~||كـآفـي صـدمــآآت بـحـيـآآتـي جـآي تصدمني بـعـد||~ - الصفحة 3

دبر عمرك · 05-03-2008, 06:31 PM

المشاركة الأصلية كتبت بواسطة عذب السجايا

السـلام عليكم ورحمة الله وبركاتهـ ..

حـياك الله أخـي الكـــريم ..

~..صَـدمَـةُ عُ ـمُـْر ..~

عندما تلتقي بـ أُناس تظن أنهم لوحة فنية جميلة حتما يسعد من يقتنيها ويتفاخـر بها,, وترسم لهم تلك المثاليات الرائعة الجميلة وأنت في طفولتك تكبر وتمني نفسك أن تصبح مثله في يوم ما,, تذهـب اسبوعيا لزيارتهـ وتصاحبهـ في بعض زياراتهـ,, وعندما ترى البعض يشير إليهـ تقول وبفـخر:
{نعم ذاك الذي تـراهـ هـو من لحمـي ودمـي هو جزء منـي وسأغدو يوما مثلهـ بإذن الله,,,}

ولـكن,,

مع مرور الزمن وصحوة الذهـن ,,تتبخر تلك المثالياتُ الطفوليهـ ,,وتتحطم إلى أشـلاء على عتبات باب الواقـع,,, وتشوه المواقف صـورة ذاك البطل المغـوار الذي طالما راودك طيفهـ فالأحـلام ,,
ليغدوا بها شـخـص تكـرهـ إلى حـد الموت وتتمنى أن تظفر بهـ لتذيقهـ بعض الذي أذاقهـ أغلى إنـسانهـ وسكـبت دمعاتهـا حـزن عليهـ .. أي إنسان ذالك الذي يبيع أمهـ من أجـل دنـيا وزوجهـ ومجرد حفنات من المال,, ولكن مثل ما قال المثل: (الدنيا دوارهـ ),, والزمن كـفيل بان يشفي غليلي منهـ ولو بعد حـين ..

حـفظك الـرب

وعليكم السلام ورحمة الله وبركاته

كلمات قليلة ولكن المعاني بحر..ماشاء الله عليتس اختي..

الله يعطيتس العافية مرور رائع

لاخــلا ولا عــدم

آخــوتس
__DEFINE_LIKE_SHARE__

دبر عمرك · 05-03-2008, 06:35 PM

المشاركة الأصلية كتبت بواسطة -::بنت الزعابي::-

موضووع صراااحه يعور القلووب

لازم يعني اتذكرنا خلنااا ناسيــن <<< اقص ايدي لو نسيت صدمااتي

يعطيك العافيه اخويه ع الموضووع وربيه انه روووعه

والحين اكيد الكل مر بجمن صدمه هب بصدمه وحده ....

الصدمه اللي مستحيل انسااها وواايد متاثره فيهااا لهاليوم هذا هب مستوعبه اللي صار

اليوم كان يوم الثلاثاء تاريخ 6_3_2005

هاليوم كانت خالتيه تزقرني وتقول لي تعاااالي خلج ويااايه ولاتسيرين اخااف عقب اتروحين ومااتحصليني وكااانت وااايد مستانسه ... انا براسي 100 علامة استفهام مافهمت شو تقصد .. بس كان ودي ايلس فياها بس اهليه كانوا املزمين عليه اني ارووح ..
المهم

هاليوم كنا نحن الاهل سايرين الشماليه فيه للقريه العالميه

وع السااعة 8 العشا كنا حادرين القريه المصريه .... فهالحزه وصل لاخوي اتصال من اماايه لنها مايت فيااانا

اخر شي وانا يالسه اطالع علامات ويه اخويه ومتخرعه من الخاطر من شكله لنه يبين ان صاااير شي عقبها سمعت
خالتيه ........... توفت .....

اهنيه ماعرف شو استواليه حسيت ان المكان ظلمة من الخاااطر مااعرف وين اودي روحي وشو اسوي

هااي الانساانه كنت اعتبرها شراا امااااااااايه واكثــر واهي الله يرحمها اللي سمتني وانا ياهله

ماعرف شو صااار ماكنت مستوعبه مووول يالسه احط فباليه الرمسه اللي سمعتها انها غلطب غلط ليما اخر شي تأكدت

ماحسيت بروحي الا بايد اخويه ماسكتني عقبها اكتشفت ان كان بغمى عليه بس اخويه مسكني

ويااااالله يالله ليما وصلت المووتر وطووووول الوقت وانا صااااااااااااخه لادمعة ولا صووت الكل استغرب مني بس كنت بعاالم ثااني كنت استرجع كل يوم مر علي ويااها وكيف كانت اتعاملني (( لني دلووعتها واتخااف عليه من كل شي ))
رديت البيت واول مانزلت طحت من طولي ع الارض

عقبهااا مااعرف شو استوى لي

وعيت وانا دموعي ع خدي

ولهاليوم وانا هب مستوعبه اللي صاير واايد اقص ع روحي واقول اهي امساافره والا اهي فبيتها

والله يرحمها ويعمد روحها الجنه ياااااااارب

هــلا بتس اختي

كان المقصد فضفضه عما نفوسنا بس

الله يرحم خالتس وجميع موتى المسلمين.

لاهنتي على المرور

آخــوتس
__DEFINE_LIKE_SHARE__

دبر عمرك · 05-03-2008, 06:38 PM

المشاركة الأصلية كتبت بواسطة *نظره مني تسدك*

السلام عليكم ورحمة الله وبركاته

هلااااااااااا والله بالأمير مساء الله بالخيييييييييير

الصرااحه موضوع جدااااااااااا راااااااااائع وهب غريب عليييييك ^^

ندخل في الموضوع سيده

الله يطولي بعمرك صدمتي توهاااااااا لين الحين وهي تعور قلبي وهي وفاة
اغلى الناااس " يدي " الله يرحمه ويغمد رووحه الينه

الله يسلمك توفى قبل 3 سنين يوم وقفه عرفه 19 / 1/ 2005

الناس في فرحه وعيد ونحن في زعل وصيااح

الله يسلمك هو كان مريض بس والله الغالي ما عمري فكرت انه في يووم من الأيام هالانسان العزيز على قلبي يتوفى لكن هذي حكمه ربي ولازم نرضى فيهااا

الله يرحم اموات المسلمين ويرحمنا برحمته الواسعه "اللهم آمين"

تسلم خوويه ع الطرررح الي يعور القلب
يعطيييييييك العافيه وتقبل مروري^^

وعليكم السلام ورحمة الله وبركاته

تحين وتبقين خيتي نظره..هلا بتس..

الله يرحم جدتس وجميع موتى المسلمين يااارب

مشكوره على المرور الحلوو..اسعدني هالتواجد..

آخــوتس
__DEFINE_LIKE_SHARE__

دبر عمرك · 05-03-2008, 06:41 PM

المشاركة الأصلية كتبت بواسطة ()ولد المزاريع()

السلام عليكم ورحمة الله وبركاته

انا عن نفسي بعديه منصدم صدمه كبيره و اذا تبون تعرفون ليش اقرو السالفه

هذا السالفه من سنتين يوم من الايام كنا انا وربعي مخيمين في (سويحان)
و كنا شالين ويانا دراجاتنا وكان يعني صدق طماشه وكان في وقت الشتا المهم ثاني يوم هناك كنا سايرين الساعه 2 فليل انقطع بل دراجات و كان برد ورجعنا
و الله ماذكر متا لاكن رجعنا في وقت متاخر و تعشينا و كان هناك 3 خيم كبار
و خيمه صغيره بس تكفي حق اثنين المهم واحد من ربعي كان مريض ماذكر
شوكان فيه وكان وايد تعبان و بردان المهم رقد فل خيمه الصغيره هو و واحد
من ربعي وكنا حاطين في خيمته كوار عشان اتدفي الخيمه قبل ما ينام و قلناله
قبل ما تنام شل الكوار برى الخيمه المهم سرنا ورقدنا و يوم قمنا الصبح سوينا ريوق و تريقنا بعد ما تريقنا قال واحد من ربعي حد فيكم يسير يوعي
سواف و معضد و سار واحد من ربعي عشان يوعيهم المهم قعدنا انسولف
جان اشوف ربيعي ياي صوبنا ويزاعق الحقو و فزعنا كلنا انشوف شو صاير
يوم وصلنا عدال خيمتهم قلت شو صاير جان يقول اربيعي سواف و معضد ماتو
انا ماصدقت هل كلام يوم دقيت تحت عنقهم كان مافي نبض و غصبن عني
صدقت وشليناهم مستشفى (توام) في العين وصار اللي صار.

انا اعتقد انه هاي اكبر صدمه لي في حياتي
واي واحد فينا لو يخسر صديق بيحزن وايد عليه فتخيلو تخسرون صديقين

تسلم اخويه امير بكلمتي عل موضوع والله يسامحك ما كان لازم تذكرنا
تراني بس اتمصخر لا تحط في خاطرك.

وعليكم السلام ورحمة الله وبركاته

الله يعينك ياخوي ويرحم ربعك وهذي حال الدنيا وكلنا لها..

اشكرك على تواجدك الطيب..لاهنت..

آخــوك
__DEFINE_LIKE_SHARE__

دبر عمرك · 05-03-2008, 06:44 PM

المشاركة الأصلية كتبت بواسطة احلاهم واتحداهم

مــرحبا
الصدمه هيي :
مووت يدتي ام امي اللي توفت يوم عرفه

الساعة 3 الفير تقريبا فالليل بنت خالي كانت ياسة حذال عند يدتي اللي كانت
رآآقده وبنت خالي كانت تشووف فلم وعقب يدتي كانت تناديها
ويوم لفت شافت انه يدتي مختنقه وجي رآآحت نادت خآآلي
وودوها المستشفى والله ياااااااااااخذهااااا من مستشفى ماسوو شي بس عطوها الدوا وردووها البييت وعقب نص سآآعة بنت خالي ياسة حذالها ويووم مآآتت كاانت عندها كانت تحس انه روحها انقبضت بس خلآآص يوم نآآدت خآآلي يدتي مآآتت وانا كنت آآخر وحدة اعرف انها مآآت الكل كآآن قأأيم الفير
إلا انا ويووم نشييت استغربت لنه محد من اخواني فالبيت وامي وابوي مب موجوودين وعقب درييت حتى يووم يا اليووم اللي عقبه ماحسيت انه نحن فعييد
محد كآآن مقطع قلبي إلا امااايه اللي كاانت تصييييييح وآآآآآآآآآآآييد
ومب مصدقة انها مااتت وكل خمس دقاايق تذكر يدتي شوو كآنت تقول لها

الله يرحمج ياايدووه ويغمد رووحج الينه يااااااااااااااااااارب ..

هلا بتس خيتي

الله يرحمها ويلحقنا بها على خير..

شكراً على التواصل

آخــوتس
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
وماذا بعد الزواج؟؟ارجوك لا تصدمني فيك000	محروم.كوم	منتدى أخبار المواقع والمنتديات العربية والأجنبية	0	07-11-2010 10:50 PM
حـمد العـاآمـري - آلا يـا جفن - رنــه	√šħαм5 αłяαš√	نغمــات للهــواتف	18	12-24-2009 10:53 PM
لا تصدمني	حبوب الوسمي	شعر و خواطر	8	09-03-2009 07:12 PM
لا مـلـكـ بـعـد الـفـتـكـ &^%$##!@$@#$^&	@راعي الفتك الابيض@	سيارات و دراجات	12	06-21-2009 12:26 AM
...حـلى الجـوهــره ...	قطوة بوظبي	فن المطبخ والطبخ	18	12-24-2008 07:09 PM