][أمي آخر اشواقي][إنشاد../أبوسليمان][

~{مزيونة أم القيوين}~ · 05-07-2008, 08:48 PM

هذي المرة الثانية اكتب الموضوع وايلس انسقه عقب ما انمسح عشان خاطركم ..

<< ما عندي سالفه هع
نبـــداااا

//

بسم الله الرحمن الرحيم

السلام عليكم ورحمة الله وبركاته

حيـــاكم الله من جديد

جديد الصوتيات ..

...

.نشيد : أمي .. آخر اشواقي ..

كلمات وإنشاد : محمد الوسيدي أبوسليمان..

ㄨㄨ

ياماحلا دلة امي تسويها
تجلي عن الكبد حر سببه احراق
ان اقبلت كن نور الشمس كاسيها
وان ادبرت نص ساعه لشوفه اشتاق
احب شوفه وقلبي دوم مغليها كملها
كملها ربي بحسن وزية اخلاق
ربي جعله جنته من تحت رجليها
من عظمها زاد حبه داخل اعماقي
لاضاق صدري وضمتني بياديها
يروح ماحس به في داخلي ضاقي
لو روحي فدوة لها ماني مجازيها
ياكيف اغطي بديني نور الاشراق
تسهر على راحتي والنوم جافيها
لو ابكي دمع(ن) بكت دم من اشواق
حب صدوق(ن) وصادق في معانيها
قلبي على شوفها بالحيل تواق
يمه دخيلك عن الدمعه وطاريها
لاشفتها فوق خدك كنه ساق
كن السما ضاقت بنفسي واراضايها
مالي مقر بها لولا الله الباقي
كلن تغزل ولكن مايسميها
وانا بقول ان امي آخر اشواقي
ادعي نهاري عسى ربي يخليها
عساه يومي قبل يوم به فراقي
واخر كلامي يامزعل امك ارضيها
ان كانك تخاف يوم الساق بالساق
ولاحياتك ندم لاتعد ماضيها
هذا كلام(ن) كتبته وجفت اوراق

ㄨㄨ

للحفط ..

http://3arabstar.info/up/up/9564a927a6.mp3

خويتكمـ .. مزيونة أم القيوين

بنوتة صغيرونه · 05-08-2008, 11:23 AM

ممكن تعدلين الرابط
ما يشتغل عندي

( همس الليالي ) · 05-13-2008, 04:39 PM

الســلام عليكم

مشكوووورهـ اختي ع الرابطـ

لاكن ياليتـ تعدلينهـ ^^

ودي اسمعها

(:

~{مزيونة أم القيوين}~ · 05-13-2008, 06:30 PM

تم التعديــل

حاولت احمله من محرووم ما طااع

( همس الليالي ) · 05-14-2008, 11:52 AM

مشكوووووورهـ اختي ع الأنشوده الجميلهـ

الله يعطيكـِ الفـ عافيهـ غلاتي ..

والرابطـ شغال ميهـ بالميهـ ^^

(:

~{مزيونة أم القيوين}~ · 05-19-2008, 03:51 PM

اقتباس:

المشاركة الأصلية كتبت بواسطة بنوتة صغيرونه


	ممكن تعدلين الرابط ما يشتغل عندي

تم تعديله غلاييه

وتسلمين ع المرور

~{مزيونة أم القيوين}~ · 05-19-2008, 03:52 PM

اقتباس:

المشاركة الأصلية كتبت بواسطة ( همس الليالي )


	مشكوووووورهـ اختي ع الأنشوده الجميلهـ الله يعطيكـِ الفـ عافيهـ غلاتي .. والرابطـ شغال ميهـ بالميهـ ^^ (:

احم

يسلمونيشن ع المرور

ƒōỚōshέЎa · 05-20-2008, 10:25 PM