كيف الحال اخواني واخواتي الغاليين

الكل يسمع قصص كثيره عن انو انسان متبني له طفل لقيط

فيبداء بتربيته تربية صالحه

فينشاء بين افراد هذه الاسره

عندما يكبر يقرر هذا اللقيط الزواج

فيأتي الى باب منزلك اختي الغالية

فيطرقه

ويجلس بجوار والدك ويطلب يدك منه

فيطرح والدك الموضوع عليك

حينما تسألين عنه تكتشفين انه لقيط

هل تقبلين الزواج به او لا ؟؟؟

ولماذا ؟؟

وهل سبب رفضك له انه لقيط ؟؟؟

اتمنى من الكل المشاركه وأحذ الموضوع بجديه

اطيب الامنيــــــــــــــــات ......

السلام عليكم اختي هذا موضوعك وايد حلو ابصراحه وانا راح اجاوبك بصراحه واكون وياك صريحه اختي ام مهند اذا ياني واحد ريال وخطبني وقالولي انه لقيط انا ما راح ارفض على انه لقيط الريال ما في عيب لقيط ولا ولد حرام مهم انه ريال الريال شخصيا عني انا اذا شفته ريال زين والكل يمدح فيه واخلاقه عالية راح اوافق ليش لا انا ما يعنيني لقيط ولا ولد حرام يكفي انه له ساس وطيب واهم شيء عبادته لربه وبالصراحه انا اشوف اللقيط وولد الحرام هم احسن من ولد الحلال انا من وجهت نظري واما من وجهت نظر غيري الله يعلم والله يعلم ما في خفايا القلوب


والسموحه طولت بالكلام

يسلموووا

اختكم قلب

عالمرور

انا عن نفسي ما عندي مانع .. مب مهب شو يكون .. المهم الاخلاق الي تربا عليها .. دامه ريال عن عشر رياييل وأخلاقه عاليه ويعرف ربه .. والله ما فيها شي .. شو ذنبه إذا هو لقيط ذنب أمه ألي ما خافت ربها ...الله كريم ..

بكل صراحة عن نفسي

سأرفض لانه لقيط ،، وماراح تشفعله شهاده كبيره او تربية صالحه

هذا راي

ويعطيج العافية ع الموضوع

الرجال مايعيبهم الا بعدهم عن دينهم وبعدهم عن رجولتهم واخلاقهم




اما عن شئ آخر مستحيل واللي يقول عكس هالكلام انسان ماعنده
سالفة ..
0
0

اخوكم / النعيمي

السلام عليكم ورحمة الله وبركاته

لو علي انا ما عندي مانع ابداااا

ما يهمني شي في الريال غير اخلاقه والبيئه اللي نشأ فيها

لكن البنت شورها مب بايدهااا

و شوابناا مستحييل يرضوون وهذا الوااقع بكل صراحه

وشكرا عالموضوع الطيب ^_^

عادي عندي اهم شي انه يكون ريال يعرف ربه..

يسلموووووووووووووو ع الموضوع ^_^