السلام عليكم ورحمه الله وبركاته

كيف الحال جميعاً

سأبطح بين ايديكم طريقه تغيير مسمار كفر الباترول ولعل هناك تشابه بينه وبين السيارات الاخرى وتعم الفائده للجميع

موتري الاول بهذلبي من كثر المسامير اللي تقطم وتبوز بسبب صواميل تجاريه !!

والمسمار التجاري بـ 5 ريال

المسمارالاصلي بـ 10 والصاموله بـ 15

عليك بالاصلي :: وان خرب اكثر من واحد ( بنفس الجنط ) غيرهم كلهم مره وحده وافتك

بسم الله نبدا

صوره للكفر قبل الفك ويتضح فيه المسمار "جليل الحيا" المنقطم




نسمي بالله ونرخي الصواميل ونرفع الموتر ( ولا تنسى تفك الجلنط )



وهنا بعد مافكينا الكفر



امن الموتر بجحوش او بوضع الكفر تحته ودخل راسك وفك المسمارين اللي عليهم اسهم





بعد مافكينا المسمارين السابقين نطلع الكليبر ثم نسحب الهوب كما في الصوره التاليه



طق المسمار الخربان بشاكوش او ( ازميل وشاكوش ) لاخراجه



بعد كم طقه طلع .. نجهز المسمار الجديد ونحط على المسسنات شوي شحم


ندخل المسمار ونربطه شوي بالصاموله لين ياخذ مكانه ... نرجع نفك الصاموله ونحطله
ورده ـ او تبريزه ـ او مفكين مختومه ونركب الصاموله ونشد لين يمسك صح





بالصوره اكتفيت بالتبريزه فقط

واللي ماعنده تبريزه ممكن يحطله مفكين مختومه كما في الصوره التاليه





وهنا بعد ماشديناه وثبت زي اللي جمبه .. نرجع نفك الصاموله ونركب الهوب ثم الكليبر

وركب الكفر وادع لأخوك هويدي



وهنا بعد ماخلصنا من العمليه

وبالختام اتمنى ان اكون وفقت بالشرح وايصال الفكره

واي استفسار حاضرين

ودمتم بحفظ الله ورعايته