][ يا حليلي بدونك كاسر الخاطر][
 

السلام عليكم

شحالكم ..



ألا يا قلب لك عاميــن لي هاجر
و أنا من حينها ما عرفت النوم

كأني صـــرت في هالحياه فاجر
ما ينام من كثــر ما نفسه تلوم

يا حليـــلي بدونك كاسر الخاطر
كأني صرت من نعمتي محـروم

و أنت مدري ليش للفضل ناكر
ما كنك قبليه شكيت لي معدوم

أنا متعذب و أنت لاهي و سامر
و طيف حسنك في سماي يحوم

المشكــــــله جدام عاذلي أكابر
وانطرب وأعد شــــــعر منغوم

وأعد غـزل في وصفك الساحر
كأني ملازمـــنك دوم و كل يوم

أذيــتني يا زين بهجرك السافر
بيتني وسط المخــاوين مهموم

جلبــــت لي كلي صدريه بدابر
و لا عــــرفت في بحرك أعوم

يا حليلي بدونك كاسر الخاطر
كأن الهم صار لمهجتي ملزوم