سلامي على أهل المنتدى والمساييّـر!!! وين الطير ياجده غير؟

محروم.كوم · #1 09-15-2009, 03:20 AM

السلام عليكم ورحمة الله وبركاااته

أخواني لا اجد المقدمه ,, ولكن أتيت قبل ثلاثة ايام

ونزلت كذا موضوع استفزع فيه بكم بإدلالي على مواقع الصيد

كنت فالطائف ونزلت موضوع بإدلالي ومامن مجيب.!!

وأتيت إلى جده وكذالك أنزلت موضوع ومامن مجيب!!

وسوف اقتبس احد المواضيع لكم ... ويشهد الله اني متابع لكم من فتره قديمه

ولكم معزّه ومقداروأحترام فالقلب وستغربت منكم هذا التصرف؟
وطرت علي قصيده اترككم معها بعد الاقتباس

اقتبااس الموضوع

لسلام عليكم ورحمة الله وبركاته

اخبار تشرح الخاطر عسى الله يرزق الجميع بالصيد الطيب

ياهل الخير انا في جده هالحيــن والله مادل فيهـــا غير طريق المدينـه مماني من هل الديره

ولحالي عندي شغله هناك ونفسي تااااااااايقه للصيــد اما قمري ولا شين طيب

وجهووني يااعرب لـ دررووب المقناص هنااك الله يبيض وجيهكم

8
8
تاابع للموضوع عقب يومين
ياهل الخير محدٍ رد علي ّ ,, لاتبخلون علينا وحنـــا طامعين في كرمكم !

::

سلامي على أهل المنتدى والمساييّـر\\من الهاجس اللي عاتب ٍ في سلامه
لي أيام وأرد الحروف المعاسيـــــر\\عسى واحد ٍ منكم يفسّر كلامــه
[نخيت الرجال ولا لقيت التباشيــــــر\\أبا ديرة ٍ فيها القماري علامـه
وأنا مغترب عن ديرتي ياهل الخــــير\\ولا أدل درب ٍ فيه حتى الحمامه
تعشّمت فيكم علّي ألقى من الطيــــــر\\مايقنع فؤادٍ هايم ٍ فـ اليمااامـه!!
لو أنّي بداري ماتكلـّفت بالسيــــــر\\ابلقى على مشهاي درب الصرامه
وأنا جيتكم خوّه وعزّه وتقديـــر\\ووجه السَعد يفرض علي أحترامه
أبي خوة ٍ ماتنحسب لي مخاسير\\بوقت الشدايد ماتـَـعْرف الرخااامه
صحيح اللذي قال المثل منطقه خير\\ومن يترك إدياره يقلل مقامه!!
وأنا جيت طالبكم عسى المطلب إيصير\\أبي ديرة ٍ فيها القماري علامه

اخووكم المطيري ,, مصخّر البعد __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الطير معروض بالمنتدى وخارج المنتدى...	محروم.كوم	منتدى أخبار المواقع والمنتديات العربية والأجنبية	0	03-26-2010 11:30 PM
سلامي عليكم يهل المنتدى ^^	عاشقة الفتك 2009	تراحيب وتهاني	25	10-23-2009 11:24 AM
كاريكاتير حجاب بونـفـخـه / للفنان : عبدالعزيز حاجيه	محروم.كوم	منتدى أخبار المواقع والمنتديات العربية والأجنبية	0	07-16-2009 09:10 AM
كاريكاتير حجاب بونـفـخـه / للفنان : عبدالعزيز حاجيه	محروم.كوم	منتدى أخبار المواقع والمنتديات العربية والأجنبية	0	07-16-2009 08:30 AM
الشيخات سلامي و شمامي	da1a3	الشيوخ و رؤساء الدول	25	04-01-2009 01:14 PM