اكثر من 150 بيت من ابداعات اعضاء مكشات قبل 12 سنه

محروم.كوم · #1 07-25-2016, 10:30 PM

اقدم لكم ابداع جماعي فيه مافيه من المعاني التي تتعدى أن تكون كلمات موزونه او شعر مقفى
سعادتي بهذا النص لا توصف واروع مافيه وماحاط بجماليته هو العمل الجماعي والمشاركة
الفاعلة - كنت اريد أن تكون مشاركتي ضمن الموضوع نفسه الا انني وجدته - مغلق -
فطرحت هذه الدرة من مكامن خيمتنا الزاخرة بكل جميل في موضوع - ولعل
مشرفينا الأفاضل يلحقونه بالموضوع الأصلي على الرابط
http://www.mekshat.com/vb/showthread.php?28159-%DE%D5%ED%CF%E5-%E3%E4-%CA%C3%E1%ED%DD-%C7%DA%D6%C7%C1-%E3%DF%D4%C7%CA-gt-gt-gt-%C7%D1%CC%E6-%C7%E1%E3%D4%C7%D1%DF%E5

#gasida_57965a036c773 td {font-family: xx-large Arial;font-weight: bold;} . . نبدا بذكر الله خلاق ما شيف سبحانه المعبود معطي ومنّاع والثانيه منا على غير تحريف أزكى صلاة على النبي هو والأتباع وسلام تابع عدّ واعداد ماصيف في الليل نجماً في فضا الكون سطاع وسلام مني للمكاشيت (تأليف) أهل العلوم الطيبه ويا الأطباع وأهل الفعول الصدق ماهي تناتيف اللي تخاوو بالمكاشيت جمّاع ويامرحباً بمصفف النظم تصفيف تصفيف ريش الطير لا زمّ شلاّع بالي نوو نظم (ن) على غير تكليف يرجون فيه الطيب ومتاع الأسماع ومن قال بيته شرف القاف تشريف شارك بمجهود الشعر وأبدع إبداع شيب وشباب (ن) للمراجل ملاهيف ما عندهم في روحة البر مناع وحبيت أشارك مع رجال(ن) عواريف يوم الشعر جاله شواري وبياع في منتدى مافيه كذب (ن) وتحريف خوة نشامى بالوفا صيتهم ذاع المسفهل والحر والحد للسيف وريف النشاما والشقردي ومرصاع تجمعوا بالطيب كنهم مواليف هذا يجيب العلم وهذاك فزاع وريف النشاما يصرف القاف تصريف يومن خطوا اللاش طقطق بالأصباع ياقلت نبي البر شال التكاليف الطيب منه وفيه ساكن بالأضلاع بأسباب صحبت من كدرهم لنا ريف ربع (ن) نشامى للخوي باعهم باع ووجدي بمكشات(ن)على الصلب وطريف أجدع به هموم (ن) بها القلب ملتاع لا صرت لك في روضة(ن) حدها السيف تلها بها عن مجمع (ن) شين الأوضاع وحولك نشامى مالحق طبعهم حيف ربع حرار والمراجل لهم باع مع شبة تغنيك عن شبت حنيف والدلة المركاة والبن ذعذاع يلقا بها راع المعاميل والكيف شفه ولا هو من عنا الوقت جزاع ويا محلا بالريف مع دلة السيف فوح البهار وفوح زهر (ن) به أنواع مع شبة للنار وزين السواليف وخوة رجال (ن) مايحبون الاطماع لاصرت في وقت(ن) به الهم وتعيف سند على ربع(ن) تنسيك الاوجاع وروّح بنفس ٍ ما دخل جوفها زيف من طيبها تاسع هل القفر والقاع واليا حداك الوقت والنفس عييف ميل على اللي دوم والباب شراع وشوقي لهم مع شبة النار والكيف حيث أنهم أهل المراجل وسبّاع لامن لفاهم زاير(ن) صاروا الضيف وسلام لك يا ذيب مع كل سمّاع وشوقي على البران ما به تكاليف أنسى رصيدي داخل البنك لو ضاع إليا دخلت خيامها بالمساليف تشفق على الأطعاس مع طيب القاع وأيامك إغنمها قبل جمرة الصيف إرتع ومتع ناضرك بين الأوساع بين الفياض وبين حمر(ن) مناييف خذلك بهن سجات عن كل الأوجاع وخل القدم يرقى بعال المشاريف وجر الهجيني جرّ من بين الأضلاع ومد النضرخل العيون المراهيف تسرح مواقيها على ذيك الأصقاع ومد الفراش وشب لك نار كييف للبن الأشقر والعويدي والأتباع وإمل الدلال بصافي البن للضيف والسكري مكنوز لنفوس (ن) وساع وليا شربت البن وستعدل الكيف وزالت هموم(ن) داخل القلب رتاع قم ونحر الهرفي ودن المراهيف وقلط رجال(ن) دربهم درب الاسناع واذا شتهيت لشرحت البال والكيف انهج على الصمان والبر متاع أرض(ن)بها لأهل الوناسه معاطيف وخص الفياض اللي بها السدر ووساع وياشوق قلبي لارقيت المشاريف في ديرة ٍ ما شافت عيون طلاع لاجيتها كني على ريفها ضيف مفجوع من نور المدينه ومرتاع عقب العصير ومال جوه تواصيف البال رايق بين طيره والأرباع وصوت أم سالم شادين بالمناديف لادندنت بالصوت في طا رف القاع ومحلا شبوب النار وزين السواليف بروض(ن) جميل(ن) فيه الأنعام رتّاع بارض (ن) خلاوي مفسد البر ماشيف فيها ولاحوله ردي السنع ساع ولأمسى عليك الليل جنك مناكيف حرش العراقب حايرات(ن) وشباع ذاك الطرب ماهو دنين المعازيف لاحنت العفرى لها القلب جزاع وجالك دررها صافي(ن) بالمغاريف له دنتن بالراس منها الحشى زاع وأحذر تقضي ليلتك بالسواليف نم بأوله ياذيب عن شين الأفناع ولاجاء السحر قم صلى قبل الصواديف لك ركعتين(ن) منوت(ن) يوم الأشفاع وخلك مع اللي دايم (ن) تقري الضيف ويقدمونه لو بهم سوء وجياع ورفيقهم محشوم ما يلحقه حيف ولاهم من اللي ينقل الهرج سماع أطباع ربعي ما بها شك أو زيف أطباع راع الدين للحق تباع وسلومهم الطيب وما هي تكاليف والطيب واجد مير هم زود(ن) بصاع ومع ربعك الغالين خلك لهم شيف أهل القنص والبر والبل له باع دن الدلال ودرهن والمراهيف من قبل لا يظهر سناها والأشعاع وإن كان لك بالقنص نيه وتهييف فخلك لها في آخر الليل فواع وياحادي المقناص لا تقرب الريف القنص له في داخل القلب مرباع تنسى به هموم العباد الملاقيف ويطيب له خاطرك لا صرت فزاع الصيد يطربني بليا تكاليف ارتاح به عن دورة أيام الأوجاع ويا ما حلا صيد القميري ليا شيف ولا القطا أجوال من كل الأنواع في روضة (ن) عنها تقل التواصيف شرق(ن) من الحسنا ومن غرب نطاع ولابعد بين الخشوم المساييف بين السناف وبين سهله ومطلاع سواقنا( ذيب الجبال) المراييف و(السيزو) الصقار للخرب رمّاع هذا كديري بين خضر (ن) مهاديف ومر(ن) قطاة (ن) بين زينات الأتلاع وهذي أرينب ناتقه صابه خيف ليا حام فوقه صافي الريش تباع مع ربع (ن) قروم (ن) من البر والسيف ومكشات يجمعهم على زين الأطباع ناخذ لنا بالقنص طربه على الكيف بين الحباري والضبى فيه دراع هذا نصيده بأشقر الراس ماحيف وهذا نصيده بأشقر الريش مطواع وهذا نرقه رق ربع(ن) مخافيف بين الهلالي والنقى ورمح ملتاع وهذا نختله ختلت الذيب ماشيف لين إننا نزنط خناعه ولو فاع واللي تؤخر حاش نفسه حراشيف لأم الاذان اللي طوال (ن) كما الباع ولا طابت الخطر ولابه حواسيف على بواق (ن) باقية مابها أطماع ظف الزهاب ولفها بالملافيف وسند على ربعه وشلع تشلاع ولا من لفو بعصير شفت الرفاريف متكحلة من صيدهم عدة أنواع وتحدروا مع خايع(ن) بالشغانيف لين أستووى بين المرامث وشكّاع روض(ن) زهاه الله بزين الزخاريف زهرالنفل وخزام وباطيارسِجّاع والجو رايق والنسايم هفايف والربع تعّب من دورهم وجيّاع تطابحوا من فوقهن السناييف هذا يكز الفرش وذياك الأشراع وكل عن الساعد يلف النفانيف تكاتفوا ربع(ن) قروم(ن) وفزّاع وشوي إلا كل شي (ن) مكافيف البن جاهز والقدر كاتمه فاع وكل (ن) من الفنجال خذله مراشيف ومريق بالحبحر منه جن الأدامع والجمر فوقه كمِّ صيخ(ن) مراديف وريش الطيور مّزعينه تمزّاع وعقب الصلاة وكامل الورد تكليف نكب العشى نثري وعنه الدسم ماع صكوا عليه ونهسة العضم أُف أيف أرنب حباري والنحم قمري أسباع ومن عقب سبع (ن)مع ثلاث(ن)مواليف طابت نفوس (ن)للقنص فيه مهزاع توجهوا صوب الحزوم المقاييف الكيف راق وبارق المزن لمّاع والصيد يطلع كل رجال حذيف وعلوم تذهل بالرجاجيل تنذاع والصيد يا أهل الصيد صبر وتصانيف اصبر ترى صبرك على الصيد ما ضاع وان كنت ملهوف ٍ ترى به ملاهيف اخذ الكفايه لا يقولووون طماع وعقب القنص والطير... شوف المساهيف أكمل سعادة للمكاشيت تباّع ولا واهني منهو من البر مريف باله وسيع بشوف راعي ومرياع يكحل عيونه بزين التواصيف ويطرّب الخافق بذربين الاطباع وقالوا تسافر قلت مالي مصاييف مدام بالصمان عشب (ن)ومرباع قالوا تحبه قلت مافيه تزييف حب (ن)قديم (ن)مادخل فيه طماع لوخيروني بين باريس وجنيف لوهي ربيع (ن)دوم في كل الاوضاع أنا مصيفي حول روس المشاليف وعنها شمال شوي للجول تباع وليا ضبطت الكيف بألي مهاديف فنجالها يشفيك لوكنت ملتاع إما زعجت الصوت بين السراجيف والاسوالف يطربن كل سماع وياكاشت (ن)نوصيك حسن التصاريف لاتخلي أمراحك للأثعال لا جاع ربيعنا كنه على حفة طريف هذي المرابع دونكم حالها راع وأحرص تخلي موقعك دايم نظيف لاتحسبنه لك لوحدك وهو مشاع حيث النضافة (شعبة أيمان) ونضيف (عليه حث المصطفى) وأمره مطاع وخل الشغل في كشتتك شغل حريف لا تمرطس الدعوى وتمسون وجّاع والقدر تكفى نظفه حيل بالليف لاتتركه يمرح وعذرك تنقاع وهرفيكم لبّان دون المناصيف وأحرص على اللي بالمراعي وشباع ومذباحكم حيفه بمسحاتكم حيف وظف الفرث والجلد عن مرتع الراع والرز بين البين مكبوس ماحيف نثري على –القولون- سمح (ن)ومرياع وجمع فناجيلك على ساع تخفيف والسفتي والملاس والبيز كم ضاع واحضر معك كيس الزبالة وتغليف لأجل النظافة مالها مثل ياراع ولا تحسبك بالصبح لاقمت حريف تبغى صور للشمس في لحظ مطلاع دن الدلال وشب نارك على جريف وخل الصور بعدين إن كنت سمّاع وإن كان حالك مثل بعض المعاريف فالله يعين العشب على التجضاع ويا مسندي باوصيك وصاة عريّف معْارك الدنيا و ذايق وملتاع بأمور دينك لاتهزك عواصيف لاتترك المله على غير مرجاع وأحفظ صلاتك لاتقيمه على الكيف لابد تعرف حكمها بكل الأوضاع وخلك خلوق (ن)بين الأجواد ياحيف لاتوذي القاطن وكاشت وبياع وأبعد عن اللي فيه رجه وتخريف بعض العرب ماله جوار (ن)وخداع والرجل من راسه علوم المشاريف يمشي عليها مايبيله تتباع وخذ لك على ماقيل قبل التخاليف رحله تمتع في سفرها تمتاع عن كل هم يشغف القلب تشغيف في ذا الزمان اللي به الهم رجّاع وارسم لها خطه وخل التصانيف بين الديار اللي بها الشر ما ذاع شرق وشمال (ن)فوق بيض (ن)مخافيف نمشي على كيف الدريول ولاضاع ومكة بدايت دربها يالعواريف أم البلاد اللي علت فوق الأبقاع اللي بها من كل ضيق (ن)وتعنيف أمن وفرج للروح من كل الأرواع أيام نقضيها بقل المصاريف عمره وخير (ن)في صلاتك والأسباع وتعيش به ذكرى (محمد) على الحيف يومه يرد في محنته صاعهم صاع ومن عقبها ميل على بارق الطيف الشاطئ اللي فيه للشوق مهزاع اللي هديره يطرب العين لاشيف والقاف في جاله حنون (ن)ومطواع سهل (ن)ليان ولمعته لمعة السيف وبين الجز والمد مرجانها شاع جده وينبع والهناء شاهده نيف بأرض المدينه له نسايم وذع ذاع وأبها تحلت أرضها كالشراشيف وفيفا...كماغرو(ن)تجمل بالأرداع ودارك بدراك في خراجك حواريف لتكون للي يمدح الغرب سمّاع وقبل النهايه نشكر العضو والضيف في دارنا دار الكرامه والأسناع ونخص من شارك على غير تكليف واللي تهجس سكة القاف رمّاع أقرب نداء والحر صاروخ كفْ كِيف بذال ابو درع النقى جابها أنواع وراع الكحيله يالهلالي عن الصيف برق الحيا قفى على خير مرجاع وذيب الجبال وهاوي البر ماشيف بريع الذياب موالف الضيم سجّاع والدبلوماسي للقنص به خواطيف وسيع صدره فيه حشره وقع قاع لاكن تكع كع صاب قلبه حواريف يوم(ن)سيزوا جاه معطاب تع تاع قال رهوه شفته مسيّر مع ريف على حضري وطويلب العلم ماطاع لأنه يقول الضيغمي ضفها الشيف عشرين مع سبعه على الخير جماع وأبو فهد راع العزوم المراديف نهار أبو ساره بختري ونعنّاع أقبل عليهم بالفياض المكافيف هوّه وأبو محسن على زين الأصناع جلسة نشامى والدلال المراصيف تجلى صدى قلب من الهم ملتاع خطو العيال اللي بروس المشاريف تشبه حرار الجو وان جات زوُاع في ذعذع قفرٍ من الناس ماحيف مدهال ذيب للتخاتيخ قطاع وختمه سلام بصافي البن للضيف يسوق فنجاله على الخير صنّاع وتمت وصلى الله على خير من شيف اعداد ما غطا الفضاء نور وشعاع .

من بدع كوكبة من اعضاء منتديات مكشات وفي مقدمتهم
المشرف القدير / ريف النشاما - الذي ما وجدت اسمه الا وأجد التميز والحضور المبهر
.................................................. ..............................

دمتم سالمين
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
بيع فخ ذئاب له اكثر من 150 سنه	محروم.كوم	منتدى أخبار المواقع والمنتديات العربية والأجنبية	0	03-14-2014 03:00 PM
الى أدارة مكشات ومشرفين مكشات وأعضاء مكشات .	محروم.كوم	منتدى أخبار المواقع والمنتديات العربية والأجنبية	0	08-27-2012 02:30 AM
بيب بيب بيب بيب مسيره تايم بيب بيب بيب بيب ممكن ترحيب	«••يخفـ♡̷̴̬̩̃̊اٌّلعقول••»	تراحيب وتهاني	12	02-07-2011 07:23 AM
صور العائله من خلال 32 سنه .. سنه وراء سنه	محروم.كوم	منتدى أخبار المواقع والمنتديات العربية والأجنبية	0	03-25-2010 01:30 AM
الله اكبر الله اكبر لا اله الا الله والله اكبر الله اكبر ولله الحمد	محروم.كوم	منتدى أخبار المواقع والمنتديات العربية والأجنبية	0	11-26-2009 10:30 AM