بسم الله الرحمن الرحيم السلام عليكم ورحمة الله وبركاته نحن البشر دايما متعبين نفسنا بكل ما يتعلق بحياتنا ،،،تلقى الواحد يخطط لحياته مسير عام ..وينسى اليوم اللي عايشنه ... ويضيعه ... وتمر الأيام بسرعة ..ويلقى الواحد نفسه ما تمتع بحياته ..وقزززر عمره بس يخطط حق باجر اللي مادري متى بيعيشه .. في الوقت ذاته ،،التخطيط للمستقبل مطلوبوشئ ضروري ... خصوصا ً ...اذا تفكر تكون أسرة ...أو اذا كنت مسؤول عن بيت ، أسرة ، وعيال ... الخ على سبيل المثال : تفكر تشتري سيارة يديدة لأن سيارتك وصلت لسن التقاعد ..بس تفكر في بيتك اللي يالس تبنيه وما خلص .. انزين البيت ما بيطير وانت مب مستعيل ..بس محتاج فلوس السيارة تكمل بهم البيت .. انزين يمكن لا سمح الله " تموت " قبل لا تسكن البيتفـ ليش ما تعيش حياتك وتشتري السيارة اللي " خاطرك فيها" واذا الله كتب انك تعيش في بيتك اليديد .. بتعيش ! واتم تلف وتدور في تفكيرك ...مرات تفكر في نفسك وفي يومك ومرات تفكر في المستقبل وكيف تخطط له .. *حبيت أشارككم التفكير وأعرف كيف تفكرون ..**تفكر في يومك ولا تخطط لمستقبلك* ؟