حكمة الشيبان

محروم.كوم · #1 10-22-2017, 04:00 PM

السلام عليكم ورحمة الله وبركاته .
مسيكم بالخير الجميع

يوم من الايام كنت عندي خالي في الديوان كان يسولف لي عن ايام خدمته العسكريه في
فرقة المدفعيه الخامسه الملكيه ( اشهر فرقة مدفعيه في القوات المسلحه الاردنيه ) .
صار جرس البيت يدق رحت اشوف من اللي يدق الجرس كان شخص من ديرتنا اسمه رداد سألني عن خالي .
قلت له : تفضل يا رداد خالي في الديوان .
دخل الديوان وصافح خالي وجلس صبيت له الفنجال
قال رداد : يا ابو حاتم جيتك من دون اهل الديره ودي تكلم شايبي لاجل يوافق على زواجي من بنت .

خالي قله : شايبك حاب انك تتزوج لكن في شيء خلاه ما يوافق على زواجك من هالبنت .
قال رداد : البنت ما هي من ديرتنا البنت هاذ من المدينه .
قاله خالي : سولف لي السالفه يا رداد .
قال رداد : وانت تذكر الله / لا اله إلا الله محمد رسول الله .
تعرفت على بنت من المدينه وشرحت لها عن طبيعة واسلوب معيشتنا وحياتنا في الديره البنت موافقه انها تعيش اول فتره بعد زواجنا في الديره لكن لا بد ترجع تعيش في المدينه
لانها ما تقدر على حياة القريه . وتحب تظل تلبس عالموضه لكني اقنعتها انها يكون لبسها محتشم
خالي قال : يا رداد ما اكلم شايبك لاجل تتزوج هالبنت تدري ليش ؟
رداد قال : ما فهمت عليك يا بو حاتم .
خالي قال : يا رداد اسلوب حياتنا في الديره تعب وكد وجهد وخاصه انت واهلك عندكم حلال بنت المدينه ما ترضى تروح مع حريمكم تنظف حظيرة الاغنام من الروث
لانه شيء مقرف بالنسبه لها وحلب الشياه والنعاج وعندنا موسم قطف الزيتون وهاذ الموسم تعب من اول لاخر النهار وانت تعرف ديرتنا صغيره مو كل شيء متوفر في البقاله
مثل المدينه شايبك وده تكون زوجتك متعوده على اسلوب وطريقة حياتنا وده زوجتك تكون
محتشمه في لبسها قدام اهل الديره .
الرجال عندنا يحب يكون اولاده عنده لاجل يسندوه ويساعدوه في شغل الزراعه والفلاحه ولا تنسى اهم شيء لبس الحريم ما في بنت في ديرتنا تطلع من بيت اهلها او بيتها
وهي سافره او يكون شعرها مكشوف ناهيك عن مواد الزينه والمكياج اللي تكون على وجهها وهاذ اقوى سبب لاجل يرفض شايبك انك تتزوج من هالبنت
رداد قال : يا ابو حاتم زوجة حمود من المدينه .
رد عليه خالي : يا رداد زوجة حمود اصولها بدويه وما عنده حلال لاجل تقوم بحلبها او تنظيف حظيرتها وهي طلبت منه يزرع حديقة البيت لاجل تشتغل فيها وهي تقوم بتنظيف روث مربط الحصان
مع زوجها حمود
يا وليدي يا رداد انصحك نصيحه لوجه الله تعالى شوف لك بنت من الديره او اي ديره ثانيه تكون ماخذه على طريقة معيشتنا وحينها اخطبها لك بنفسي ومن شاربي هاذ مهرها ادفعه لك من كيسي ما تدفع شيء .

قال رداد : ما تقصر يا ابو حاتم والنعم والله قول وفعل . دام هاذ رايك امشي وما اخالف لك كلمه .
هاذ فعلا حكمة الشيبان وخبرتها وتجاربها في الحياه فتحت عيوني يا ابو حاتم عن اشياء ما كنت شايفها ولا حاسب لها حساب بيض الله وجهك ما قصرت
بعد حوالي 3 شهور كنا جالسين في البيت اذا رداد ووالده يطلبون خالي راح لهم وادخلهم غرفه من البيت وجلس معاهم وكلموه لاجل يمشي على راس جاهه
يطلبون له بنت من ديرتنا زوجه له على سنة الله ورسوله حسب عوايدنا وتقاليدنا وافق خالي في اليوم المقرر واذكر انه كان يوم جمعه توجهت جاهه من اهل الديره وكنت من ضمن رجال الجاهه
لبيت اهل البنت وطلبوها زوجه لرداد حسب عوايدنا وتقاليدنا على سنة الله ورسوله حين وصلنا لبيت اهل البنت خالي طلب من الجميع السكوت
قام اخو البنت صب الفنجال لخالي امسك خالي الفنجال وما شرب منه ووجه كلامه والد البنت
وقاله : يا ابو محمد جيتك مع هالجاهه الطيبه من اهل الديره نطلب بنتك ........... المصون زوجه لرداد وان شاء الله ما حنا مفشلين عندك .
والد البنت قدم والده ( جد البنت ) لاجل يتكلم عنه .
قال جد البنت : يا ابو حاتم والله منت مفشل ولا انت من الرجال اللي يتفشلون ولا يهونو الربع اللي معاك كلهم خير وبركه ابشرو باللي جيتوه له
ليتها الف صبار بركه اشرب فنجالك يا ابو حاتم .
خالي شرب الفنجال
وقال : يالربع يا وجوه الخير اشهدو ترى مهر البنت عندي وانا اخو عذبه ( والعياذ بالله من كلمة انا )

الرجال صاروا يقولو بارك الله فيك كفو يا ابو حاتم كفو والله قدها وقدود قول وفعل والله .
وهاذ اللي حصل خالي ابو حاتم دفع مهر زوجة رداد واذكر انه كان 2500 دينار عدا ونقدا سلمه لوالد البنت قدام الربع في المجلس
حين راجعوه بعض ربعنا ليش دفعت مهر البنت ؟
قال لهم : الرجال ينمسك من لسانه كلمة قلتها لرداد على موقف ولزوم اوفي بكلمتي ماني
باللي يتراجع عن كلمته وقت حزها ولزها .
حين تزوجت خالي دفع مهر ام عيالي لوالدها رحمه الله واموات المسلمين قدام الربع في مجلس اهلها واخوالي وشايبتي شافاها الله وعافاها
تكفلوا باثاث البيت والاجهزه الكهربائيه ومن طرفي سلمت خالي ثمن المصاغ الذهبي والذبايح ولوزام غدا العرس ومصاريف صالة الافراح .
وسلامتكم يالربع .
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
.. لخبـــــراء ... اللاند كروزر ... وين الشيبان :)	محروم.كوم	منتدى أخبار المواقع والمنتديات العربية والأجنبية	0	07-09-2010 07:20 AM
أبنشد الشيبان عن بنت حمرا	محروم.كوم	منتدى أخبار المواقع والمنتديات العربية والأجنبية	0	03-31-2010 06:10 AM
كتبت اللغز واخفيته عسى الشيبان يحلونه	محروم.كوم	منتدى أخبار المواقع والمنتديات العربية والأجنبية	0	02-23-2010 07:39 PM
مجلس الشيبان والشباب والسوالف اللي تشرح الصدر أرحبوووو يا رجال	محروم.كوم	منتدى أخبار المواقع والمنتديات العربية والأجنبية	0	12-27-2009 10:40 PM
مجلس الشيبان والشباب والسوالف اللي تشرح الصدر أرحبوووو يا رجال	محروم.كوم	منتدى أخبار المواقع والمنتديات العربية والأجنبية	0	12-27-2009 10:30 PM