متميزين بشغلنا الغاوي ..ونحب الزين واندوره وين ما يكون لاجل خاطركم - الصفحة 50

ام خليفه · 12-25-2009, 04:09 AM

المشاركة الأصلية كتبت بواسطة سامرية الليل

انا زرت محلج وخذت من الدخون الملكي وعطر بلاك لذر..

المشاركة الأصلية كتبت بواسطة سامرية الليل

وان شاء الله بيكون لي زيارة ثانية اكيد عشان اخذ اشياء ثانية ما لحقت اشمها مثل ما خبرتج قبل..

وهالمرة بقوللهم عندي توصية من ام خليفة وابا سعر حلو ^_^

المشاركة الأصلية كتبت بواسطة عسل مر

تسلم ايدج يا ام خليفة انا مريت محلج بالقرية وعجبتني اشايء وايد وخذيت من العود والحجر الاسود

المشاركة الأصلية كتبت بواسطة ظبيانيه_1

السلام عليكم ورحمة الله وبركاته

المشاركة الأصلية كتبت بواسطة ظبيانيه_1

اختي ام خليفه قبل فتره بسيطه تشريت عطرين من محلكم بالقريه روح العود والضيافه ودخون الشيوخ واهنيج على ذوقج في اختيارج لمنتجاتج وحرام كمبدعه مثل ام خليفه ما يكون لها براند نيم وما لها دعايه كبيره كسائر العطورات ***

كنت اتمنى اني اشم البلاك لذر ومتيقنه انه في نفس مستوى الضيافه والثاني ولكن ما كان موجود في الشووب علبة التجربه وخبرت البنت بشتري البلاك بدون مااجربه فقالت لي اصلا ما شي منه مخلص اليوم وهنيه تاكدت اكثر انه حلوووووووووووو وقالت وتعالي بكره بيكون وانا مش من اهل دبي وجايه خط وبطلبه من الموقع ***الى الامام اختي ونحن نفتخر باختنا ام خليفه على هاي المنتجات الرائعه

اسفه على الإطاله اختي وهديه مني هالصوره

المشاركة الأصلية كتبت بواسطة بزنس ون

الســـلام عليكم

الحمدالله زرت القريــه العالميه والقريه الاماراتيه ومريت المحل ...

وكان خاطري اخذ عطر بلاك ليذر من فتره طويله ...

وماشاءالله ع العطر ريحته فواحه ومن تتعطر منه تفوح عادي يومين واكثر بعد وخنينه في نفس الوقت وما عليه كلامـــ ...

وانا انصح الي ما ميربنه ايربه ويحكم ويشوف بروحه شو النتيجه ...

وبصراحه العطر غاوي ويسد انه صناعه اماراتيه 100 بالميه ..ويعطيج العافيه ياختي ..

وللامام انشاءالله .. ^_^

والسموحه ...

المشاركة الأصلية كتبت بواسطة follow

هلا اختي ام خلافي بليز بغيت اعرف ممكن توصل الطلبية للدوحه اخذت من عندكم عطر الضيافه300 ريال من القسم الاماراتي ريانة العود ابغي مثله كميه المدرسات اعجبتهم جدا الريحه وفيه دخون شميته ما اذكر اسمه واذكر سعره 120 ممكن ادزين لي منه ذي ابغي منه كميه بعد واطمع بخصم لاخواتج من قطر

المشاركة الأصلية كتبت بواسطة angel2008

الغاليه توته الحلوه (أم خليفه)

طبعا انا كنت ماخذه منج الدخون الملكي (الاكثر من روووعه )

وزرت محلج في القريه وخذت لي دخون جميراااااااااااا والله ريحته تجنن ماشالله

كله عطرررر

صورت بس المشكله ماعرف انزل صور من البلاك بيري

مووووفقه الغاليه بس عندي ملااحظه بسيطه

هالمره المحل مايبين وايد دورته وايد لين حصلته

من ذوووقج يالغاليه والمحل رقمه 54 بس اسالي السكيورتي عن الرقم وبيدليج

المشاركة الأصلية كتبت بواسطة l&g

خواتي مرن عليج في القريه واشترو من عندج دخووون غاااااوي يجنن خبلتي بختي قامت تدخن صبح ومسااااء

الله يوفقج يارب ان شاء الله لو سرت القريه بمر عليج ..

المشاركة الأصلية كتبت بواسطة angel2008

مريت المحل مره ثانيه من يومين ^_^

خذت لي عطر الفراش عيبني بصراحه وااايد

و خذت راي ريلي وعيبه وخذته

موووفقه الغاليه

المشاركة الأصلية كتبت بواسطة فطمطم

--------------------------------------------------------------------------------

واخر شي سرنا القريه الاماراتيه مقابله القريه اليمينيه يايه ومتعنيه لام خليفه

ريانة العود

ومشترياتي وبالاسعار وبنات عمتي خذوا بعد ماشاء الله بس ما صورت اغراضهم وقلنا للبنت الي هناك نحن من المنتدى وما قصرت ويانا ..الله يبارك في رزقج اختنا

خذت 2 بلاك لذر واايد احبه واحد لي وواحد لاخويه موصني عليه ب700 للحبتين

وعطر يديد اسمه الضيافه ب300 درهم حبيت ريحته حق المعاريس ...والزعفران غرشتين لي وللوالده فديتها الغرشه على 120

وطبعا لازم وواجب الي يمر على محل ام خليفه من يشم العود المعطر الملكي لازم ياخذه هو والدخون الملكي

عطوني الدخون 120 والعود على 160 وعطر للسياره يديد فنتك ب 50 درهم هي قالت لنا ب 60 بس لاني انا وبنات عمتي خذنا 5 غراش عطتنا بهالسعر وعطر فراش عروس ب 60 درهم غرشته كبيره

وايد حلوه ريحته ..والمخلطات ماشاء الله كل مخلط يزجر من بعيد بس ما خذت الا ال4 الغراش الموضحات في الصوره غلا زايد ب 60 درهم حقي

والحجرالاسود 150 والسحريه للملابس الداخليه ب 100درهم وعرب زايد والعود الفاخرحبتين الكيس ب150 لزوجي الغالي****ريحته تشل واتحط عرب زايد صدق غاااوي ...تندمت ما خذيت زياده منه المره اليايه وبنت عمتي خذت ريانة العود عيبها هي وخواتها انا ما حبيته وايد وخذوا على ما اضن دخون جميرا واليوم يتمدحمنه وما اضن اني جربته قبل بكتب في ورقه عشان المره اليايه على طول اخذهم

وقبل ما اطلع خذت شباصتين ب 40 درهم وايد سعرهم حلو طبعا ما عطوني هالسعر الا بطلعة الروح ههههه

واشكرج اختي ام خليفه من خلال هذا الموضوع على الخدمه المميزه اول ما قلت لها اني من المنتدى نزلت لي الاسعار

وكانوا شباب عند محلها وخذوا البلاك لذر ب 390 وانا اقول اوويه الحين بيعطونا بهالسعر وانا يايه متعنيه للبلاك لذر

بس من قلت لها اني من المنتدى على طول نزلت الاسعار وحتى بنات عمتي تشجعن يشترن شافوا فرق السعر وما قصرت سويت لج دعايه حلوه ...

ولكم الصور وقولوا لي رايكم

المشاركة الأصلية كتبت بواسطة الاعصار

يت محلج على امل اني اشوفج روعه الصراحه كل شي عندج حلو اشتريت الدخون الملكي وجميرا فضيعين وخذيت الحجرالاسود وكل وحده ماجربته بتندم لان شي مو طبيعي مع الدخون وخذت روح العود شي راقي وعجبتني اشياء ثانيه مثل عطر ريانة العود وعطر السحريه والعطر الاسود ما اعرف اسمه مكتوب عليه ام خليفه بس ميزانيتي ما تسمح الان اخر الشهر يبيلج زياره

المشاركة الأصلية كتبت بواسطة احتاجك..

حبوبة ريلي خذ عنج عطر بلاك ليذر من منتدى ثاني وسار القرية وخذ عود ماحيد اسمه

والصراحة العطر انا اتخبلت عليه وروحي اتعطر به وماشالله الريحة روعة^^

والعود بعد وايد حلو

المشاركة الأصلية كتبت بواسطة انا ملاك

انا اختي خذت عنج عطر بلاك ليذر وتمدحه واااااااايد تقول روعه

المشاركة الأصلية كتبت بواسطة مهاي 33

كيف الحال أختي وأن شاء الله بخير ..

مريت البارحه محلك وخذيت منه البلاك لذر وعود ملكي ودخون ملكي ما ينلامون يوم يمدحون شغلكم البنات فيه عطر عطرتني البنت منه لونه اسود قاتم في زجاجه مثلثه حطته لي في ورقه لما رجعت البيت روحته واااااو عليه بس ما عرفت اسمه وريحته مثل الدهن عود بغيت اطلب منه ومش عارفه اسمه ولا حتى سعره افيدني اذا ممكن

تقبلي تحياتي وأحترامي

*.*****.....حياج الله حبيبتي والعطر اسمه مخلط الحجرالاسود بدهن العودب150 درهم

المشاركة الأصلية كتبت بواسطة @miss pink@

هلا غلاي انا ام لطوفه اكيد عرفتيني

حبي انا اخذت منج تبلاك لذر و العود الي ب 350 السيوفي

و خذيت بعد عطر يديد الضيافه

ان شاء الله احط لج الصور

و العاملين عندج في قمة الذوق

فالج التوفيج ام خلووووفي

المشاركة الأصلية كتبت بواسطة bu_mohamed

العطر بلاط لذر قمة في الروعه وفعلا مميز،، أحس أن الواحد يدمن عليه من كثر ما ريحته مميزه

وإن شاء الله بحاول أمر على محلكم في القرية عشان آخذ غيره وآخذ دخون وعود ودهن العود

شـكــ وبارك الله فيك ـــرا لك ... لك مني أجمل تحية .

وتستاهلين الرفع يا ام خليفه

المشاركة الأصلية كتبت بواسطة عروس دبي22

الصراحه العام انا زرت المحل .. العطوور روعه ماشاءالله ماعليها كلام ..

حتى اذكر يمكن خذيت 10 عطور لووووول

الله يبارك لج في تجارتج

المشاركة الأصلية كتبت بواسطة بزنس ون

الســـلام عليكم

الحمدالله زرت القريــه العالميه والقريه الاماراتيه ومريت المحل ...

وكان خاطري اخذ عطر بلاك ليذر من فتره طويله ...

وماشاءالله ع العطر ريحته فواحه ومن تتعطر منه تفوح عادي يومين واكثر بعد وخنينه في نفس الوقت وما عليه كلامـــ ...

وانا انصح الي ما ميربنه ايربه ويحكم ويشوف بروحه شو النتيجه ...

وبصراحه العطر غاوي ويسد انه صناعه اماراتيه 100 بالميه ..ويعطيج العافيه ياختي ..

وللامام انشاءالله .. ^_^

والسموحه ...

المشاركة الأصلية كتبت بواسطة **سكون الليل**

[

أمس ييت القرية العالمية وطبعا زرت محلج ، وخذيت العطر بلاك ليذر ،،ومن عرفوا اني من المنتدى عطوني إياه ب 350 ،، بصراحه ريحته جناااااااان ، كلمة روعه شويه عليه.... وان شالله لي زيارة ثانية ولازم أجرب بقية العطور والدخون **** وخذيت بعد شباصة للشعر ...

ومشكورة الغالية "أم خليفه"...

المشاركة الأصلية كتبت بواسطة انجـــود

سلام عليكم ..

انا رحت القريه يوم الخميس 17-12-2009

كانت القريه هب زحمه .. وهاديه..

واخيرا من القريه الاماراتيه رحت عند الغاليه محل توته الحلوه (( ريانه العود )) وخذت

دخون الملكي .. وتميت اشم العطورات اللي عندها بدون مبالغه كلهم حلوووين ... بس هذيج الساعه كنت امفلسه ):

خخخخخخخخخخخخ

المشاركة الأصلية كتبت بواسطة نسيم المطلعيه

السنه سرت القريه بس دخلت كم قريه وسرت محل ريانة العود بس ماخذت شي لانه كانت زحمه عندهم مع انه كان فخاطري اخذ من الدخون اللي حاطين منه في المدخن >>> دوخت من ريحته .....

المشاركة الأصلية كتبت بواسطة فطومـة

وناااااسة يا حلوووو القرية العالمية

العام زرت الاخت توتة في محلها بس ما حصلتها للاسف لكن اخذت من عطورها حلووووووة والله يوفقكم كلكم

المشاركة الأصلية كتبت بواسطة 3athab

الزين كله عندج

عطوووورج روووووووووووووووووووووووووووووعه

ودخووونج والله أرووووع

وله العود المعطـــر عمري ما روحت شراته

ربي يووووفقج فديت رووووحج

المشاركة الأصلية كتبت بواسطة جمروايه2;

أختي ام خليفة اهنيج على هذا العمل المميز زرت محلك وفعلا اغراضج لا يعلى عليها الدخون الملكي سعره ممتاز خذته 120 درهم المحلات الثانيه الدخون عندهم اقل عن مستوى الدخون الملكي فوق 150 واهنيج على عطر البلاك لذر يستاهل الدعايه اخذته من دون تفكير وكذلك خلطة ريانة العود،،عندكم اشياء حلوه ولكن اوعدكم في المره القادمه بتنويع العطورا

المشاركة الأصلية كتبت بواسطة شرجاويه 12

واخيرا رافوا بحالي وودني القريه لوووووووووول

ما خليت قريه ما دخلتها سرات محل ام خليفه واقول حق خواتي هذا محل ربيعتي مال امنتدى كاااااان زحمه كله بنات ههههههه اضن بنات المنتدى كلهم واقفات هناك عن نفسي خذيت العود المعطر شو مب خبال روعه وخذيت دخون جميرا واختي العوده بلاك لذر وخذت السحريه كنت باخذ المحل كله هههههه حرمة اخوي خذت يمكن 5 عطور ريانة وحجردهن عود والشيخه وبعد 2 بس ما اذكر اسمهم وكلهم مدحوا شغلج قالواماشاء الله عندكم بنات فنانات في منتداكم لوووول

المشاركة الأصلية كتبت بواسطة عروووس

مريت ع محل ام خليفه مع اني ما ابا اخذ مكتفيه الكبت يقول ارحميني من الدخون والعطور واااااااااااايد عندي

حصلت اقبال ماشاء الله ع محلها بس ما قدرت اقاوم خذت الدخون ام الشيوخ ب140 اعتقد هو اغلى نوع دخون عندها الله يوفقها

لييييييييييي رجعه القريه كانت روعه

المشاركة الأصلية كتبت بواسطة فلاحيه والنعم

اشكرج من صميييييييييييييييم قلبي على البلاك لذر ودخون جميرا والله الشاهد ان ريلي اتعطر من البلاك لذر وكان قاعد واحد في الكوفي شووب عداله وقام وساله عن العطر الي متعطر به يا ويييييييييييييلي انا اتصل فيني بو زايد وقالي بصراحه هديتج الي خذتيها لي تبيض الويه وعاد انا منششقه من الوناسه والتمدح قلت له هاه شو رايك في ذوق ام زايد **شي خطير ذوقي والله تسلمين يا الغاليه كنت مدخنه ثيابه بجميرا مع عطر بلاك وهذي كلمة حق لج عطورج خيال والله يبعد عنكم الحساد يالله ويخلي لك عيالج وابوهم

__DEFINE_LIKE_SHARE__

emaraty999 · 12-25-2009, 09:27 PM

الحمدلله والصلاة والسلام على رسول الله وعلى آله وصحبه أجمعين __DEFINE_LIKE_SHARE__

ام خليفه · 12-27-2009, 01:28 PM

المشاركة الأصلية كتبت بواسطة انا ملاك

انا اختي خذت عنج عطر بلاك ليذر وتمدحه واااااااايد تقول روعه

تسلمين يالغاليه __DEFINE_LIKE_SHARE__

ام خليفه · 01-06-2010, 01:56 PM

المشاركة الأصلية كتبت بواسطة ريشة فنان

ما شا الله تبارك الرحمن

اللهم بارك لأختي في رزقها

تراني جربت الدخون الملكي وكانت ريحته حلوة

بس التعامل وياها كان أحلى وأحلى (رااااااقية جداَ بتعاملها)

من ذوووقج حبيبتي __DEFINE_LIKE_SHARE__

uae sniper · 01-06-2010, 11:25 PM

بالتوفيج ان شاااء الله __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ستوكات من الصين,تصافي طلبيات الاسواق الاوربية للراغبين زيارة الصين الاستيراد من الصين	محروم.كوم	منتدى أخبار المواقع والمنتديات العربية والأجنبية	0	03-20-2010 06:50 PM
تخيل يكون الـ BB PIN مالك يكون ( 300000000x) ( وليش ما يكون صج ؟ ادخل وشوف )	محروم.كوم	منتدى أخبار المواقع والمنتديات العربية والأجنبية	0	03-06-2010 05:40 AM
ولا تزعلوا بــ 99 ريال فقط	محروم.كوم	منتدى أخبار المواقع والمنتديات العربية والأجنبية	0	11-24-2009 12:30 PM
المنتجات الصينية بضائع الصين إستورد من الصين *إشتري من الصين سوق الصين	محروم.كوم	منتدى أخبار المواقع والمنتديات العربية والأجنبية	0	11-06-2009 01:30 PM
المنتجات الصينية بضائع الصين إستورد من الصين *إشتري من الصين سوق الصين	محروم.كوم	منتدى أخبار المواقع والمنتديات العربية والأجنبية	0	10-30-2009 12:50 PM