§¤°~®~°¤§عباة عليها عقرب§¤°~®~°¤§
عجب عجاب من اللي تشوفه عيوني هذي الأيام. عجب عجاب من اللي أسمعه، ومن واقع نعيشه. عجب عجاب إن الستر انرفع، وإن الحيا عبر بدعوى التمدن والتحضر والتكشخ. العباة اللي خانتها تستر وتغطي جسم الحرمة تحولت بفعل فاعل إلى فستان وتنوره وقميص! لا وبعد الله يستر لا تكون “بادي”.
الوحدة لابسة العباة جنها لابسة خريطة وربيعتها مستانسة على بيتين الشعر المشخوطات على عباتها، وهذيج كااتبة “فديتني من قدني”، وهذيج حاطة صورة واحد من الشيوخ عز الله الشيوخ عن هذي الأشكال ، لا وآخر عباه طاحت في الاسواق عباة مرسوم عليها عقرب “مارورم اقول ياللدغ”. والمشكلة ما تنحط هذي الصور أو الكلام إلا في أماكن “محددة” و”بارزة” عشان يحلو الشغل.
عجب عجاب يوم نسمع عن المناداة بحرية المرأة، لكن العجب إن المرأة هي تهضم حقوق خويتها الحرمة، والريال أول الملبين والمغيثين لها، والواقع أكبر دليل.
عجب عجاب أن نعيش بواقع مر ودنيا أليمة تعودنا على الحزن وإنه باجر غير: هذا يدعي، وهذي تصارخ، والأخ يسرق أخوه، وأم توز ولدها على كره أبوه، والأسرة صارت مفككة. الله يعين لا يتحول إلى مجتمع مفكك.
عجب عجاب إذا نحن نجاهر هذا العالم ونقول لهم: نحنا مب إرهابيين، ونحنا مب متخلفين، ونحنا مسلمين. لكن إذا شفنا مشاهد ذبح وقتل وهدم وتدمير، أو مشاهد طوفان وزلازل وبراكين، وسألنا طفل بريء: باباه! هذيل عندنا؟ نرد عليه بكل برود: لا، هذيل مب مسلمين، أو هذيل مب من مذهبنا يا ولدي! نفاد ينفدهم. يا ترى صدق ألحينه منوه الإرهابي؟.
عجب عجاب إذا البنت طلعت للعالم وتعرفت على كمن واحد برا عايلتها وطلبت إنه يكون أخوها… عجيب فعلاً، لهذي الدرجة بنت مجتمعنا متعطشة للكلمة هذي؟ والأعجب إن الأخو يرضى يكون سند لغير خواته ويقصر عليهن حتى بكلمة “أختي“.
والله فعلاً عجب عجاب إذا أنت كاتب ومثقف وواع، لكن الدنيا غررت بك، وثقافتك لعبت بك، وصرت تقلب الموازين، وتخلي من نفسك أسطورة، وتحارب وترفع خشمك، وتعند على الغلط، وتهاجم وتسخط، وتغير هدفك، ومسعاك الأصلي تغير… شو اللي بغيته من ورا قلمك؟ اغتريت بعمرك يوم أنسبق اسمك بكلمة “كاتب”.
العجيب أنك ترفع لافتة “عش رجبا ترى عجبا” فتكتب وتعيش هموم غيرك، لكن فجأة القلم يخونك، والمخ يصيبه عقم من إنتاج الأفكار، ومرات بسبة تصارع هذي الأفكار في راسك لدرجة إنه بينفجر، فيصيبك نوع من الرهاب اللي يحبطك ويكبلك ويخليك تطلّق المقالات بالثلاث،ويمكن هذا هو الحل الأمثل
الإهداءات
« آخـــر الـــمـــشـــاركــــات »
04-01-2008, 12:25 PM
عباة عليها عقرب 
اختر لون صفحتك
سيتم
سحب ألقاب المجموعات التاليه (عضو مميز + مشرف مميز) وسيتم اختيار أعضاء جدد في
كل اول شهر سيتم طرح التفاصيل قريبــاً.
تم
إلغاء مجموعة التاجر وتم افتتاح باب استراحة البيع والشراء للجميع وتم تعين ]] مغروره الجمال وعمه [[
مشرفة على
الاستراحة نتمنى للجميع حظاً موقفاً.
كم
عدد أبناء الشيخ زايد بن سلطان أل نهيان رحمه الله ؟
العرض العادي
