حصاني ما يصهل عبث

محروم.كوم · #1 03-02-2019, 02:51 PM

السلام عليكم ورحمة الله وبركاته
صبحكم الله بالخير الجميع

اذكر انه في بداية احد فصول الربيع طلعت مع خالي ابو حاتم مشوار نتفقد اشجار الزيتون المعمره في قطعة ارض تبعد عن الديره حوالي 4 كلم وكان عمري حوالي 23 سنه ولحقنا 2 من بنات خالي وزوجة
حاتم ابن خالي
حين وصلنا نزلنا عن خيولنا وصرنا نتفقد الشجر ورحنا لبير المويه فتحنا باب البير كان بالامكان انا نغرف المويه باليد من البير غلقنا البير وتوجهنا لمكان عباره عن صخره منبسطه وطويله فرشت البساط
ووصلن البنات وكان معهم مواعين الشاي والقهوه
قالت بنت خالي : يا حمود شب لنا نار ودنا نسوي شاي
جبت اغصان وحطيتهم بين حجرين وصرت اشب النار لين قوية شبة النار حطت بنت خالي ابريق المويه عليهم وحنا جالسين نسولف بنت خالي الكبيره راحت تجيب ميرميه لاجل نحطها مع الشاي
سمعت حصاني صار يصهل بشكل مستمر
قلي خالي : ويش فيه حصانك يصهل بهاذ الشكل ؟

جاوبته : اذا الذيب يهرول عبث حصاني ما يصهل عبث .
قمت من مكاني ودي اروح اشوف ويش فيه اذا بنت خالي راجعه تركض قام خالي ورحنا نركض امسكها خالي
وسألها : ويش في يبه تركضين عسى ما شر ؟
صارت تأشر بيدها وهي تحاول تلقط انفاسها
قالت يبه : هناك رجال منسدح على الارض جنب شجرة اللوز خايفه يكون ميت
رحنا نشوف الرجال لاحظت فرس حبل رسنها عالق بين حجرين حين وصلنا الرجال بسملت وحطيت يدي على رقبته كان فيه نبض في عرق رقبته هزيت الرجال بركاده ما تحرك
خالي نادى على وحده من البنات وطلب منها تجيب مويه البنت جابت مويه بماعون بللت يدي وبسملت ورشت مويه على وجه الرجال فتح عيونه
وحين شافنا صرخ من انتم ؟
قله خالي : توكل على الله عليك الله وامان الله
صار الرجال يتوجع من رجله حين لمستها صرخ بقوه عرفت انها رجل الرجال مكسوره قمت شماغي عن راسي وقسمت منه قطعه ولفيتها على رجل هالرجال وجبت غصنين من فروع شجر الزيتون
حطين واحد منهم على ساقه من الخلف والثاني على عظمة ساقه من قدام ولفيت الشماغ على الغصون وربطته جبت فرس الرجال واركبناه عليها خالي قال للبنات اسبقونا على البيت
رحت جبت فرس خالي وحصاني ركبنا خيولنا ومشينا على مهل وطول الطريق الرجال يتوجع من كسر رجله وحنا نصبر فيه بالكلام لين وصلنا بيت خالي
ادخلنا الرجال للبيت ورحت على عيادة الطبيب احمد جبته لاجل يعاين الرجال ويفحصه بعد ما الطبيب فحص الرجال وعاينه
قال : ان شاء الله خير رجله مكسوره وما في عنده نزيف داخلي ودي اسوي جبيره من الجبص للرجال وهاذ اللي حصل الطبيب سوى جبيره لرجل الرجال
الرجال قال لخالي : من انت يا راعي الطيب لولاك بعد رحمة رب العالمين كنت ميت
خالي قاله : حق الضيف 3 ايام وثلث توكل على الله
حين رحت ربطت فرس الرجال وعلفتها انزلت عنها سرجها لاحظت داخل الخرج مسدس سحبت مشط الرصاص وعديت الطلقات كان عددهم 12 طلقه والمشط يتسع 14 رصاصه
ابلغت خالي وعطيته مسدس الرجال الرجال يلح على خالي لاجل نبلغ اهله انه عندنا ورجله مكسوره وخالي يطمنه صباح اليوم الرابع بعد ما فطر الرجال
قال لخالي : يا معزب الرحمن جزاك الله خير وبيض الله وجهك ما قصرت معي انقذت روحي بعد الله ودي اروح ربعي بعيدين من هنا شمال شرق حوالي 17 كلم
قله خالي : عين خير الحين يروح ولدي يبلغهم .
قلي الرجال : يا النشمي اسأل عن ابو احمد تراه اخوي وابن عمي وخال عيالي
رحت لمكان ربع الرجال حين وصلت لقيت رجاجيل جالسين في حوطه مسقوفه بجريد نخيل طرحت السلام عليهم ونزلت عن ظهر حصاني الربع وقفو على ارجولهم وردو السلام صافحتهم
أشر لي رجال بيده وقلي : هنا يا ضيف الرحمن جنبي بصدر المجلس
جلست وقام رجال صب لي الفنجال امسكت الفنجال وشربته هزيت الفنجال وقلت لهم : قهوه دايمه تابعت كلمي يالربع ودي ابو احمد
قلي الرجال اللي جلست جنبه : ابو احمد يكلمك
قلت له : ارسلني لك ابن عمك زوج اختك يطلبك انت وربعك تراه بخير وهو الحين في بيت ابوي
الربع قامو وبدو يتجهزون لاجل يجون معي للديره كل منهم جهز ركوبته شفت ابو احمد راح لبيت شعر
سمعته يقول : كفي البكا ابو عيالك بخير وصلنا عنه خبر ودنا نروح نشوف ليش ما لفانا للحين ويرسل لنا طارش يبلغنا نروح له
كان عدد الرجاجيل 7 محدثكم العبد الفقير لله ابو ظاري مشى قدام الرجاجيل وحسب الطريق منطقه نطرد فيها ومنطقه نمشي على مهل بسبب ضيق الطريق ووعورتها لين وصلنا بيت خالي
دخلنا حوش البيت ونزلنا عن ركايبنا كان خوالي وبعض رجاجيل العائله في استقبالهم صافحو بعضهم البعض وخالي ادخل الربع على البيت كان خالي يقولهم رجلكم بخير توكلوا على الله
الرجاجيل تفاجأو بولد عمهم جالس في مجلس الرجال ورجله في الجبيره صافحوه وصارو يتطمنو عليهم وهم يسألوه ويش اللي صار
صبيت لهم الفنجال اول ما جلسو وللربع جميعهم
الرجال قال : يالربع اللي صار كنت ماشي بالفرس راجع للديره حين كنت في الوادي لمحت ارنب ضربت عليه رصاصتين لكني اخطيته وكملت طريقي طلعت بين اشجار الزيتون وحين قربت على اخر
الشجر جفلت الفرس ووقعت عن ظهرها وضرب راسي بالارض فتحت عيوني اذا هالرجال الغانم وذاك النشمي عندي وجابوني هنا واحضرو الطبيب ومثل ما تشوفون رجلي والحمدلله بيض الله وجوهم
وكل ما اقول لراعي البيت ودي اروح اهلي
يقولي : حق الضيف 3 ايام وثلث رجلك مكسوره ما اخليك تروح وانت بهاذ الحاله
لين اليوم ارسل لكم ولده وجيتو معاه والحمدلله ترى هالسوا ما انساه له انقذ روحي بعد الله
رد عليه خالي : ما سويت شي توكل على الله سلومنا وعاداتنا
خلال الجلسه قدمنا لهم الشاي ومويه والقهوه بعد حوالي 3 ساعات همس خالي باذني
وقالي : يبه روح مع اخوانك جهزو الغدا للضيوف
قمت وطلعت من المجلس مع اخواني رحنا خلف بيت خالي هناك في حوطه حريمنا يطبخون فيها للضيوف ووقت الافراح كانت شايبتي رحمها الله واموات المسلمين وخالتي وزوجة خالي وبناتهم
كان الغدا صار جاهز حملنا ماعون اللبن الساخن ( الجميد ) والرز واللحم ادخلناه للمطبخ وبدينا نحطه في الصواني ونثرنا عليه البقدونس واللوز المقلي وحطيناه في غرفه كبيره

ورحت لخالي وقلت له كل شيء جاهز
خالي قال للربع : يلا يالربع تفضلوا على الغدا
دخلو الرجاجيل الغرفه وجلسو حملت ماعون اللبن الساخن وصرت اصبه على الصواني فوق اللحم لين تشبع الرز باللبن بعد ما تغدو الربع وحمدنا الله الربع صارو يشكرون خالي على سواته مع الرجال
وخالي يقول لهم ما سويت شي يالربع بعد العصر الرجاجيل ركبو ركايبهم وتوجهو لديرتهم اخر علم (ن ) لي بالرجال هاذ صدفته قبل 3 سنوات وكان يرعى قطيع من النعاج في منطقه تبعد عن ديرتنا
حوالي 10 كيلومتر وكان معاه اكبر اولاده و3 من احفاده جلست معاهم وسولفونا بعد ما شربنا الشاي
ودعتهم ورجعت للديره
وسلامتكم يالربع
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
حصاني ما يصهل عبث	محروم.كوم	منتدى أخبار المواقع والمنتديات العربية والأجنبية	0	05-23-2017 10:50 PM
لا غبت جبت وعادتي لا غبت ماارجع بالهزيل (مقناص الساحل الغربي)	محروم.كوم	منتدى أخبار المواقع والمنتديات العربية والأجنبية	0	09-22-2012 05:21 AM
تحفة : برنامج صور المنتديات الاصدار الأول .. يسهل عليك الكثير .. ادخل لترى روعته	محروم.كوم	منتدى أخبار المواقع والمنتديات العربية والأجنبية	0	04-27-2009 01:00 AM
رئيس الدولة يعرب عن أمله أن يسهم اللقاء في جمع الصف العربي وتوحيد الكلمة	مستر حبوب	اخبار محلية و عالمية	15	02-01-2009 11:56 AM
رآعي الدَلع ترف الصِبآ .. يَهل الهُوى لي شطّ بي	Roo7 wlhana	عدسة الاعضاء , كاميرا الاعضاء	43	01-17-2009 08:55 PM