السلام عليكم


كيف حالكم ان شاء الله دوم بخير


ندخل بالموضوع


عندي سلفرادو 2011 مكينة 5.3 دبل كهرب القير 6 غيار (خربت المكينة علي بسبب طرمبة الزيت علقت الزيت وماوصل السبايك ونشفت السبايك ووتكسرت اظريت ابدل مكينه لاني ما اومن بتوضيب الصناعيه


فارحت عند التشاليح ( السكراب ) وخذيت منه مكينه 6.2 ل يوكن دينالي 2008 طبعاً السيارة قص من أمريكا وركبتها على موتري واجهتني مشكلة عند التشغيل نفضه كأن السيار عليها كام رياضي وطلع بسبب صاجة DOD حق نظام توفير الوقود وسوينا برمجة وضبط الريس بس واجهتني مشكله اللي هي لادعست تكتم وتهتز السياره وماتمشي بس لو اوزن الدعسه على خفيف يمشي امانه تحسفت لو مركب 5.3 زي الأولى اصرف لي معى اني ماركبتها الا لمى شفت عزمها في موتر واحد من الشباب الله يبارك له فيه


رحت الصناعيه وفحصنا ماطلع شي مافيه لمبة المكينه من مخي بدلت التالي ( بواجي( بلاكات) + اسلاك ( وايرات )+ بخاخات (انجكترات ) كويلات) تنظيف الثروتل( الدعسه ) بدلت الفيول من 91 الى 95 بس للاسف كلها خسرتني بدون اي فايده بالعكس العزم نزل تحت بعد رحت عند محل بالصناعيه حاول يفحص ساعه كامله اخر شي قال عندك misfire برقم 7 قلت وشو بالضبط قال يابواجي او ( بلاكات) + او اسلاك ( وايرات )+ او بخاخات (انجكترات ) او كويلات) حق رقم 7 بس عشان نتأكد بنبدلها مع رقم واحد ونشوف اذا تغير الكود من 7 الى 1 فا راح نصيد السالفه قلت طيب سوينها وطلعلت النتائج السلندر5 و 6 و 8

بعدين راعي الورشه قالي الله يستر عليك ماعرف علت السياره


كتبت الموضوع اتمنى ألقى الحل