لو خسرتك ما خسرت العمر والدنيا متاع

و أدري إنـي لـو خسـرتك ما خـسرت إلا قلـيل

بس فكر زيـــــن تعرف من خـسر فينا وضاع

وتعـرف إنـك لو تلـف الأرض وتـدور بديـل

والله إن تبطـي ولو لفيت في كـل البقاع

ولوتسـوي وش تسـوي مـنت لا قـي لي مثيـل

ويــن تلقى مثل شخصـي شخص وطباعي طباع

ووين تلقى مثل قلبـي قلب أو مثلي خليل

البشـر واجــد نعــم لكــن فــــرق الإنـطـباع

يجعــلك يمـي تـميــل ويــم غيــري ماتـمـيل

يارفيقـي انتـبـه. واحسـن إلــي الاسـتماع

للمـواقف دور في كـشـف المـزيــــف والأصيـل

وأنـت ماقـصـرت فـيني موقفـك جـدآ شجـاع

طعـنتـك في الظهـر فعـلآ كانت إثبات ودلـيل

بيض الله وجـهـك اللي ساتـره تحـت القنـاع

ورايتك بيضا معاي وياعسـى عمرك طويـل

يعني أعطـيك الثقـه وتردها بـلوي الـذراع

ياخـي ماشاالله عليك ابدعـت في رد الجميل

مدري كيف أشكرك مدري كيف ارد الصاع صاع

كنت أحسب إنك عزيز النفس تطلع لي ذليل

كـم و أنـا عييت أصـدق فيك قدر المستطاع

من غبائـي كنت اسكـت واعـذرك وأثر الحصيل

جــرح قلــب ميـزته فـي كـل يـوم لاتسـاع

ودمـع عيـن ينهـمر مـن ضيقــتي فــي كـل ليـل

والله إنـي كنت أحبـك حب وأتبعك اتبــاع

كنت لجـل أرضي غرورك بـس اسـوي المستحيل

كنت أعمـى فيك لا. لا كنـت ميت للنخــاع

كـنت مـدري كيـف لكـن كنـت صـادق معـك حـيـل

كنت أمارس في غرامـي لك سيـاسة الإنـصياع

وكنت لاغي معــك فـكرة أعتـزل أو أستقيـل

انـدفـعــت بـكــل ما فـينــي وسـوء الإنــدفـاع

يجـبــر الانـسـان أحيـانــآ يفـكــر بالـرحيــل

صـدمتـني فـيك انـت خـليتنتي افـكـر باقتـناع

إن قـتـل النفــس راحـــه لــو أنـا كـنـت الـقتـيل

انفجـر راسي من التفكيـر وازداد الصـداع

كيف أنا بفتك من جــرحـك ودوشـة قـال وقـيــل

صـرت سيـرة فــي حلوق الناس وتالي هالضياع

أنتــحر! معــقـول يالله وش هـــذا الغـليــــــل

رحمتك يارب لامن ضاقت امنحني وسـاع

أنـت حـسـبـي فـي الزمــان الجايـر ونـعـم الــوكيــل

لا غدى مستقـبلي والماضي أطـراف النـزاع

وصفـحـة المـاضــي سواد وشي مـن هــذا القـبيـل

وطـالمــا إن الهجـــوم افضـل وسيلــة للــدفـاع

مستـحيـل ارضـخ لـو إن الحمـل يـاربعـي ثقيــل

والبـخيـل اللـي نسـاني واشـتـرى فـينــي وبـــاع

يــروح الله معه والله بـجــرحــي كـفــيـل

وإن ســأل عــني وجـاكـم بعـد فــترة انـقطـاع

عـلمـوه إنــي نـسـيـته بـس أنـا مانــي بـخـيــل

طالــما كـان السـبب فـي قـوتـي قـبـل الــوداع

بلـغـوه أقــل شــي بخـالـص الـشكـر الجزيـل



والسموحه .. دمتو بود

كشخه ,, وايد عيبتني ,,

سلمت يمناااج اختي ,, ^_^ ..

كشخه

،، تسلمين ختيه

ع الطرح ..

يسلموو ع المرور الطيب .,,

يسلمووووووووووو

صح السانك يالشاعر

يسلمو ع القصيدة الغاويه

يعطيج العافيه

نترقب جديدج

كشخـهـ بصرآآآحـهـ ....

تسلميـن الغآآآليـهـ ....

يسلموو ع المرور الطيب .,,