حصري .. تقرير الحلقه الثالثه من برنامج تون اوف كاش الموسم الثاني ..بالصور

الجميل · #1 10-18-2009, 12:04 AM

مرحبا اخواني كيف الحال

مثل ما عودتكم اني انزل لكم تقرير كامل عن حلقات برنامج تون اوف كاش الموسم الثاني الذي يعرض على قناة ابوظبي الأولى يوميا الساعه 7 مساءا بتوقيت الإمارات و الساعه 6 مساءا بتوقيت السعوديه اما الحلقه الكامله تشاهدها فقط يوم الثلاثاء الساعه 9 مساءا بتوقيت الإمارات و الساعه 8 مساءا بتوقيت السعوديه

خلونا الحين نبدأ مع الجوله الثالثه من برنامج تون اوف كاش الموسم الثاني
تجمعو الفريقين و بدأ ايمن يشرح لهم اللعبه

مرحلة اليوم هي عباره عن نقل الرزم من نقطة البدايه الى المخيم الأول بإستخدام السيارات المتوفره لهذا الغرض

و يبعد المخيم مسافة 1500 متر ...

بس في حفره في نصف الطريق و لازم الفريقين يتخطونها بإستخدام الفلوس نفسها !!!!!!!!!!!

انطلق الفريق الأصفر و الفريق الأحمر و حملو الفلوس بالسياره

و باقي الفريقين صاروا ينقلون الفلوس على ايدهم لمسافات طويله لين ما ترجع السياره

الفريقين وصلو في نفس الوقت و صاروا يحطون الفلوس داخل الحفره عشان يقدرون يمرون عليها

الفريق الأحمر قدر يمر و ينقل الفلوس كلها الى المخيم الأول

اما الفريق الأصفر علقت السياره حقتهم في الحفره بسبب فؤاااااااااااااد

صارو الفريق الأصفر شايلين السياره و فؤاد عشان تطلع من الحفره

فاز الفريق الأحمر في هذه المرحله و اللي هي المرحله الأولى

نروح الحين للمرحله اللي ب عدها

المرحله الثانيه في لبنان طبعا و على جسر طبيعي بعلو 52 متر عن الأرض و لازم الفريقين ينقلون الفلوس من تحت الجسر الى اعلى الجسر بإستخدام الحبال المتوفره

بس في هذي المرحله وصل لهم رساله للفريقين تقول ان لازم يتخلون عن اضعف شخصين في الفريق
طبعا الفريق الأصفر تخلى عن اميره و هديل
و الفريق الأحمر تخلو عن نوف و شيرين خخخ

و هذا هو الجسر الطبيعي

قبل ما تبدأ المرحله الثانيه تفاجئ الفريقين ان الشخصين اللي استغنو عنهم راح يلعبون معاهم بس فوق في الجسر مش تحت خخخخخ
__DEFINE_LIKE_SHARE__

الجميل · 10-18-2009, 12:05 AM

بدأت المرحله وصارو الفريقين يحطون الفلوس في الشبك المعلق في الحبل و يسحبون الحبل عشان توصل الفلوس فوووق

و الفرييقين استخدمو نفس الطريقه في سحب الفلوس و اللي هي انهم يمسكون الحبال و يسحبونها بالشكل اللي في الصوره

و هذي الطريقه اللي كانو الشخصين اللي فوق الجسر يطلعون الفلوس

انتهت المرحله هذي بقوز الفريق الأصفر و الفريق الأحمر بعده مطول و ما خلص و خلصو بعد الفريق الأصفر ب 27 دقيقه يعني المرحله الثالثه راح يبدأ الفريق الأصفر قبل الأحمر ب 27 دقيقه

وصلنا للقريد باس ......... شوفو شو طلع للفريقين
الفريق الأصفر طلع له تأخير الفريق الأحمر 10 دقائق يعني راح يصير التأخير الإجمالي للفريق الأحمر 37 دقيقه

و الفريق الأحمر طلع لهم الإستيلاء على 4 وسائل نقل للفريق الأصفر و يستخدمونها هم

خلصنا من القريد باس

نروح للمرحله الثالثه و الأخير من جوله اليوم

الجوله هذي لازم الفريقين كالعاده ينقلون الفلوس هالمره الى البنك بإستخدام التلفريك المتحرك

انطلق الفريق الإصفر قبل الفريق الأحمر ب 27 دقيقه و الفريق الأحمر ينتظر الدووور

طلع طارق اول واحد على التلفريك عشان يستقبل الفلوس في الطرف الثاني في البنك

صار الوقت اللي لازم ينطلقون فيه الفريق الأحمر بس للأسف وصلت لهم رساله تقول لهم انتظروا 10 دقايق زياده هديه من الفريق الأًصفر

اما الفريق الأصفر كان عندهم 10 مقاعد مخصص لهم عشان ينقلون الفلوس فيها الفريق الأحمر استولا على 4 يعني صار عندهم بس 6

نكمل المرحله الثالثه
هذا طارق قاعد ينزل الفلوس من التلفريك

و هذا جابر قاعد ينزل الفلوس من التلفريك بعد ما انتقل للمكان الثاني

الفريق الأحمر استفاد كثيييييييييير من القريد باس مالهم بس للأسف ما عرفو يستخدمونه صح حيث انهم ضيعوا الكراسي و ما قدرو يحطون فيهم فلوس و هذا الشي اخرهم واااايد

الفريق الأحمر صار يقرب للفوز اكثر و اكثر و صار عدد رزمهم متساويه مع عدد رزم الفريق الأصفر
مع ان الفريق الأصفر بدأو قبلهم ب 37 دقيقه

بس من يقول ... خخخخخخخخ الفريق الأًصفر ما يخلون الحمر يفوزوووون بالسهوله هذي و ردوها لهم و فاز الفريق الأصفر ب 5% يعني 67 الف درهم

انتهت الجوله الثالثه بفوز الفريق الأًصفر
بس الحين وصلنا للجد و في الحلقه هذي راح يغادر البرنامج شخص من كل فريق

في الحلقات الماضيه تم التصويت على

مصطفى من الفريق الأصفر
فؤاد من الفريق الأصفر

حسام من الفريق الأحمر
شملان من الفريق الأحمر

و احد من كل فريق راح يغادر البرنامج
================================================== =

نبدأ في التصويت

الفريق الأحمر كلهم صوتوا ضد حسااام مسكين حليله مافي رحمه هههههه

و الفريق الأصفر صار عندهم خربطه في التصويت
2 صوتو ضد مصطفى
3 صوتو ضد فؤاد

فؤاد غادر برنامج تون اوف كاش للأبد

و حسام غادر برنامج تون اوف كاش للأبد

تحيه لهم :icon30: خخخخخخخخخخخخ

انتهت حلقة اليوم الجوله الثالثه
اما الجوله القادمه الجوله الرابعه راح يكون الفريقين 6 اشخاص لكل فريق

انتظروني الأسبوع القادم مع الجوله الرابعه

تحياتي لكم __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الحلقه الثالثه والستين 63 من مسلسل وادي الذئاب الجزء الثاني	محروم	مسلسل وادي الذئاب الجزء الثاني	61	05-31-2011 02:44 AM
برنامج تون اوف كاش الموسم الثاني . تعريف عن المشتركين بالصور . حصري	الجميل	تصاميم , دروس , تصاميم الاعضاء	10	11-08-2009 10:26 PM
الحلقة الأولى من برنامج تون اوف كاش الموسم الثاني . تقرير و صور حصري	الجميل	تصاميم , دروس , تصاميم الاعضاء	5	10-02-2009 01:19 PM
الحلقه الثالثه من برنامج الجماهير ( الاسبوع الثالث للدوري )	محروم	رياضة محلية و عالمية	50	03-26-2009 11:10 PM
--{ تواقيع ليولة الحلقه الثالثه من برنامج الميدان ..	ميت بحبك	برنامج الميدان للكبار3	23	01-22-2008 06:33 PM