جهزنا الموتر للمقناص نستمع لأرائكم...لعّاب المنايا

محروم.كوم · #1 08-15-2009, 11:20 PM

السلام عليكم ورحمة الله وبركاته
مسيكم بالخير بالربع سهيل قرّب والمقناص قرّب والطيور صفت إن شاء الله
قلنا بنجهز الموتر ببداية الصيف لإن يبيله شغل واجد للمقناص والمكشات والحمدلله جهز واللي له ملاحظه وإلا شي يعطينا خبر ومنكم نستفيد ونتعلم
لإن الأغلب هنا أهل خبره ماشاء الله تبارك الله
يقول الشاعر
راكب اللي من حفيزه للحدودي*عقب العشرين طبلون ميتينه.
فورد نوع كلاسيكي ماله طرودي*ابيض بالبيت الابيض صانعينه.
يرفعنه نايمات بالعمودي *والهواء والنار يرخن المكينه.
يوم مر خريص مع عرق النفودي*قامت اصوات القيامه في المدينه .

بسم الله تبارك الله ماشاء الله وتوكلنا على الله
السياره نوع ونيت فورد الموديل 97 f 150
صوره للسياره قبل البدأ بأي شئ

اول مابديت بديت برش الموتر والصنفرهـ من تحت
هذي صوره قبل الرش وباين عليه شوي من الصدأ

وهذي صوره له بعد الرشه والصنفرهـ
ماشاء الله تبارك الله

ومن ثم بديت بمرحلة رفع الموتر
ودبلت السست ركبت سست جمس قديم
ثنتين من كل جهه
وهذي صوره تبين الموتر قبل رفعه

وهذي صوره له بعد الرفع
ماشاء الله تبارك الله

ومن بعدها بدأ الشغل بالتنجيد داخل الموتر
تنجيد الدركسون والأرضيه والطبلون
ماشاء الله تبارك الله

ومن ثم بدأ الشغل بتفصيل خروج على المرتبه من الخلف
وفيها كم سحاب للإستفاده منها لأي غرض خبركم الواحد عفشه واجد
عشان مايبدأ يلفز من وإلا منا يصفط المرتبه ويلقا كل شي وراهـ
ماشاء الله تبارك الله

ومن ثم إنتقلنا لمرحلة تفصيل التانكي للماء وكان تفصيله من الاستان ستيل
مع الجهتين كل جهه فيها 200 لتر تقريبا يعني المجموع 400 لتر ماء
عشان مهوب كل شوي دوّرلك مارد ماء وإلا دوّر لك وايت وعب منه عب بالديره وتوكل على الله
وهذي صوره توضح لكم التوانك مع الجوانب مع الجهتين

ومنها بدأت فكرة إنه ممكن يكون عدم التوازن بالتوانك ويميل الموتر من جهه وممكن يفضي واحد والثاني مليان او فيه نصه
فركبت حنفيتين من تحت لكل وحده له قسام وموصله بالتانكي الثاني بواسطة لي صغير لي "غاز"
هذي صوره للحنفيه تآخذها من عند السباك

وهذي صوره للتوصيل بين التانكيين عشان مرحلة التوازن

ولايكون فيه ميلان بالسياره ولاحظ لي التوصيل رايح للجهه الثانيه

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
لعاب المنايا والبــرفسور	محروم.كوم	منتدى أخبار المواقع والمنتديات العربية والأجنبية	0	02-01-2010 03:30 PM
عزم الموتر ومادراك ماعزم الموتر	محروم.كوم	منتدى أخبار المواقع والمنتديات العربية والأجنبية	0	10-16-2009 12:00 PM
جهزنا الموتر للمقناص نستمع لأرائكم...لعّاب المنايا	محروم.كوم	منتدى أخبار المواقع والمنتديات العربية والأجنبية	0	08-15-2009 11:00 PM
لاندروفر 88 للمقناص	محروم.كوم	منتدى أخبار المواقع والمنتديات العربية والأجنبية	0	06-13-2009 06:30 PM
الله لايهينك اخوي لعاب المنايا(ابوراشد)	محروم.كوم	منتدى أخبار المواقع والمنتديات العربية والأجنبية	0	06-12-2009 08:21 AM