيس ...بس ظهرت ايدي من الجيس وفجيتهاا عسب افر بعدي مافريت ولـه الحماام متهجم علي لي واقف عـ جتفي ولي عـ راسي والي عـ ايدي.. عاد اناا ماسكت صارخت من الخااطر حتى يومتهاا صوتي راح من كثر الصريخ اخخخ..عسب جي كرهت الحماام اخخخ

مايصير مااصور اعياال ام اليف (( هذي سلحفااه ..ولانه خواتي مايدانونهاا انسميها ام اليف اخخ)) المهم هذيله كلهم اعيااله ... وشي غيرهم في حوض الثااني ....

.....

وبس .. المره الياايه يوم بسير المزرعه بصور لكم جرااح و طوااويس وبط وسباالوه الي عدناا اصغير احليو ابوي يوم سافر ماليزيا شره من شهرين تقريبا ييبينه ..

المهم .. اتمنى عيبتكم مدونتي ..

وعيبكم تصويري..

مممم..

جان تذكرت شي برد.. اخخ

جاااو... __DEFINE_LIKE_SHARE__

❥',ڛـڼـڨبـٱ ڛۑہ. , ๑ · 10-27-2009, 08:40 PM

مرحبااااا..

رديت لكم مره ثانيه...

بس هل مره ...

غير .. اخخخخ
قصدي..

تصبحون عـ خير..

الدريول وصل وعشااي معه ..

هي صح .. ماقت لكم..

انا من النوع الي مااااااااااااا يداني اكل البيت .. يعني اغلبيت اكلي من برع..

طلبت انا وخواتي من ماكدونالد .. وتوه وااصل ..

الهرم قتله اتره بي معك.. قال اونه .. لا ماما في سوي جنجاال ..

سويت له طااف وسرت لبس عبااتي ويوم نزلت حصله امروح الحبيب .. عااد الحين بنزل وبهزبه

احلاام سعيد لكم .. ولي ..

اتلحفو عدل قبل لا تنامون..

جااااااااااو... __DEFINE_LIKE_SHARE__

❥',ڛـڼـڨبـٱ ڛۑہ. , ๑ · 10-28-2009, 08:18 PM

سلاااااااااااااااااااااااااااااااااااااااااااااااا ااااااااااااااااااااااااااااااااام...

اشحااااالكم..؟؟

شووو الصحه ..؟؟

شوو النفسيه ..؟؟ اخخخ ان شالله ابخير ..

اليوم روؤوؤوؤوؤوؤوعه .. تعرفون ليش....
الله يسلمكم .. اليوم ابوووي رد من السفر ..الساعه 4 العصر ..
وانا ميته ونااسه .. لانه مانسه هديتي .. اخخخخخ

المهم ..

اليوم ربي يسلمكم.. قبل لا اسير المدرسه قلت لــأميه..

ابااج اتمرين علي..عـ سااعه 12..
وتاخذيني من المدرسه..

المهم طبعن في البداايه ما وافقت بس بعد حنه ورنه لدرجه اختي .. تصدعت مني ...وصاارت تترجه اميه تاخذني من المدرسه اخخخخ

المهم وافقة .. ظهرت مع الدريول وخواتي معااي ..

اختي الصغير قالت ..

هندووه انتي سووقي هذا يمشي عـ بيض..

عاد انا ماصدقت حد يقولي سووقي...

قتلهاا افا عليج .. بوصلج المدرسه بقمضت عين..

المهم .. الدريول ما عنده واحد اثنين عـ طوول ساار عند امي وخبرهاا ..(( فتاان .. واحد))

ظهرت اميه وهي امحرجه ..

قالت .. هندووه نزلي يداامي .. يلاه نزلي ..

اطالعت الدريول السخيف.. جني اهدده .. اخخخ..

قتلها : ماما والله اعرف اسووق وبعدين هذي سياارتي .. مايخصني ..

اميه: يلاه عن الرمسه الزاايده .. بتنزلين وله شوو ..

قتلها: ماااماا ..
اميه: مااشي يلاه نزلي..

استسلمت للامر الواقع

وقتلها : انزين بس .. يوم بتين تااخذيني من المدرسه انا بسووق .

اميه: مااشي..
قتلها وانا انزل شنطتي :خلاص عيل هب ساايره المدرسه بالعنه ..

اميه: هندووه ..

والله زغت .. من اميه وقته .. حسيتهاا بتفلعني بنعاال ..

انا: هلا اميه..
اميه: يلاه يداامي ركبي السيااره ..
انا: ان شالله ..
ركبت وانا اتحلطم ركبت يداام .. وخواتي وره ..وركب الرديول

((( والله دريولناا عبوود احسن صح هذاك عصبي .. بس احسن عنه .. عـ اسبو ع اليااي برد هذاك امساافر لـــاهله..))

وهذا دريولنا الثاني الفتاان..

المهم .. وصلنه اختي ..
وتميت انا واختيه الثانيه .. قتله وقف عند الشيشه..

وقف ونزلت انا واختي ..

طلبنا اثنين كووفي وشريناا حلووه وشبس..وبعدهاا حسبنه وردينه السيااره بس انا ماركبت سرت صووب الدريول

وفجيت البااب وقلت
انزل

قال: ليس ماما ..؟؟..

قتله: انزل بسووق

شفته يشيل الفون (( اكيييد يتصل عـ اميه ))
شليت منه الفون وقتله انزل ..وانا صدق امحرجه .. ((( كنت شريره اليووم)) اخخخ

نزل مسكين واختي وره بتنفجر من الضحك عـ شكل الدريول وهو خاايف ..

المهم .. فرحت ركبت وشغليتهاا وحركت وظهرناا من الشيشه ..

واخيررررر وصلنه للمدرسه .. ونزلت انا واختي .. وهددته اذا خبر اميه .. بخلي ابوي يسفره اخخخ .. ..(( عاد لا تكروهوني .. تره انا هب دووم شريره بس مراات تيلي هفه..

حدرنا المدرسه .. وسرنا صوب الحماام .. انا واختي .. نواااري .. فصخنه الوقاايه .. وخلبينها عـ جتفنا و رتبت شعري .. .. وظهرنا وبعدها كل وحده رااحت صفهاا .. ..وانا امشي .. كل اشوي وسلمت علي وحده .. كل يوم عـ هل حاال ....

هي صح ما خبريتكم .. في هنتين .. فـ مدرسه في صف عااشر .. معجباات فيه اونهن يحبوني ..
وفي وحده في صف 11 بس ادبي .. بويه .. اتقول اتحبني .. تعرفون انه في اسبووع اربع ورداات بالكثير لزم احصل .. كله رووز بعد ..

عاد اناا ما ادااني هل سواالف .. اتخيل صرااحه احب بنت .. اخخخخخخخ..

استرااحه .. تعبت ..

بسير .. وبرد ..
بكمل لكم شوو صاار .. __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ظحــگ ۈانــا اصلـاً من الضيق~~ { مخنۈۈۈۈۈۈق~~~ مـטּ تصۈۈيري	alna3ma	عدسة الاعضاء , كاميرا الاعضاء	34	07-23-2011 03:03 PM
شـۈف آڵمۈآتر ۈآقفه كنهـآ ثيرآن ** ۈهـۈ ۈقفته ۈقفة آسد ڵعنبـۈ حيه - { إستـاندر } . . . ~ !	* мя. άl-мansooᴚi	سيارات و دراجات	13	12-11-2009 07:40 AM
.،\|[ آلرجُۈلة طبعٍ ۈَفـيً ۈشڿصُ يملٌآڳِ إحسآٌسِ .. ۈتشُۈفِ آلصْدقْ بقلبــهْ ۈعيۈنـُهْ \|/.،	« ݕڨـﭑﯦﭑ בـطٱم ™	المسنجر وملحقاته , توبيكات , ماسنجر بلس , msn	69	07-13-2009 02:18 PM
{ ليـــٍتْ الــٍزمااטּ الـاۈۈۈل يــٍعۈۈۈد ~~ من تصۈۈۈيري	alna3ma	عدسة الاعضاء , كاميرا الاعضاء	14	04-17-2009 09:49 PM
يـآنۈر دنيآيےَ جآعت عينـيےَ لشوفڪْ ۈ القلب ضآميےَ ۈصًل ۈ آلڪْبـد محرۈۈۈقـہ	مريوموهـ	المسنجر وملحقاته , توبيكات , ماسنجر بلس , msn	26	08-11-2008 12:29 AM