|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم اليناالحوار والنقاش - الرأي والرأي الآخر مواضيع ساخنة , مواضيع نقاش , مواضيع جريئة , نقاش جاد يمنع المنقول والردود السطحية |
| LinkBack | أدوات الموضوع | انواع عرض الموضوع |
#1
| ||||||||||
؛
__DEFINE_LIKE_SHARE__
، ، السلـام عليكم ورحمة الله وبركاته . . , يسعد لي صباحكم / مساكم بـ ورد جوري . ، موضوع وايد حساس يدور في بالي من فترة ، ترددت وايد إني اطرحه ؛ لكن بالـأخير قلت لـابد إني اكتبه ! لـ عدت أهداف . . / منها ؛ * نفهم نوايا ربيعاتنا عدل عدل ،، * الـأم لو اختلفت جنسيتها راح تبقى الـأم الحنونه ،، . . . فلـانه [ 1 ] ؛ اقولج دبو سمعتي عن بنت الهندية جم طالعه !؟ فلـانه [ 2 ] ؛ هيييه قالت لي شمام ، يخربيت الهندية فلـانه [ 1 ] ؛ بنت هندية ومكبره راسها فـ الكلـاس ، لو أمها إماراتية مادري شو تسوي !! فلـانه [ 2 ] ؛ ههههههههه اظن إلـا بتختق علينا أكثر عن جيي ! . . . " ظرابة بنات " فلـانة [ 3 ] ؛ جاااااااب اقولج ، لـا ترادديييني تسمعييين ولـا لـا !؟ فلـانة [ 4 ] ؛ يوم عرفتي انج الغلطانة تسكتيني ؟ فلـانة [ 3 ] ؛ جب يا بنت الهندية ، لـا تربية ولـا هم يحزنون ، فلـانة [ 4 ] ؛ الحمدلله امي ربتني واحسنت تربيتي مو شراتج !! فلـانة [ 3 ] ؛ سيري اسكني بـ بلـاد امج احسن ! فلـانة [ 4 ] لـا تعليق من جداها . . و تروح ! ! ! . . . موضوعي اليوم واضح وضوح الشمس . . ، و يا كثر ما تصير مع البنات ! لـاحطوا إني قلت " مع البنات " ما قلت " مع الشباب " ، لـان الشباب ما توصل بهم المواصيل انهم يقولون يا ولد الهندية / يا ولد المصرية .. إلخ فـ حياتي ما سمعت ! ! إلـا إذا كانو يهال مظيعين عقولهم و يرمسون جي . . , ع العموم بدخل فـ الموضوع بلـا زيادة مقدمات ! قبل لـا أحصل شي ع ويهي من أيادكم الحلوه ^^" لول ! مثل ما تعرفون قبل ../ آمم حوالي 12 او 13 سنة ويمكن اكثر ! الرياييل يسافرون " الهند " و يتزوجون ويردون البلـاد ، في رياييل يكتفون بـ وحده وفي يتزوجون اكثر من وحده ، ولي رجعوا البلـاد يعطون حريمهم حق شباب غير و بـ جذيه الشباب يتزوجون هنديات ! طبعاً انا ما ارمس عن شباب قوم 20 ، لـا انا أرمس عن شياب ! اللي عمارهم توصل لـ الـ 30 / 40 / 50 ! المهم ؛ وهـ الريال مع مرته الهندية يكونون عايله ! يصرف عليها و هي ما تقصر معاه . . . . إلخ ! =] البروبلم ويين الحين !؟ البنت لي كبرت وسجلوها فالمدرسه ؛ ربيعاتها يعايرونها . . ! " أمج هنديه " " بنت الهنديه " و كلمات أكثر عنها ماله داعي ارمس عنهن . . , أظن يا بنات انتن تعرفن الكلمات عدل ! صح !؟ اللي ابا اقوله ., يا فلـانة ليش تشوفين " بنت الهنديه " أقل عنج ؟ ليش تشوفين " بنت الهندية " مو فـ مستواج ؟ ليش تتكبرين على " بنت الهندية " ؟ ليش .. ليش .. ليش !؟ يا فلـانه ؛ مو هندي اللي حط طابوقه فوقها اسمنت و فوقهم طابوقه و اسمنت !؟ مو هندي اللي رفع لكم ساس البيت ثبته !؟ مو هندي اللي يطبخ لكم !؟ مو هندي اللي تطلبين من عنده سندويجات وقت ما تيوعين !؟ مو هندي اللي يالس يلبي احتياجاتج فـ بلـادج !؟ والـأهم من كل ها . . مو الهندي ربج خلقه !؟ والهندية اللي ترمسين عنها هاي " أم " ، شرات ما الـإماراتيه تربي ! ثرها الهندية ربت فلـانه و فلـان وعلمتهم وما قصرت فـ حقهم ! " لـا فرق بين عربي ولـا أعجمي إلـا بالتقوى " ................................................ صدق رسول الله صلى الله عليه وسلم . . * * و ع فكرة مرات نحن نكون مع ربعنا واايد ، لـ درجة اننا نعتبر ربيعاتنا أقرب لنا من خواتنا ! وننصدم أن ربيعاتنا يرمسون عنا بطريقة بشعه ، ، يعني لو كنتي انتي بنت هندية شو صاإر !؟ ترى مو مهم منو انتي ؛ لـأنج ما بتكونين نازله من السما ! مثل ما فلـانة امها حملتها 9 شهور فـ بطنها ، انتي بعد امج حملتج 9 شهور فـ بطنها ! ما يهم تكونين بنت إماراتيه ولـا بنت هنديه ولـا غيره ! أهم شي تكونين من ذوات حاملين الصفات الحميدة ، تكونين أنسانه يفتقدج الزمن لو رحلتي ، تكونين انسانه الكل يذكرج بـ الخير فـ غيابج ، . . . أتوقع فهمتوا محتوى موضوعي =] ../ لذلك بترك المايك و برحل ! وحان دوركم تمسكونه وتسطرون رايكم ، ، فكرة الموضوع ؛ استخرجتها من موقف صار جدام عيني ! وحبيت أسطر لكم الموضوع وآخذ رايكم به ^^"
|
09-13-2009, 07:03 AM | رقم المشاركة : [ 2 ] |
عضو جديد | الصرااااحه أنا بنت الهنديه وعانيت من هالشيء لما كنت صغيره بس لما كبرت عرفت كيف اتصرف مع هالناس بس الصراااحه هب كل بنات المواطنات فيهم هالطبع لاوالله للأمانه في بنااات عسل وماعندهم هالتفرقه ماعرف ليش بعض بنات المواطنات يعتبرونا اقل عنهم؟؟ الحمدلله اهلنا ماقصروو علينا ... تسلممممين أختي ع الموضوووع الساخن والرائع __DEFINE_LIKE_SHARE__ |
| |
09-13-2009, 08:11 AM | رقم المشاركة : [ 3 ] | |
عضو جديد | أحس الموضوع مكرر .. ^.^
__DEFINE_LIKE_SHARE__
| |
| ||
09-14-2009, 11:14 PM | رقم المشاركة : [ 4 ] | |
عضو فعال | لاهنتي اختي الموضوع مكرر
__DEFINE_LIKE_SHARE__
| |
| ||
10-01-2009, 11:24 PM | رقم المشاركة : [ 5 ] |
موقوف | اصلا الي تعايب فيهاااااااااااااااااااااااااااااااا نقص
__DEFINE_LIKE_SHARE__
|
| |
مواقع النشر (المفضلة) |
| |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
!!!!آڊعيه مــڹ آڵقرآڹ آڵگريمــ ..{ مـرتبـهـ ..} !!!!! | حمامـ الوادي ــة | الإسلام والشريعة | 6 | 11-22-2009 11:25 PM |
ﻡـڹْ جـﻡـآڵڪ يآ بعد عِيڹِيے صآڕ ڪڵ اڵزّيڹ ڵآ شَيآ ~ ●● توبيكات ●● | ¬» ξـنيدـہۧ ٱڷگــģن | المسنجر وملحقاته , توبيكات , ماسنجر بلس , msn | 14 | 08-21-2009 02:17 AM |
{ إلزيـَڹ ~ مـْڹ زاڹـَت معَـآڹيـــﮧ . } | mƒήОđħ | التراث والحضارة | 20 | 10-10-2008 02:50 AM |
●{тỠβϊĈ's \\ ﻡـڹْ جـﻡـآڵڪ يآ بعد عِيڹِيے صآڕ ڪڵ اڵزّيڹ ڵآ شَيآ ~ ●● | A7la brensisa | المسنجر وملحقاته , توبيكات , ماسنجر بلس , msn | 30 | 09-24-2008 03:29 PM |