سحاب-والبر بالوالدين تكفون لا تخلونهم

محروم.كوم · #1 06-03-2016, 12:51 PM

قريت عن شايب عاقينه عياله
وهو بهذا العمر يحتاج للرعايه وحق على عياله يوفون دينه في تعبه في تربيتهم وشقاه في سنينه وهو يخاف ينقصهم شي وتاليتها يوم كبرو وتزوجو وصار لكل واحد بيت بالحاله
صارو كلن يتعذر من رعايته بعذار مثل وجيههم الي يقول اعمالي والي يقول مشاريعي والي تقوله زوجته لا تجيبه عندنا ويتعبنا برعايته ويقطعنا من الروحات والجيات

الله وكبر بس مادرو ان بر الوالدين دين عليهم ويبي يشوفونه من عيالهم
مادرو ان رضا الله من رضا الوالدين
وين راحت ولا تقل لهم اف ولا تنهرهما -تعدو مراحلها وصارو يتعذرون من رعايته ولا يبونه

وضاق صدري انا بالحيل منذا السالفه ودمعت عيني وبس هذي تاليتها يالدنيا

وقلت لي بيتين

الشايب الي مايبونه عياله
من كبر سنه كلهم عايفينه
جعل الظنامايدرج الساق فاله
جزاك يالجاحدتذوق الغبينه
سحاب نجد

الله الله في بر الوالدين طيعوشوري يالي والدينه موجودين او احد منهم لا اوصيكم تشيلونهم في عيونكم تراهم مايتكررون في الدنيا
ون شفتو منهم شين النفس تحملوهم ترا الدنيا متعبتهم
وهذي بيتين من قصيده طويله لي

ولخطاك شايب قد مضا عمره سنين
فعرف جراله من سنينه مخزه
يالله شاب الراس من نايح البين
سحاب نجد وطالبك لا تلزه

سحاب نجد

امك وبوك وش عذرك عند ربك

ياويلهم من ربهم الي والديهم موجودين وياخذ له ايام ماشافهم ولا يقضي حوايجهم
خل اعلمكم تراهم تضيق صدورهم منكم وتدمع عيونهم الا ابطوماشافوكم وصدقوني مهمب معلمينك يخافون تضيق صدوركم لازال العطا منهم
وكثر تغير العيال من زوجاتهم ومن قل المراجل فيهم خلوني معكم صريح والي مايبر والديه مهوب رجال صدقوني

والزوجه الي ماتحثك على بريره والديك تراها تبي تعقك الا كبرتا وعيالك يعقونك

اللهم اني بلغت اللهم فشهد

وكلن يشوف الدرب وعقله دليله
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
[ مخطوطة ] و بالوالدين احسانا - من تصميمي	محروم.كوم	منتدى أخبار المواقع والمنتديات العربية والأجنبية	0	02-15-2014 10:00 PM
سحاب نجد - تعالو تكفون ودي اسولف عليكم	محروم.كوم	منتدى أخبار المواقع والمنتديات العربية والأجنبية	0	05-08-2013 03:00 AM
سحاب x سحاب رحلتي الى الطائف والباحة وابلجرشي الموافق 18\19\20\\6\1433ه	محروم.كوم	منتدى أخبار المواقع والمنتديات العربية والأجنبية	0	05-18-2012 01:10 AM
البر بالوالدين	محروم.كوم	منتدى أخبار المواقع والمنتديات العربية والأجنبية	0	09-02-2009 03:20 AM
طلب تحرير فيديو عن البر بالوالدين لكن فيه موسيقى	محروم.كوم	منتدى أخبار المواقع والمنتديات العربية والأجنبية	0	05-01-2009 07:00 PM