|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم الينا
#1
| ||
| ||
إذا هالشكل ويش ناكل ؟ تاريخ: 2007-05-25 - وقت النشر: 1237 م - قراءات: 2085 - تعليقات: 48 إذا هالشكل ويش ناكل ؟ قد اموت جوع ولكن افضل من اموت مريض لأن يا سادتي الكرام اصبح كل شي مخيف والله يستر .... عزموني في مطعم راقي وعلى مستوى وكان وياي صديقي دكتور أغذيه وكام معانا مجموعة من الشخصيات وكان العشاء على مستوى و سألوني ويش تشرب قلت ؟ قلت ماي صحه ساسرني الدكتور في اذوني قال لا تشرب ماي صحه .. قللت له ليش ؟ قال ما تدري ان الزجاجات البلاستيكيه تحتوي مواد خطيره .. زاد العطش طلبت قوطي بيبسي رد قال لي الدكتور لا تشرب بيبسي لأن المواد الغازيه تحتوي على من مبيدات حشريه طبعا خفت وما شربت طلبت صحن مشويات من اللحم رد جاء صوبي وقال لا تاكل لحم لأن اللحوم يجيبونها من بره على انها لحم بقر ولكنها لحوم ثيران بريه ومصابه بأمراض .. طلبت دجاج مع الرز نط مره ثانيه وقال لي لا تاكل لحوم ما تدري ان مرض انفلونزا الطيور منتشر هالايام اخيرا طلبت فلافل رد صرخ وقال ما تدري بأن الفلافل اذا تم قليه في زيت اكثر من مره يحتوي على نسبة دهون عاليه تؤدي الى الكرسترول .. تالي قلت بس ما ابغي شي بس كوفي رد قال لا لا ما تدري بأن الكافيين يسبب اجهاض للقلب في النهايه اكلت لكلينس مال الطاوله من الجوع ورد قال ما تدري بأن ورق لكلينس يسبب الجفاف لأنه مصنوع من بقايا القمامه ويش سويت فصخت ثوبي وطلعت اركض في الشارع (( جوع وضرب أجموع ))اخيرا اكتشفت بنفسي ليش سيد هاشم مات مره وحده بدون مقدمات مع انه ياكل فلافل ويشرب عصيرات ويأكل مواد سكرية منخفضه ولحوم مشوية وفي الأخير مات .. طبعا كلكم مستغربين ان الاشياء المذكوره هي السبب انا ما اخوفكم بس اود ان اوضح لكم اشياء خطيره اكتشفتها بأن السبب في نقص الاعمار والامراض المفاجأة هي اشياء لا نتوقعها ابدا بحسن نيتنا او بعدم ثقافتنا الصحية لها .. مثل ما يقولون (( إكلو رويد وشيل للحاف )) فكرت ان الدكتور مجنون او معقد وقلت اذا جذي ويش ناكل الله يرحمش امي العوده اذا خلت التمر في الملايه اسبوع وفوقه الدبان ولا يصير فينا شي .. اذا الواحد صار يخلي باله على هالسوالف بيستجن وقمت اسأل ويش الأكل الزين والأكل اللي موزين طبعاً عقدني الدكتور وكل شي اسأل عنه قالو لي شوف المواد اللي فيه وتدرون اني اكتشفت ان لصحون البارسل التي من الفلين خطيره جدا جدا وتسبب السرطانات وخصوصا ان الناس تاكل منها ليل ونهار مثل البيتزا والبروستد وخصوصا انها ممنوعه عالميا .. انا طبعا اكتب هالسوالف لأني خايف عليكم (( كلمه تصحيك ولابكس يكفيك )) والمشكله الكل ياكل من هالمطاعم اللي فيها هنود وما ندري اشلون يسوون هالأكل نشتري منهم ونزلط ونعلم اولادنا على اكل المطاعم في الشوارع بدل ما نعلمهم ياكلون في البيت مع الأهل عن الإمام الصادق "ع" السلام): لا تأكل وأنت ماش، إلا أن تضطر إلى ذلك ما علينا المهم نخلي بالنا .في الخمسينات والستينات والسبعينات كانت الصحه احسن من الحين كل شايب يمشي على زنده تيس وكانت الامراض ماتمشي عندهم مو الحين كل يوم نسمع امراض غير وشكلوعن النبي "ص" قال: يا علي إن الوضوء قبل الطعام وبعده، شفاء في الجسد، ويُمْن في الرزق)) راح صديق لي الصين ومن الجوع قعد داخل مطعم وسألهم عن قائمة الطعام وشاف كل الاطباق الغاليه مخ سبال بالبازيلا ابو شميله بالفلفل الأخضر فيران بالمشمش باستا أصابع تمساح مثلي خاف وطلع بره يركض ..لكن ما شاف شي يشتريه الا تمر بالسمسم يلمع واشترى كم باكيت وعطاني واحد هديه وانا رحت البيت مستانس فتحت العلبه وجبت الشاي قلت بذوق هالتمر فاحت العلبه إلا وهي صراصير محمصه بالزبد والسمسم خفت بعد وشردت بره البيت يومين ... صدق اذا قالو (( فلفل مطحون ولا ضربة مجنون )) اشياء واجد لو تقرون عنها مو بس في الأكل حتى في مواد التجميل وغيرها تسبب لنا البلاوي .. ما احلى ان نرجع الى عاداتنا الأوليه مع العيله واكل البيت ونا كل على راحتنا مو ناكل ملهوفين كأنه لا حقنا عزرائيل عن الإمام الصادق "ع": (( أطيلوا الجلوس على الموائد، فإنها ساعة لا تحسب من أعماركم )) في امريكا وبريطانيا يقولون توجد مراقبه مشدده على اطعمة عزكم الله الحيوانات طبعاً خايفين على صحتهم مو على صحتنا لكن خلونا من الحين نفتح عيونا ونخاف من هالأمراض التي تنهش فينا وما نصير ارزول ومصفعين (( لحسة اتراب ولا فطسة الساب )) انا مالي كار اذا خوفتكم بس لازم نوتعي ونبتعد عن هالسموم والله يطول عمركم ويعطيكم العافية والصحه . ميرزا الربيع 2007م منقول من موقع قرية السنابس:www.alsanabis.com __DEFINE_LIKE_SHARE__ |
مواقع النشر (المفضلة) |
| |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
بطلنا ناكل غرانيق | محروم.كوم | منتدى أخبار المواقع والمنتديات العربية والأجنبية | 0 | 07-24-2010 06:50 PM |
رايكم اذا ممكن ف هالشكل..عاجل | محروم.كوم | منتدى أخبار المواقع والمنتديات العربية والأجنبية | 0 | 10-31-2009 06:30 AM |
رايكم اذا ممكن ف هالشكل..عاجل | محروم.كوم | منتدى أخبار المواقع والمنتديات العربية والأجنبية | 0 | 10-31-2009 06:30 AM |
إذا هالشكل ويش ناكل ؟ | محروم.كوم | منتدى أخبار المواقع والمنتديات العربية والأجنبية | 0 | 10-09-2009 12:00 AM |
[إستفسار] عمل هالشكل :% | محروم.كوم | منتدى أخبار المواقع والمنتديات العربية والأجنبية | 0 | 08-30-2009 11:40 AM |