انت كنت راعي شيب ؟

محروم.كوم · #1 08-17-2018, 12:50 AM

السلام عليكم ورحمة الله وبركاته
مساكم الله بالخير الجميع

ذات يوم توجهت في كشته لمدينة البتراء الورديه خلال تجوالي تعرفت على بنت اجنبيه جنسيتها امريكيه كانت تدرس في الجامعه وتسوي بحث لاختبارها النهائي في الجامعه
طلبت مني بكل ادب اساعدها في عمل هالبحث وافقت البنت ذي تتكلم العربيه خفيفه ومكسره
اخذتها معي لديرتي وحلت ضيفه عندي في البيت افردت لها غرفه تنام فيها حين وصلت الديره كانت شايبتي تنتظرني في حوش البيت عرفتها على شايبتي ودخلنا البيت طلبت من شايبتي تسوي شاي
وتعذرت من هالضيفه رحت لبيت امي بالرضاعه ( خالتي ) بيتها بعيد عن بيتي حوالي 100 متر دقيت على جرس البيت استأذنت ودخلت لقيت خالتي وبنتها جالسات في حوش البيت
قلت لخالتي : يمه ودي اختي تجي معي الحين للبيت عندي ضيفه اجنبيه وما اعرف اتكلم انجليزي زين .
امسكت اختي من يدها وسحبتها قالت : تونى يا خوي ما تنتظر جواب امي
ناظرت خالتي قالت : زين ما يخالف خذها معاك
اخذتها ورحنا البيت عرفت الضيفه على اختي صارت اختي تترجم الكلام من العربي للانجليزي وبالعكس شايبتي جابت الشاي شربناه والحمدلله اخذتها لبيت خالي وعرفتها على زوجة
خالي وبناته وزوجة اخوي حاتم وعرفتها على خالي كان في الديوان مع خوالي ابو محمد وابو اسماعيل
قلي : يبه قول لوحده من خواتك تعطيها شي من هدومها بدل هالهدوم اللي تلبسها
ابلغت اكبر بنات خالي فاخذتها معها والبستها من هدومها وكانت هالضيفه مبسوطه باللبس الجديد وحيث انها ما تعرف تمشي فيه زين كادت تتعثر بالثوب الطويل فاضطرت انها ترفع الثوب
شوي لاجل تعرف تمشي زين التقطت بعض الصور للحوش والبيت وحظيره فيها نعجات وعنزه شاميه وصخولها و3 روس خيول عربيه اصيله
وحنا راجعين رحنا بيت خالتي عرفتها على خالتي وبناتها جلسنا فتره وبعدها رحنا لبيتي واخذت اختي بالرضاعه معنا جلست مع هالضيفه وصرت اسولف لها عن حياتنا بالديره
وطريقة معيشتنا وشغل اهل الديره بالزراعه في القديم والحاضر اختي كانت تترجم للضيفه كنت الاحظ شايبتي تغفي حيث انها تنام بعد صلاة العشا وتصحى عند آذان الفجر
حيث تعودت على هالشي وهي بنت صغيره
ثاني يوم افطرنا واخذتها في جوله داخل الديره ورجعنا للبيت تريحنا وتغدينا وحمدنا الله على نعمته وفضله بدت امي تتجهز ودها تعجن الطحين قامت هالضيفه امسكت كاميرا وصارت تصور
فيديو اختي كانت تشرح عن اسلوب عجن الطحين بعد ما خلصت شايبتي العجين تركته في الماعون وغطته لين تخمر ورحنا لبيت خالي لقيت حريم ومحارم العائله مجتمعات في غرفه
وكل واحده منهم جهزت عجينها محدثكم العبد الفقير لله ابو ظاري صار يشب النار الله يكافينا شرها اللهم آمييين ***** اللهم آمييين
خواتي بالرضاعه وبنات خالي صرن يشرحن للضيفه عن خبز العجين حين بدين البنات يقطعون العجين صارت الضيفه تصور خواتي وبنات خالي طلبن من الضيفه لا تصور وجوههن
وافقت الضيفه وصارت تصور طريقة تقطيع العجين ورقه حين امسكت خالتي الرغيف وصارت ترقه والرغيف يتنقل من يدها اليمين ليدها اليسار وبالعكس اندهشت الضيفه
قالت بالانجليزي : واااااااااااو هاذ شيء رائع
خلال لحظات خالتي طرحت الرغيف فوق الحصى الحار جدا لحظات وقلبته على وجه الثاني ورفعته وحطته على طرف وتكرر هالامر اختي اخذت مكان خالتي وصارت ترق الرغيف مثل
خالتي وتطرحه فوق الحصى الحار كانت هالضيفه مندهشه من هالشي حيث انها ما شافته من قبل واللي ابهرها انها تشوف شلون تقلب الرغيف على الحصى الحار بدون ما تنحرق اصابعها
حاولت هالضيفه تقلب الرغيف تصمتت اصابعها بسبب حرارة الحصى ولانها ما تعرف طريقة تقليب الرغيف فوق الحصى الحار
الضيفه سألت بنت خالتي : متى تعلمتي هالشيء ؟
ردت بنت خالتي : كان عمري 13 سنه حين تعلمت هالشيء وتعلمت الطبخ وشغل البيت في سن 16 كنت تعلمت كل شي يخص شغل البيت
الضيفه استغربت واندهشت حيث انها اعتبرت تعلمها الخبز والعجن بهاذ العمر يعني انها طفله وما صارت سن 16 تعلمت كل شي يخص شغل البيت فهاذ شي يدعو للفخر

بعد ما خلصنا الخبيز جا دور شوي اللحم في الصواني وبعده شوي البطاطس على الحصى الحار تعشينا في بيت خالي الضيفه ساوت مقابله مع خالي شرح لها عن اعمال الزراعه قديما و
حاضرا بنات خالي يترجمن المحادثه قضينا ليلتنا في بيت خالي في الصباح اخذت فرس خالي وربطتها تحت الاشجار عند حصاني اليحموم والد حصاني الاغر ورجعت لبيت خالي الضيفه
افطرت في بيت خالي وقلي خالي غدا الضيفه اليوم عندنا وافقت ما اقدر ارد كلام خالي فهو اللي رباني
بعد وفاة شايبي رحمه الله واموات المسلمين
اخذت الضيفه على البيت تتجهز عندنا مشوار براة الديره حين تجهزت الضيفه وطلعت من البيت شافت حصاني صفرت له جاني ووقف قدامي
قلت له : خشمك لقدام خشمك لقدام مد الحصان راسه لقدام طبعت قبله على جبينه
اسرجته والجمته واسرجت فرس خالي طلبت مني الضيفه انها تركب حصاني
قلت لاختي ترجمي لها : على مسؤوليتك الشخصيه ما اضمن سلامتك وافقت الضيفه
ما ان صارت على صهوة اليحموم ابتدا يطلع فنون الهيجان والقفز والرفس اندفعت امسكته من لجامه واوقفته ونزلت الضيفه عن صهوته وركبت فرس خالي
قالت اختي : شلون اروح معاكم يعني ودك امشي على ارجولي ؟
قلت لها : اردفك خلف الضيفه؟
قالت : لا لا لا شوف لك طريقه ثانيه
رحت على بيت خالتي جبت فرس ابن خالتي اسرجتها والجمتها اركبتها عليها وتوكلنا على الله وانطلقنا لبراة الديره
اختي قالت : امسك رسن الفرس تراها مزاجها متقلب
امسكت رسن الفرس
ومشينا لين وصلنا مراح حلال صديقي ابو مرزوق جلسنا معاه غليت شاي على الحطب وقهوه الضيفه سوت مقابله مع ابو مرزوق وصورت الحلال وهو يرعى شفت عنزه ابعدت عن الحلال امسكت حجر
ورميته عليها وصحت عليها هاااااا ارجعي رجعت العنزه عند الحلال صرت اصفر للشياه والنعاج لحقني القطيع كله لاجل يرد على بير المويه الضيفه التقطت صور للحلال وهو وارد على بيرالمويه
وحنا ننشل المويه من البير ونسكبه في الحوض
سألتني الضيفه : انت كنت راعي شيب وغوت ؟
اختي ترجمت لي : تقولك انت كنت راعي نعاج وشياه ؟
قلت لاختي نسيتي حين كنا صغار كنا نطلع نرعى الحلال مع خوالي وجدي وابو مرزوق وشايبه الله يرحمه واموات المسلمين
ترجمي لها : طبعا رعيت نعاج وشياه حين كنت في سن الطفوله وسرحت مرات كثييره مع ابو مرزوق واولاده نرعى الحلال
اختي ترجمت للضيفه اللي قلته وودعت ابو مرزوق رجعنا للديره لاجل الضيفه تتغدا في بيت خالي تغدينا وحمدنا الله على نعمته وفضله
مسا ذاك اليوم كان عندنا فرح الضيفه صورت صور فوتغرافيه و مقاطع فيديو للدحه والدبكه وثاني يوم صورت مقاطع من الزفه وغدا الضيوف والمعازيب مسا ذاك اليوم
قالت لي بالعربيه المكسره : ممكن شوي اجلس مع انا
قلت لها : آز يو وش ( اللي ودك اياه )
جلست على الكرسي واطلعت دفتر وصارت تكتب اللي صار معها ذاك اليوم طبعا قدمنا لها بعد العشا الشاي والقهوه جت اختي لاجل تشوف الضيفه
فسألتني : وين الضيفه يا خوي ؟
اشرت لها على الغرفه كان باب الغرفه مغلق اختي فتحت الباب لحظات وغلقته بسرعه استغربت الامر
سألتها : ويش فيه غلقتي الباب بسرعه عسى ما شر ؟
قالت لي : بعدين بعدين اقولك
فتحت الضيفه باب الغرفه وكانت تنزل سماعات الاذن وكانت تتنفس بسرعه
قالت بالانجليزي لاختي : فاجأتيني
سهرنا فتره وقمت لغرفتي قريت وردي وخلدت للنوم حين طلع النهار صحيت على صوت والدتي وهي تتكلم

مع اختي فطرت الضيفه مع اختي وشايبتي
وقالت لي : ممكن طلب اخير حمود ؟
جاوبتها : شور شور ( طبعا طبعا )
قالت : تومورو اروح مطار اركب بلين اروح كولورادو ستيت انت وصلني بسياره مطار؟
قلت : توكلي على الله باكر اوصلك للمطار ان شاء الله
وهاذ اللي صار اوصلتها للمطار بعد حوالي 3 شهور وصلني طرد عن طريق شركة DHL قريت عنوان المرسل كان من امريكا ولاية كولورادو فتحت الطرد كان داخله علبة عطر وقميص
وكرافه وبعض الصور للضيفه بملابس تدل انها في حفل التخرج وصور اخرى بلباس شرطه على صهوة حصان مرفق برساله رحت لاختي وطلبت منها تقرا الرساله وتترجمها لي
صارت تقرا بدون صوت
قلت : سمعيني صوتك وانتي تقرين وترجمي اللي مكتوب في الرساله
صارت تقرا بصوت مسموع وتترجم كان فحوى الرساله
عزيزي حمود اشكرك كثيرا على ما بذلت من وقتك ومساعدتك لي في انجاز وانهاء هذا البحث الذي حصلت عن طريقه على شهادة التخرج بتميز حيث انه بحث في بلد بعيد عن امريكا
ولا انسى شقيقتك فترجمتها لي ما يحصل من كلام سهل علي كثيرا انهاء الاختبار شكرا شكرا جزيلا لكم جميعا سأقوم بزيارتكم لاحقا ابلغك بموعد زيارتي لكم
لورا اندرسون
وهاذ ما حصل بعد سنتين جت لورا ضيفه علينا وكانت ترتدي الملابس اللي اهدتها لها بنت خالي

اختيرت مدينة البتراء احد عجائب الدنيا الحديثه بتاريخ 7/7/2007

هاذ صوره للخزنه وهي بداية مدينة البتراء الورديه

وهاذ صورة مقطع من السيق وهو الطريق المؤدي لمدينة البتراء وطوله حوالي 1200 متر

الخزنه من الاعلى الخزنه في المنتصف

وسلامتكم يالربع
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دكتورنا وين انت وين انت وين انت	محروم.كوم	منتدى أخبار المواقع والمنتديات العربية والأجنبية	0	08-11-2015 10:40 AM
كوب ماء .. كوب زيت .. كوب فارغ ..	♕ وليد الجسمي ♕	الإسلام والشريعة	22	02-11-2009 04:42 AM
انت انت انت و اقولك انت و لا غيرك	مستر حبوب	شعر و خواطر	16	01-20-2009 10:34 AM
كنت احبكـ . كنت اعزكـ . كنت ابيكـ . كنت لكن !!!!	خذاني الشوق	هواتف , مسجات , وسائط , برامج , ثيمات , نغمات , بلوتوث	20	01-01-2009 10:26 PM