][ سحرني بجماله صافي الخد ][

السلام عليكم

شحالكم و اخباركم؟

العلوم؟ العونه ؟

بسيط من شعري المتجدد

أهداء لذوات حبة الخال ..

هههه يعني الي تشوف انها

نفس وصف القصيدة تغلطها

على عمرها من دون اذن

و تعتبر انها هي المكتوبه فيها.


سحـــــرني بجماله صافي الخــد
محلــــى شفاته و حبـــة الخــال

ملكني بـــــوصلة و صافي الود
عمره مـــــا اتعبني وكدر الحال

حشـــــى ماله مثيــل و لا له ند
مســـــفر شروا البـدر لا الهلال

صـــــافي النسل من أب و يـــد
معتـــــلي الكرامه عمه والخال

يوم صافحـــــته يا منعم اليـــد
تعرف منها فـــي مرباه الدلال

يوم زقــــرته لف جداي و رد
لبيــه لبالي بصــوت مب عال

قلتله تــرا مايـــنافسك ابد حد
لا في قلــبي و لا حتـــى فبـال

عديت ابيــــات وشو فيه بعد
لو أزيد مـدحه ضرب الأمثال

في بعدك الشوق خي ما رقد
قلتــــها و قال صــح من قال

يوم شاف عيني قلبه ارتعــد
عرف ان قولي مامش هزال