... كفتة بطاطس سريعه { بالخطوات المصوره } ...
 

المقادير و الطريقة :
اول شي اسلقي بطاطس كامل بقشره عشان تحافظين
عليه من الماء لا تدخله وتحافظين على النكهه
مثل ماتشوفين



وبعد ماتستوي نقشرها ونتبلها بالملح والفلفل الاسود
ومقدار ملعقه زبده ولو تكون مو مسيحه افضل
لانها بتسيح من حرارة البطاطس



ونهرسها بالشوكه ونضيف لها ملعقة جبن كرفت شدر
وملعقه بقسماط عشان تمسك ماتتفكك عليك



ونبدا نحشيها بالحشوه اللي تفضلين ممكن عصاج لحم او دجاج
او تونه او خضار انا حشيتها بجبن كرفت شدر مبشور مع جبن موتزريلا
بس يكون مقدار الموتزريلا نص الشيدر يعني كاس شدر
معه نص كاس موتزريلا
ولا تكثرين حشوه شي بسيط علشان ماتسيح اثناء القلي وتفك معك
وهذا شكلها بعد الحشو والتشكيل



وبعدين نغمسها في البيض ونغطيها بالبقسماط بهالشكل
على فكره انا حطيت بقسماط بر عشان كذا لونها غامق



ونبدا بالقلي والزيت يكون خفيف يعني يغطي نص الكفته
ويكون حامي مره وشقريها بسرعه واقلبيها على الجهتين
وطلعيها على السريع لانها ماتحتاج سوا كلها مستويه
ماتحتاج الا تشقير وطلعيها على ورق نشاف ولاتغطينها
خليها تتهوى وتطلع البخار اللي جوا وتقرمش من برى
لانك لو غطيتيها بتذبل وبتموع معك
وهذا شكلها بعد القلي

+(السلام عليكم)+.؛.؛.؛.؛.؛.؛.؛.؛.؛.؛.؛.؛.؛.؛.؛.؛.؛

يسلموو حبووبة عالوصفة
والله يعطيج ملايين العوافي
وبانتظار الشهي والمميز

؛.؛.؛.؛.؛.؛.؛.؛.؛.؛.؛.؛.؛.؛.؛.؛.؛+(في حفظ الرحمن)+.

خيتو قطوة ابوظبي

تسلمين اختيه
على الطريقه الحلوه وسهله
وشكلها لذيذ
ان شـاء الله نجرب نسويها اذا ما احترقت

وعسى ربي يعطيج الصحه والعافيه الدايمه

يم يمي


يسلمووووو غاي ع الطرح اللذيذ


وبنتظار مطبخج اليديد

تسلمون على المرور