|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم الينا
#1
| ||
| ||
السلام عليكم ورحمة الله وبركاته ايه المكشاتيه الله يسعد اوقاتكم بالمسرات هذي سويليفه اتمنى ان تنال بعض استحسانكم بيوم من الايام وقت الظهر قاعدٍ لي بظلال نخله ومعي بندق طقاق وفيه من يسميها ساكتون وفيه اللي يقول هوائيه واللي يقول ام صتمه ولو طالت المهم جالس اتصيد دخل بهالنخل وخذان النوم وغطيت وخذ حلوم وختاريش عاد مانيب قايل لكم وش ختاريشي اخاف تضحكون علي وعقب جوله مع الختاريش صحيت والى والله ما اقدر اتحرك من بطني صار تقل صبه ! تدرون ليش انا اقولكم تخبرون من اول اذا بغينا نتصيد ناخذ فشق الساكتون ونحط بفامنا حول عشر او اكثر حسب كبر الافم , انا ما خليت هالعاده وحاط بفمي فشق وغشان النوم ويم نمت تدحدر الفشق مع الحلق وعلى طول بالبطن وهذا اللي خل بطني تقل صبه عاد وش سويت صراحه بغيت اروح للمستشفى واسوي غسيل معده بس فضيحه وش اقولهم ؟ اقولهم في بطني فشق يبي يقولون وش هالشايب الخبل اللي جاينا بهالقوايل وفي بطنه رصاص بزر هو وحنا فاضين لخبال الشيبان قلت لنفسي بلاش من المستشفى كله ياولد سو لنفسك غسيل معده من حالك فعلا رحت للبيت ودورت شي ماتحبه نفسي وحطيته بفمي وتمت العمليه بنجاح لكن اعتقد ان فيه فشقه عصت وعنّدت وراحت في غياهب البطن الى يومنا هذا . وسلامتكم انتهت السالفه غفر الله لي ولكم وتقبلوا من محبك اعذب تحيه النبهاني |
مواقع النشر (المفضلة) |
| |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
النبهاني والزراعه | محروم.كوم | منتدى أخبار المواقع والمنتديات العربية والأجنبية | 0 | 06-08-2015 04:10 PM |
لغز السحور...........التعزيز...........حله:النبهاني | محروم.كوم | منتدى أخبار المواقع والمنتديات العربية والأجنبية | 0 | 08-06-2013 05:00 AM |
سالفة الضبعه .. النبهاني | محروم.كوم | منتدى أخبار المواقع والمنتديات العربية والأجنبية | 0 | 07-04-2013 12:40 AM |
₪ ₪ ... الفيتو والطير الكلاسيكي وسالفته مع الصقار الغربي ... ₪ ₪ | محروم.كوم | منتدى أخبار المواقع والمنتديات العربية والأجنبية | 0 | 09-02-2009 11:50 PM |
₪ ₪ ... الفيتو والطير الكلاسيكي وسالفته مع الصقار الغربي ... ₪ ₪ | محروم.كوم | منتدى أخبار المواقع والمنتديات العربية والأجنبية | 0 | 09-02-2009 11:30 PM |