والله انه صدقه ما جذب..

يسلموو ع الطرح

تسلمين ختيه ..

بس ماعرفنا ليش صدقهـ ؟؟ شو اسبابج ؟؟

ع العموم شاكره لج مرورج .. ^^*

صرررررررراحة الكاتب ماعنده سالفه ...



لو لاحظتي الإستراتيجية اليديدة في التوظيف الحين ( التوطين )
اختي الحينة وقبل وبعدين ان شاء الله ان شيوخنا الحكام مهتمين جدا في المواطنين والأريحية في المعيشة ...
لاتنسين زيادة الرواتب شوفي الفرق بين راتب المواطنة وراتب غيرها ..الخ .
شوفي رواتب العسكريين وحتى المدنينين اللي فالحكومة والحينة دخل القطاع الخاص في مضمار التوطين ..


ماظن في دولة شراتنا ريحت المواطن والمواطنة في الحالة المعيشيّة
والعمليّة ، واوجه رسالة للكاتب الكريم بأن يقول ( الحمد الله ) على النعمة اللي نحن عايشين فيها..



كلمة مواطن في نظري ...
هو كل من تربى على ارض الدولة وكل من ينتمي اليها قلبا وقالباً ..
ولكن وفق القانون هو كل من يحمل الجنسية الإماراتية يعتبر مواطن بالطبع


والله ولي التوفيق ، والسموحة على الإطاله ومشكورة على الطرح القيم

النعييمي

^
^
^

الحمدللهـ ان قياداتنا العليا .. اصدرت قرارات حكيمه بشان التوطين..
والقرار هو ردة فعل لمشكله البطاله..

هناك اولويات للمواطن وتحفيزات تم منحها له ومنها زياده نسبه الرواتب..
وانا اوافقك في كلامك ..

بس تظل شريحه من العمالهـ الوافده "الاجنبيه" تعطى لها امتيازات تفوق
امتيازات الموطن .. !!
انا مالومهم يمكن حياتهم المعيشيه في بلادهم اغلى عن هني بس
نحن الحينه نعتبر من الدول المتقدمه نوعا ما .. وكل يوم الاسعار تزيد .. !

فمادري انا اترك التعليق لكم في وجهه راي الكاتب .. ^^

الا تظنين ان هذه الشريحة تستحق هذة الرواتب او العلاوات!!


خلنا نتكلم بمنطقيّة ...

من مدة تقارب السنتين تكلمت مع صحفي معروف فالدولة وهو مواطن
وله وزنة في الساحة الإعلامية الخليجية ..


ان الدولة تحتاج الى خبرات الكثير من اخواننا الأجانب سواء العرب او غيرهم


لاتنسون ان في وقت من الأوقات نحن فالدولة احتجنا لهم ، ولكن الآن اتوقع الفجوة تقلصت كثير ، لو لاحظتي ( خاصة فالقطاع الخاص) ذكروا ان هم مع التوطين ولكن استحالة ( ان يضعوا المواطن مكان الأجنبي الموظف)
لأن نحن محتايين لهم وفق خبرتهم العملية ...




بالنسبة لي

الكثير من المواطنين الان اصبح لديهم الوعي التام للسعي وراء العمل
ولله الحمد تبقى الإمارات من افضل الدول من حيث مستوى الفرد المواطن
في العالم ..

مقال صحيح

وكلنا حاسين وعارفين انه مواطن اليوم غير عن مواطن امس

الله يرحمك يابوي زايد .....

والاجنبي الي ياي من بره له مميزات دبل معنك تقدر تلاقي مواطنين يحملون نفس

الشهادة بمميزات اقل ..

والخبرات لي يتحججون فيها وهم .. هذيلا مب مخترعين صواريخ!!

عشان نقول انه نحن محتاجين لخبراتهم .!

صح انه هالكلام يوم الدوله في بداياتها

بس الحين تغير الوضع

وزيادة الرواتب ماجائت إلا لاجل مواكبة تضخم الاسعار الي يجتاح العالم

خاصة العالم الخليجي !!

----------------------

((وفي الحياة العامة، عند ذكر المواطن يعني لا يعرف شيئا وإنسان متعجرف.))

7
7
7
في ظني انه الاوضاع تغيرت بسرعة ونحن مازلنا على اعتقادنا بمواطن الامس
وهذا الي يطلع المواطن بصوره انسان متعجرف ولا يعرف شييئا


&_&
وتسلمين على طرح هالموضوع

:: انا مع النعيمي في كل كلمهـ ::

:: يسلمو عالموضوع ::

النعيمي

^
^
^

كلامك صحيح ١٠٠٪

انا معك من حيث حاجتنا لهذه الخبرات ..

لكن يا اخي الكريم "العيال كبرت"

وصار عندنا خريجين مواطنين شهاداتهم من خارج البلاد

ومختلف التخصصات .. خلهم يسدون نقص الخبرات..

ولكن في نفس الوقت لازم يعطون الاولويهـ للمواطن عشان يكتسب الخبرهـ ولا

من وين بيحصل عليها .. خاصه ان اغلب الوظائف تتطلبها حالياً .. !!

غزيل الدار

^
^
^

انا اوافقج في رايج

وصدقيني محد احسن عن حد..
هذيلا الاجانب اللي نحن مستانسين عليهم هم ولا شي في بلادهم
استحالهـ اي دوله من هاي الدول المتقدمه تستغني عن خبراءها
بالعكس هاي الدول تدفع الملايين عشان يحصولون عليهم..

وللهـ الحمد الدوله موفره لنا كل الشي . لكن الدور الباقي علينا
لازم نعتمد على انفسنا .. وعلى فكره في الايام القادمه
بيصير عندنا خبراء مواطنين واتوقع هم موجودين وانا سمعت عن البعض
وصراحهـ هالشي مشرف لنا..