وناسه ولعب وقلة حيا للفجر

محروم.كوم · #1 07-22-2017, 02:30 PM

مساكم الله بالخير الجميع .

هاذ السالفه حدثت معي قبل حوالي 5 سنوات اسردها لكم بدون زياده او نقصان .

يوم من الايام كنت امشي بشارع في الديره لقيت بزران يحملون كرتونه فيها جرو كلب .
وانتم بكرامه كانو ودهم يلعبون فيه اشتريته منهم بمبلغ دينار اخذته للبيت حين شافته
والدتي حفظها الله رفضت تخليه عندنا اعطيته لخالي ابو اسماعيل وخلاه عنده في المزرعه
ورباه وكان ما يخلي احد يقربه وكان هو اللي يطعمه ويسقيه وكان هالكلب من فصلية
جيرمن شيبرد ( الراعي الالماني ) كان يشوف العمال اللي في المزرعه تعود عليهم اطلق عليه خالي اسم خطاف كل فتره يجي الطبيب

البيطري ويعطي حقنه للكلب خطاف لاجل ما يصيبه مرض السعار وبعض الامراض الثانيه .
مع مرور الوقت كبر هالكلب وكان شرس جدا ما يخلي كلب ضال يقرب المزرعه في يوم
من الايام دخل كلب ضال في المزرعه وحين شافه خطاف يهجم عليه وتدور معركه
حامية الوطيس بين خطاف والكلب الضال اقل من 5 دقايق كان خطاف حسم المعركه هرب الكلب
الضال على باب المزرعه وقع الكلب الضال ميت كان خطاف قطع شرايين رقبة الكلب
الضال لانه كان يعضه من رقبته بشكل عنيف رغم تدخل خالي وعمال المزرعه بشق
الانفس لين ابعدوهم عن بعض .
حين كنت اروح المزرعه يشوفني خطاف يجيني ويجلس قدامي ويهز ذيله ويقفز يبي
يلعب معي ابعده عني وحين ارجع للبيت اتروش واطهر هدومي لانه الكلب بطبيعته نجس .
في يوم من الايام صحى خالي على صوت نباح وضجه وصخب طلع يشوف ويش السالفه
اذا خطاف يطارد حوالي 4 كلاب ضاله حين طلع خالي على الشرفه وهو حامل سلاحه
انحاشت الكلاب الضاله في الليله الثانيه صحى خالي على
صوت الكلب اذا هو جالس وعنده كلبه ضاله لونها ابيض .
وخذ منه فله ووناسه ولعب وقلة حيا للفجر اذا يجي كلب ضال يهاجمه خطاف لكن هالكلبه
قلبه حنين ورهيف معاها حنووون ما شاء الله عليه .
استدعاني خالي وقالي : ويش السواا يا خال مع هالكلب خطاف والكلبه ابي ابعدهم عن بعض
اخاف الكلبه تنقل له مرض معدي والخوف الاكبر انها تهاجم الشياه والنعاج هاذ الكلب
خطافاولف عليها وصار بينهم علاقه حب ويش السوااا ؟
قلت له : نجيب قفص ونعلق فيه دجاجه بسلك مربوط في باب القفص حين تشد الكلبه
الدجاجه يغلق عليها الباب نعطي مسافه للكلب انه ما يوصل لعند القفص يظل مسافه حوالي متر ونص
وقبل هيك لزوم تخلي الكلب ياكل ويشبع زييين .
جبنا قفص كبير بعد صلاة العشا جبنا دجاجه مذبوحه وعلقناها في القفص وجلسنا
على ظهر البيت ننتظر بعد نص الليل صار الكلب خطاف ينبح ناظرنا جت الكلبه وصار خطاف

يهز ذيله ويقفز قدامها حين شمت ريحة الدجاجه راحت صوبها يقوم الكلب يوقف قدامها
ويمنعها تقرب منها وخذ منه فله ووناسه ولعب وقلة حيا لكن الكلبه مصممه انها تروح
للدجاجه قربت للقفص وصارت تناظر حولها وترددت انها تدخل القفص لكن الجوع كافر
ما قدرت تصمد قدام منظر الدجاجه المعلقه وهاذ وجبه ما كانت تحلم فيها مجانيه وبدون
تعب قدمت بكل حذر وصارت تحاول تمد يدها لاجل تخطف الدجاجه لكن الدجاجه معلقه
داخل القفص بعيده عن متناول هالكلبه والكلب خطاف ينبح يحذرها من دخول القفص
دخلت الكلبه في القفص وحين شدت الدجاجه افلتت السلك وغلق عليها باب القفص
نزلنا بسرعه ورحنا لعند القفص اذا الكلبه في حالة هياج شديد تحاول تطلع من القفص
كانت تعض قضبان الحديد لاجل تطلع قرب واحد من العمال ومد يده على السلك حاولت
انها تعضه طلبت من عامل ياخذ الكلب لمنطقه ثانيه خلف المزرعه العامل يسحب الكلب خطاف
وخطاف وده يظل عند محبوبة القلب حين طلع النهار خالي اتصل على الطبيب البيطري
وطلب منه يجي للمزرعه حين جا الطبيب البيطري خالي طلب منه يعطي الكلبه ماده مخدره
لاجل ننقلها بالقفص لمنطقه بعيييده عن الديره .
الطبيب البيطري معاه مسدس يحط فيه ابرة المخدر ويضربها للحيوان اللي وده انه يخدره
فاستعلمه وخدر الكلبه حين تخدرت الكلبه حملها وحطها في مكان في ظل وفحص الكلبه
فقال لخالي : الكلبه لاقحه صرنا في موقف صعب اذا تركنا هالكلبه بعيد عن الديره
وماتوا جراوها نتحمل مسوؤليتهم امام الله واذا تركناها في الديره ما نفتك منها .
اتصلت على صديق لي يسكن بعيد عنا حوالي 150 كلم وقلت له السالفه .
فقالي : يا ابوظاري جيبها عندي واترك الباقي لي انا اتصرف معاها .
قلت له : زين مسافة الطريق اكون عندك .
حطينا القفص والكلبه داخله في سيارة خالي البيك اب وغطينا القفص بقطعة قماش .
ورحت فيها لصديقي حين وصلته ورفعنا قطعة القماش كانت بدت الكلبه تصحى من
مفعول المخدر حملنا القفص وساعدنا 3 من ربعه ودخلنا القفص لغرفه اطلعنا الكلبه
من القفص صديقي حط على رقبتها طوق وربطه بسلسله حديديه غليظه وطلعنا من الغرفه
بعد مرور حوالي 3 شهور اتصل علي صديقي
وقالي : تعاال شوف ويش عندي من هالكلبه
رحت اذا عنده 5 جراء كلهم فصليتهم جيرمن شيبرد لكن يخالط دمهم شيء من امهم
لانها امهم من الفصيله البلديه المنتشره في بلادنا .
طبعا كانت الجراء ما شاء الله تلعب وتركض حول صديقي .
سألته : شلون قدرت تسيطر على امهم لانها ضاله ما يؤتمن جانبها ما لها امان .
قالي : بالعقل وطول البال والصبر والحزم خليتها تصير اليفه .
الكلب خطاف بعد ما فارقته الكلبه الضاله صار عصبي جدا وزادت شراسته .
وعاف الزاد والمويه كل ليله يجلس على تله ترابيه ويناظر علها ترجع له لكن ما بي فود
فارقته الى الابد مع مرور الزمن تعود على فراقها
ولاجل ينسى خطاف الكلبه الضاله خالي جاب كلبه من نفس فصيلته الجيرمن شيبرد
وتركها عنده ولانه ما يشوف كلاب اولف على هالكلبه بشكل غريب جدا .
والاثنين يتشاركون بحراسة المزرعه من الكلاب الضاله او السارقين
مع العلم انها كلاب الجيرمان شيبرد وفيه جدا لراعيها ولا يمكن انها تآذي راعيها
مهما بلغت من الشراسه بعكس باقي فصائل الكلاب الثانيه
لاجل هاذ السبب يستخدمونها في الشرطه .

صوره لكلب الجيرمن شيبرد لا دخل لها بالموضوع ( توضيحيه )

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ولعت لمبة (سيرفس انج سوون) وفحصت كمبيوتر اتحداكم تعرفون ليش ولعت	محروم.كوم	منتدى أخبار المواقع والمنتديات العربية والأجنبية	0	12-07-2009 05:20 PM
مهم جدا جدا جدا جدا جدا جدا جدا جدا جد ا جدا ج دا	محروم.كوم	منتدى أخبار المواقع والمنتديات العربية والأجنبية	0	05-10-2009 03:10 PM
مهم جدا جدا جدا جدا جدا جدا ( تصحيح معلومة ) مهم جدا جدا جدا جدا جدا جدا	محروم.كوم	منتدى أخبار المواقع والمنتديات العربية والأجنبية	0	04-10-2009 01:30 PM
هل تعاني من غلاء المعيشة وقلة السكن وقلة الباركنات بالذات في أبوظبي؟ وفي دبي	اليتيمة	الحوار والنقاش - الرأي والرأي الآخر	1	03-27-2008 12:03 AM