بسم الله الرحمن الرحيم السلام عليكم ورحمة الله وبركاته كل عام وانتم بخير ومباكن عيدكم ليش بعض الشباب تفكيرهم محدود بنوعية معينه بالتجاره حلاق - دوبي - مغسله - مطعم هاللي الاقيه اكثر شي وارد بالسوق والمنتدى ليش اول شي تفكر فيه الربح هل هذه التجاره المختاره من قبلك بمثابة الدجاجه التي تبيض لك ذهب ؟لا تفكر بالرزق السريع حط فبالك انك اول سنه خسران عشان تشوف الربح لماذا اول شهور تكون متحمس للفكره وتتابعها يوميا وبعدها يقل اهتمامك وبالاخير تفكر في البيع ؟طبعا انا لما قلت هالكلام من حكم مشاهدتي لبعض التجار الجدد كل انسان يحب التجاره او الدخول في التجاره يحب انه يكون راهي وبمعني اصح غني وهالشي طبيعي ونستند الي الايه ( *المال والبنون زينة الحياة* الدنيا ) لكن المفروض على الراغبين بالدخول الي التجاره دراسة عدة عوامل منها حاجة السوق الميزانية المحدده للمشروع سؤال الغير في تجارهم واخيرا التوكل على الله حاجة السوق : الواحد لما يفتح مصبغه بشارع فيه 6 مصابغ الاقبال راح يكون لشيئين الاول عندك شي مميز الثاني سعرك ارخص الثالث السرعه والجوده واذا ماتوافرت هذي الامور عندك فاحسن حل تسويه انك تدور لك مكان مافيه مصابغ اتعب ودور المهم انك بترتاح بالنهايه الميزانية : تسال عن كل مستلزمات المحل وتحسب الاشياء الصغيره قبل الكبيره وشوف المبلغ اللي عندك هل يكفي لهذا المشروع او لا . لا تقول بطلب تمويل لانه التجاره ربح وخساره ولا تنسي ان الله سبحانه هو الرازق يعني يمكن ماتفلح ابد ولا تقدر حتى تطلع راتب عامل واحد سؤال التجار : خذ لفه بالسوق واسال عن التجاره ونوع البضاعه وين الوكيل المعتمد ولا تنسي انك تاخذ من الوكيل المعتمد وحاول قدر الامكان تكون علاقات صداقه ومنفعه في التجاره وهذا الشي لا بد منه واخر كلامي هو التوكل على الله وتذكر ان الله هو الرازق ولا تشوف الغير عشان ماتقول ليش اسعى والله بيزقك يمكن في اشياء نسيتها ولكن هذي الامور الاساسيه والمطلوبه بالتجاره وحاول دائما ان تسوي شي فريد ويكون غير متوفر والناس ( الزبائن ) تحب التجديد انا كتبت هالموضوع هو بمثابة سؤال ونصيحه لاني شفت اثنينه من ربعي خسرو خساره كبيره الاول كان بيفتح محل اصباغ مثل شركة جوتن وشركة الجزيره للاصباغخسارته كانت لانه سمع كلام البعض والي كان لهم مصلحه انه هالمشروع ناجح 100 % وطبعا الريال سار بريطانيا وخذ له وكاله حصريه لشركه من الشركات المنتجه للاصباغ وطبعا اللي وسوس باذنه مسك مدير المشروع براتب مايحلم فيه طول ماهو حي وماسمع اي نصيحه ولما نصحته على الاقل سولك اعلانات عشان الناس تعرف المنتج رد علي بعبارة الواثق المنتج روحه بيفرض عمره للسوق قلت له لا تنسي في شركات صارلها 100 سنه فالسوق وعالميه قالي ماعليه ودعيت له بالتوفيقبعد فتره لقيته يقولي خسرت مايقارب ال500 الف من مكاين وديكورات والخ من الامور قلت له مبروك والله يعوض عليك الثاني فتح محل معجنات بيتزا واختار مكان لا يصلح لمشروع مثل هذا في منطقه شبه نائيه ( لو فتح مطعم كيما وبراتا جان ربح اكثر عن هالمشروع ) وطبعا الريال ماقصر ديكورات والخ من هالامور وطبعا فترة اربع اشهور وحليله انصدم بمدخول شهري لا يغطي ربع قيمة المصروفات الله يعوض عليه وهذا الموضوع نصيحه لكل تجار يديد او كل شخص يفكر بالتجاره نصيحه مني شخصيا اي شخص بيفتح مشروع لا يبيعه حتى لو كان خسران المهم انه يطلع قيمة الاجار و رواتب العمال المهم انك ماتبيع وتخلي الهنود يشترونه لانه والله لو اشتروه عطهم 5 اشهور وبتلاقي المحل مولع لانهم صبورين ولا مافي شي يميزهم عنا
09-20-2009, 11:00 AM
العرض العادي
المواضيع المتشابهه 
