صوب صويبه .. يديد سعيد العتيبه - .·:*'*:·.استراحات زايــد.·:*'*:·.

ســعــيــد الـعـتـيـبــه · 04-23-2008, 07:43 AM

السلام على الناس لحشامي

قصيده كتبنها وقصتها قصيره

بييكم العلم

السالفه وما فيها اني كنت البراحه في دبي

واسمع غنية خالد محمد

وشفت مزيونه

مش يعني انها حلوة وجيه

خلو تفكيركم ايجابي

المهم .. نرجع للموضوع

وفي بحر جميرا شفتها .. وحبيت اعبر عن الي شفته في هالقصيده

بعنوان : (( صوب صويبه ))

يـا هبوبـن هـب نسناسـي
$$$ بــاردن حـلــوة نسـيـمـه
ذكرنـي بحلـو الانعـاسـي
$$$ الغزال بو طرفـن كحيلـه
فـي حبـه يامـر وينهانـي
$$$ وانا اطيع لمره واستجيبه
ولـن القلـب والاحساسـي
$$$ دايـمـن يبغـيـه وطلـيـبـه
الـطـيـب رده بأحـسـانـي
$$$ والجـفـا اكـبـر مصيـبـه
وانـتـه سـيــد الـغـوانـي
$$$ عــلاج قـلـبـي وطبـيـبـه
نـظـرة عيـنـه تسـبـانـي
$$$ ســود عـيـونـه رهـيـبـه
سـهــم حــبــه رمــانــي
$$$ صابني وصـوب صويبـه
ضعـت وضـاع برهـانـي
$$$ انتشبـت وخلانـي نشيبـه
لا تنـسـانـي وتـجـفـانـي
$$$ يـا اميـر قلـبـي وحبيـبـه

وسلامتكم[/quote]

**أفضل شاعر بالعالم** · 04-23-2008, 03:36 PM

السلام عليكم

صح لسانك يابوعسكور .. عندك تنويع بقافي هالقصيده بشكل غريب شويه واكيد السر عندك وبالنسبه لي شهادتي فيك مجروحه لانك شاعر مميز وعندك الفاظ خاصه فيك وقويه ولو سالتني بقولك يابختك لانه اكيد الدكتور مانع سعيد هو المعجم مالك وهو قدوتك

بالتوفيق وبنتظار جديدك

تحياتي لك

الشاعر

حرف القصيد · 04-23-2008, 03:39 PM

محاوله جيده صح لسانك اتمنى التركيز اخوي ولك مني كل الاحترام والتقدير .

اسم غريب · 04-23-2008, 08:49 PM

مشا الله عليك ياولد العتيبه

أبدعت بهالقصيده الغاويه

نرقب يديدك يالشاعر

خويك

عيناويه دلوعه · 04-23-2008, 11:30 PM

الـطـيـب رده بأحـسـانـي
$$$ والجـفـا اكـبـر مصيـبـه
وانـتـه سـيــد الـغـوانـي
$$$ عــلاج قـلـبـي وطبـيـبـه

صح الله لســــــااانك .. القصيده ماعليها زوود

ونرقب ابداعات اكثر من جدااك ^___^

εïз~اَلِمَيّث}● · 04-24-2008, 03:41 PM

وعليكم السلام ورحمة الله وبركآته

حي الله الشيخ

ربي يعطييك العافيه ع الابيات الطيبه

وربي لاهآنك ع الطرح

ماعليك زوود وان شاء الله من تقدم لـ تقدم

بالتوفيق لك

ونترقب اليديد من جداك

السموحه

آختكم

الميث