إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...

انضم الينا
استراحات زايد الصفحة الرئيسية


إضافة رد
 
LinkBack أدوات الموضوع انواع عرض الموضوع
  #1  
قديم 05-13-2018, 04:20 AM
عضو ماسي
بيانات محروم.كوم
 رقم العضوية : 503
 تاريخ التسجيل : Dec 2007
الجنس : female
علم الدوله :
 المشاركات : 2,100,610
عدد الـنقاط :3341
 تقييم المستوى : 2139

السلام عليكم ورحمة الله وبركاته
مساكم الله بالخير الجميع

في يوم من الايام جا احد شباب العشيره يكون احد ابناء خؤولة شايبتي الله يشافيها ويعافيها

لخالي في الديوان كنت جالس مع خالي ومعنا ابو مرزوق صديقنا ونسيب خالي اولاد خالي زوجاتهم بنات ابو مرزوق كان خالي يسولف لي عن حياة
جدي رحمه الله واموات المسلمين قبل ولادتي
دخل الشاب وطرح السلام وصافحني وخالي وابو مرزوق وجلس صبيت له الفنجال حطه على الارض
قله خالي :
ابشر باللي اقدر عليه مير اشرب فنجالك
الشاب شرب الفنجال اخذته منه وغسلته وحطيته على صينية الفناجيل
قال الشاب :
يا ابو حاتم نصيتك تكلم الشايب ابو سعد ودي بنته زوجه لي على سنة الله ورسوله
صلى الله عليه وسلم ما خليت احد الا ارسلته له وهو رافض ما ظل احد إلا انت تكلمه

قله خالي :
ابشر عين خير يا آبن اخي الحين اروح له واكلمه خير البر عاجله
توجهت مع خالي وابو مرزوق للشايب ابو سعد التقينا في الطريق مع خالي ابو محمد وزوج خالتي ابو متعب
مشو معانا لبيت ابو سعد لقينا ابو سعد في بيته استقبلنا ودخلنا غرفة الضيوف جلسنا
قال ابو سعد :
حيا الله ابو حاتم ولا هو قصور بالربع كلهم خير وبركه بني عمي
صب لنا الفناجيل حطينا الفناجيل على الارض
قله خالي :
حيا الله ابو سعد ما اشرب فنجالك الا حين تلبي طلبي
رد عليه ابو سعد :
ابشر باللي اقدر عليه
قله خالي :
بالله انك تقدر
قله ابو سعد :
زيارتك لي عزيزه وغاليه وما افشلك والله لو تطلب اولادي ابشر فيهم كلهم
قله خالي :
الله يحفظهم لك ويلحقك برهم ودي بنت وحده وبس
هز راسه ابو سعد وقال :
فهمتك يا ابو حاتم جتك البنت ما افشلك وانت شيخنا وكبيرنا مير اشرب فنجالك قبل لا يبرد / شربنا الفناجيل
قال خالي :
ليش كنت رافض زواج هايل من بنتك وجاك رجاجيل من الربع وظليت مصمم على رايك ؟
قال ابو سعد :
يا ابو حاتم انت تدري بالمشكله اللي حصلت قبل سنتين وتوابعها والا انت نسيت ؟
كان جواب خالي لابو سعد :
لا ما نسيت لكن جلسنا وتكلمنا بالمشكله وحلينها وارضينا الجميع وانتهت هالمشكله
حين سولف خالي مع ابو سعد بموضوع المهر
قال ابو سعد :
مهر بنتي 2500 دينار وطقم ذهب بقيمة الف دينار اعرف انه هايل له بيت كامل وفيه اثاث لكن هالاثاث لزوم يتغير .
رد عليه خالي :
كذا يا ابو سعد انت تحط العقده بالمنشار ما في بنت بالديره وصل مهرها لهاذ المبلغ بنتي مهرها 1800 دينار
قال ابو سعد :
يا ابو حاتم قلت لك ابشر بالبنت وعطيتك لكن هاذ مهرها وما اتراجع فيه ابد
رد عليه خالي :
زين ما يخالف اللي يقصر فيه هايل عندي وعليها وجوه الربع
طلعنا من بيت ابو سعد وتوجهت مع خالي وابو مرزوق لبيت والد هايل استقبلنا وادخلنا في بيته وجلسنا وصب لنا الفناجيل شربناها
قال خالي لوالد هايل :
اسمعني يا ابن خالي تكلمت مع الشايب ابو سعد وافق لكن له شروطه ومن طرفي وافقت عليها نيابه عنك وعن ابنك هايل
قال ابو هايل :
ما تقصر يا ابو حاتم قدها وقدود وانت تمون علي وعلى اهل بيتي ويش شرط ابو سعد ؟.
خالي قال :
ابو سعد وده مهر بنته 2500 دينار وطقم ذهب بقيمة الف دينار واثاث بيت هايل يتغير وافقت لاجل لا يقول الناس تراجع ابو حاتم عن طلب البنت وتصير سالفه بالديره
اللي يقصر فيه هايل عندي وهاذ كلمه قلتها لابو سعد عليها شهود رجاجيل من اهل الديره منهم اخوي ابو مرزوق اللي تشوفه جنبي

هز راسه ابو مرزوق علامة انه صار هالامر قدامه
والد هايل قال :
توكلنا على الله انت تمون يا ابو حاتم ولو انه مهر البنت كثير لكن التمام على خير ان شاء الله تتدبر الامور كم معاك يا هايل
قال هايل :
معي 7000 دينار اللي عطيتك اياهم يبه ما في غيرهم ما كنت حاسب هالحساب
خالي رد على هايل :
ابشر يا هايل اللي ينقص عليك عندي
بعد حوالي شهر توجهت جاهه من اهل الديره لبيت ابو سعد تقدم الجاهه خالي ابو حاتم لانه شيخ العشيره وبنفس الوقت هو اللي يتكفل باللي ينقص من طرف هايل
حين وصلنا بيت ابو سعد كان في استقبالنا ومعاه اخوانه وربعه جلسنا على الكراسي كنت واقف جنب خالي دقني حاتم ولد خالي توخرت للخلف حوالي 3 خطوات تقدم سعد وصب الفنجال لخالي
خالي ما شرب الفنجال ظل ماسكه بيده اليمين قبل لايتكلم خالي ناظرني خالي تقدمت منه همس باذني الدراهم معاك ؟
قلت له : لا مع خالي ابو اسماعيل ما اقدم نفسي عليكم يبه
سمعت خالي وهو يبسمل وقال :
يا ابو سعد جيتك مع ربعي ورجاجيل وشيبان الديره القروم اللي تشوفهم وتعرفهم الكبار بافعالهم وعقولهم جيناك نطلب منك مهره كريمه اصيله تاكل بيدها
ما تاكل بفمها نطلب يد بنتكم ***** لولدنا هايل على سنة الله ورسوله صلى الله عليه وسلم وعلى سبر اباءنا واجدادنا وان شاء الله ما حنا مفشلين عندك


قال ابو سعد :
يا ابو حاتم ما هو انت اللي يتفشل ورجال الجاهه ماهم اللي يتفشلون تراها جتكم مير اشرب فنجالك يا ابو حاتم
خالي شرب الفجال وهزه وعطاه لسعد وتم توزيع المشروبات
الغازيه والبسكويت على الموجودين من الربع وحين بدا الربع يروحون لبيوتهم وخلا المكان من الرجاجيل ظل خوالي وابو مرزوق وزوج خالتي ابو متعب ومحدثكم ابو ظاري
جلسنا خالي ابو اسماعيل عطا خالي ابو حاتم كيس من الورق
خالي اطلع من الكيس رزمة اوراق نقديه وصار يعد ويعطي ابو سعد عطاه 3500 دينار بشهادة الرجاجيل كان مهر البنت وقيمة الذهب بعد حوالي 5 شهور تزوج هايل من هالبنت
اذكر خالي ابو اسماعيل عطاه 6 ذبايح
وقله : ادفع ثمنهم بعدين الحين خلي الفرح يكتمل لا يقول الناس ما سوى غدا المعازيم والربع
بعد الفرح بفترة شهر جا هايل وعطا خالي ثمن 6 ذبايح في ذيك الفتره كنت اعزب ما كان يتجاوز مهر اي بنت في ديرتنا 2000 دينار
وسلامتكم يالربع
__DEFINE_LIKE_SHARE__
رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
حيت تتكلم الشيبان محروم.كوم منتدى أخبار المواقع والمنتديات العربية والأجنبية 0 05-11-2018 01:10 AM
كيف تتكلم دون أن تتكلم؟؟ محروم.كوم منتدى أخبار المواقع والمنتديات العربية والأجنبية 0 08-07-2011 09:50 PM
كتبت اللغز واخفيته عسى الشيبان يحلونه محروم.كوم منتدى أخبار المواقع والمنتديات العربية والأجنبية 0 02-23-2010 07:39 PM
مجلس الشيبان والشباب والسوالف اللي تشرح الصدر أرحبوووو يا رجال محروم.كوم منتدى أخبار المواقع والمنتديات العربية والأجنبية 0 12-27-2009 10:40 PM
مجلس الشيبان والشباب والسوالف اللي تشرح الصدر أرحبوووو يا رجال محروم.كوم منتدى أخبار المواقع والمنتديات العربية والأجنبية 0 12-27-2009 10:30 PM


الساعة الآن 05:21 PM


Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By Almuhajir

RSS RSS 2.0 XML MAP HTML