البارحه ونيت من ضيقت البال

راعي النيسان 97 · #1 05-26-2016, 01:36 PM

البارحه ونيت من ضيقت البال
ونت كسير(ن)ماتجبر كسوره
ياوجد حالي وجد يابعض الامال
تموت فيها نفس كانت غيوره
ماني بمحطوطن على الزرع مخيال
من شان أجفل عن حصاده طيوره
ومن عال مايسلم من الناس لاعال
وكل(ن)على سلمه يسيس قصوره
وماكل رجل(ن)لابسن ثوب وعقال
بناء على درب المراجل جسوره
وماكل رجل(ن) قال يافي بالقوال
كم واحدن موفا الفعل دق زوره
وسلم العرب ماهم هندي وبنقال
ناسآ بسلم ديارها ومعذوره
مايكيف الهندي مهيل بفنجال
كيفه هو الفلفل عشاه وفطوره
مجالس(ن)لاهل المروات مدهال
ومجالسآ من فعل أهلها مهجوره
ولو ماخلق ناسآ خسيسآ ونذال
ماصار به بالطيب ناس مخبوره
والرجل زينه بالرجوله ولافعال
ماهو بالبسه والجمال وعطوره
ولاهو بشكل ولاثقافه ولامال
ياللي تحسب المرجله لعب كوره
وناسآ ضعيفه ماتحمل للاثقال
وناسآ على جور الليالي صبوره

وجيل(ن)فنا ماشاف موتر وجوال
ومن الحجر والطين بنا قصوره
وحدن قضى عمره تحت في وظلال
وحدن تغيب في حياته سروره
والموت قاف العمر لو العمر طال
لابد من يومآ يجيه ويزوره
ومارتآ ماهي على كف خيال
زرعآ توفا من بدا في بذوره
ومايدوم ستر اللي بالفعال دجال
لو طال ستره بين الله فجوره
والناس كل(ن)له مكانه ومنزال
والرجل يعرف في نهار الضروره
والشمس تجري والقمر يرجع هلال
وتطلع لو انه يحجب الليل نوره
اليوم كل(ن)قال أنا طيب الفال
في هالزمان اللي تزايد دبوره
والفرق بين الناس ماهو بالازوال
والطيبه ماهي لناس محصوره
والشعر كل(ن)فيه غنا باموال
كل(ن)يقول أنا بخيصآ باموره
باعوه في درهم وباعوه بريال
وقطفت على شان الدراهم زهوره
حتى بحوره غاصها السايق أقبال
وطا بقفره يوم سابت أقفوره
زرعآ من الراعي تقافاه الاهمال
يبست قبل حزت حصاده اجذوره
ماهو شعر هم ومشاكل وغربال
ونفسآ من هموم الليال محشوره
اللي يقوله تقل به جن وهبال
محلقآ دقنه وماشط شعوره
لاقام في يمناه يومي بالمثال
وعبر دروبآ عوج ماهي معبوره
مايستحي لو شاف بالعين عقال
ماهتم بالعيب ورداه وقصوره
ياللي تشوف الناس بالعين جهال
الرجل له قيمه وشيمه وعوره
كل(ن)يقول اني ولد ناسآ أبطال
لو ان نفسه من رداه محروره
عادك بسن الجهل ما انته برجال
وحنا نترفع عن جدال البزوره
خذها على جسمك كما الثوب تفصال
وحلل على أراحه معاني سطوره
ادري لفيت ومثل ماقيل مرسال
لكن خذ مع من خذا قبل دوره
ولو الهواء يصفق صفق حيد وجبال
ولاثر عليها بقوته مع مروره __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
يارب ساعدني على ضيقة البال***اللي على طول الزمن رافقتني	محروم.كوم	منتدى أخبار المواقع والمنتديات العربية والأجنبية	0	07-04-2013 11:00 AM
البارحه من ضيقة الصدر ياحمود	محروم.كوم	منتدى أخبار المواقع والمنتديات العربية والأجنبية	0	01-10-2013 05:40 AM
ضيقة ورى ضيقة ( جديد الهآجس 2011 )	الهآجس	شعر و خواطر	12	06-09-2012 05:14 AM
البارحه فكره على البال طنّت ( جديد )	محروم.كوم	منتدى أخبار المواقع والمنتديات العربية والأجنبية	0	10-02-2011 08:50 AM
[ شرح ] : برنامج الى صلاتي كاملا مع الشرح التام التام	محروم.كوم	منتدى أخبار المواقع والمنتديات العربية والأجنبية	0	08-20-2009 09:29 AM