.::"::. قصيده بعنوان -- أعاجيب وعحاب -- .::"::. - .·:*'*:·.استراحات زايــد.·:*'*:·.

.: الـشـامـخ :. · 04-09-2008, 05:08 AM

وشحالكم كلن بحاله ربكم مرتاحين وشحال عربكم رب ما طاحهم باس ..

اول شي اقوووووووله

(( والف الف الف الف الف مبووووووورك لأهل قطر الحبيبه في فوز خليل الشبرمي التميمي بلقب شاعر المليون والله يستاهل ولا هي غريبه عليكم وفالكم بيارق وملاين كنه شعب الامارت الي ربحه لن ربح قطر من ربح دولتنا الحبيبه والف الف الف مبروووك لليمييييييييع ومافيكم حيله ياهل قطر ولا في البقيه قصوووور يشهد ربي ))

والسمووووحه ادري اني مقصر وايد وايد وايد . في حقكم وحق المنتدى بعد لا تلوموني هذا يديدي من بعد توقف بعد مرور اكثر من ثلاث اشهر ..
ان شاء الله تنال على استحسانكم ..

كالعاده ومثل ما عوتكم دائماً ان القصيده مرفقه -- بملف صوتي -- اسفل الصفحه عشان تقرون وتسمعون في نفس الوقت المهم ما بطول عليكم

والله الله بردود دون مجامله اي شي في القصيده او اي خلل علقو عليه انتوا تساعدوني وهذا اسمه انتقاد بناء بعد وخص بذكر اخوي امين اليافعي واي واحد يلاحض شي يقووووله وانا اتقبل بصدر رحب..

اليكم القصيده

احم احم احم

يقول ابو شهاب الله يطول بعماركم

-_-_-_-_-_-

( أعاجيب وعجاب )

يازين أنته من أعاجيب وعـــجــاب
من يوم شفتك صار قلبي يــتــوقـي

يتوق توق الحر في سيح وهضاب
متفرد ٍ يازين حسنك يـــفـــوقــــــي

أنته مكان الــبــدر لا راح أو غـاب
محد ٍ بدالك في مكانه يــلـــوقــــــي

ولحد ٍ وصل قربك حبيبي ولا هاب
يهاب من حسن ٍ تجـــمــع وذوقــي

يكفي بإنك حلو مـــزيـــون جـــذاب
تسلب عقول الناس ولك الحقـوقي

لنك سلبت الـــعــقـل مني والسباب
أرموش تذبح فــي فـــوادي تبوقي

الحسن كله فيك ماضـــن قــد خـاب
ما خاب شي ٍ فيك هذا صــــدوقــي

لنه أبد ما صار مثلك ولا نـــجــاب
تلعب بكيفك في خواطر حــفـــوقي

وماضن قلبي في محبتك هـو تـاب
حتى ولو زاد أبجنوني وعـــوقــي

تبقى القريب وباقي الناس أغراب
يالله عسى هالعمر لجلك يســوقــي

شوفتك هيه تجلي أهموم وتــعـاب
يالي جبينك مثل لــمـــع الــبـروقي

ويازين أنته من أعاجيب وعـجـاب
ومن بعد ذاك اليوم قلبي يتوقــــي

الشاعر : أحمد هادف الدرعي .

_-_-_-_-_

وسواااالم

وهذا الملف الصوووتي

أضغط هــــنــا

~~سفيرة المشاعر~~ · 04-09-2008, 10:20 AM

تبقى القريب وباقي الناس أغراب
يالله عسى هالعمر لجلك يســوقــي

نحن بخير دام اعضاء محروم بخير وعافيه

ويستاهلون هل قطر الفووووووووز

وصح السانك يالشاعر وماعليك زووووووووووووووود ونتريا كل يديد من صوبك يالخوي

*نظره مني تسدك* · 04-09-2008, 11:38 AM

عليييييكم السلام ورحمه الله وبركاته

بخيييييييير يعلك الخييير ومن صووبك الشيخ؟

ومبرووووك لأهل قطر سوووووها ويستاهلوون مع اني كنت بغيت الكعبي بس يالله دااامه خليل هو اللي شل البيرق في ذمتيه يستاهل^^

وبعد المقدمه

وماضن قلبي في محبتك هـو تـاب
حتى ولو زاد أبجنوني وعـــوقــي

تبقى القريب وباقي الناس أغراب
يالله عسى هالعمر لجلك يســوقــي

يســــــــــــــــــــوقي
سلامي عليييييييييك يالشامخ في ذمتيه ما فيك حيله ابدعت امرررره
كلمات من اروووع ما كتبت
أشكر فنك ع الأبدااااع المستمر هب غريبه عليك
تقبل مروري المتواضع اختك
نظره مني تسدك^^

اميـ اليافعي ـن · 04-09-2008, 12:15 PM

للحجز ...

:
.

هزيم الشوق · 04-09-2008, 01:08 PM

تسلم اخوي الشامخ ع القصيد الحلوه
ويعطيك الف عافيـــــــــــــــــــــــــــــه

ж شـمـوخ عـراقـيـه ж · 04-09-2008, 01:33 PM

اقتباس:

م
.
ح
.
ج
.
و
.
ز
.

وعليك السلام والرحمه

الحمد لله بخير يسرك الحال .. ومن صوبك؟

عسآآآك الا بخير وعآآآفيه؟

يا حي الدرعي يا حيه .. ولكم بآآآك خوي منور الايترآآحه بردتك

وألف ألف مبرووووووووووك لأهل قطر

وعقبآآآلك أن شاء الله ^_^

.
.

صرآآآحه يالشآآمخ أنا من المعجبين بكَصايدك

واليوم أشوفك يايب كَصيده غزليه ..^^"

روعه روعه روعه يالدرعي .. أبدعت فـ التشبيه

والكلمات خآآآرجه من قلب محب وصآآآفي

دومك مبدع وهالشي هب يديد عليك ما شاء الله خوي

يعل عيني بآآآدره عليك ,.

وهالبيت وآآيد عيبنيه .. ~

اقتباس:

يكفي بإنك حلو مـــزيـــون جـــذاب
تسلب عقول الناس ولك الحقـوقي

^
^
.
.
أحم أحم ,. أكيد هذي أنا الي تسلب عقول النآآس << تحلم البنت ..خخخ

يعطيك ألف عآآفيه خوي الشآآمخ ومهما كتبت ما أوفي حقك

أترقب يديدك ., لا تحرمنه منه

والسموحه جآآآن بدر منيه قصور

مودتي وأحترآآآآمي

أخٍـٍتٍـٍكٍـٍمٍ

ж شـمـوخ عـراقـيـه ж

مدمن الرووومنســـــــــيه · 04-09-2008, 02:39 PM

وعليك السلام والرحمه

كشخه ومن صوبك ؟

صح السانك الشيخ وماشاءالله عليك

دومك مبدعـــــ × مبدعـــــ

وربيه يحفظك دوووووم

داعمة دورية · 04-09-2008, 02:49 PM

وعليكم السلام ورحمة الله وبركاته

يسرك الحال يالشامخ .؟.

يستاهلون هل قطر ومن ابداع الي ابداع

يبارك بعمرك الشيخ

يامرحبا بك بينا واشتقنا حق جواهرك الثمينة

لك مني

تحية اخاء وصداقه قبل التعقيب

صح لسانك وعلا شانك ولاهنت

قصيدة رائعه من شاعر رائع ومتمكن بالشعر

وقصيدة شامخه من شاعر شامخ

وفي نسله الشموخ والعزة

أخي الشامخ

رائع في نثر شوقك وحزنك وحبك
على السطور

مشرقه هي روحك

عندما تبوح

حظور متميز

ابداع كما عهدناك

دائمآ متميز

نص شامخ

من شاعر شامخ

وبنسبة للملف الصوتي

/
\

قمــة ٌ الإبـــداااع ٌ إخوي ٌ

ماشاء الله على إحساسكـ ٌ الراقي

اخي الكريم الشامخ

اشكرك على عودتك المتالقة بعد غياب

لك كل التحية والاعجاب

صح السانك

وتسلم يمينك

ولاتحرمنا جديدك

مشاء الله عليك يالشامخ

ابداعك فوق القمم:::..

لاتحاول من انك توقف ابداعاتك الشعريه

دمت بسعادة

اجمل الامنيات

من سيدة الامنيات

اختك

داعمة دورية

.: الـشـامـخ :. · 04-09-2008, 03:11 PM

اقتباس:

المشاركة الأصلية كتبت بواسطة سفيرة المشاعر

تبقى القريب وباقي الناس أغراب
يالله عسى هالعمر لجلك يســوقــي

نحن بخير دام اعضاء محروم بخير وعافيه

ويستاهلون هل قطر الفووووووووز

وصح السانك يالشاعر وماعليك زووووووووووووووود ونتريا كل يديد من صوبك يالخوي

هلااااااابج زوووووود

صح بدنج وربي لاهنتي على المرور الغاوي

تحياتي لج

@@@ أخوج @@@

.: الـشـامـخ :. · 04-09-2008, 03:20 PM

اقتباس:

المشاركة الأصلية كتبت بواسطة *نظره مني تسدك*

عليييييكم السلام ورحمه الله وبركاته

بخيييييييير يعلك الخييير ومن صووبك الشيخ؟

ومبرووووك لأهل قطر سوووووها ويستاهلوون مع اني كنت بغيت الكعبي بس يالله دااامه خليل هو اللي شل البيرق في ذمتيه يستاهل^^

وبعد المقدمه

وماضن قلبي في محبتك هـو تـاب
حتى ولو زاد أبجنوني وعـــوقــي

تبقى القريب وباقي الناس أغراب
يالله عسى هالعمر لجلك يســوقــي

يســــــــــــــــــــوقي
سلامي عليييييييييك يالشامخ في ذمتيه ما فيك حيله ابدعت امرررره
كلمات من اروووع ما كتبت
أشكر فنك ع الأبدااااع المستمر هب غريبه عليك
تقبل مروري المتواضع اختك
نظره مني تسدك^^

هلاااااااااااابج زوووود

يستاهلون اهل قطر

صح بدنج وربي لاهنتي الابداع ردج حبووووبه

وتحياتي لج

@@@ أخوج @@@