| ||||||
 |
| | LinkBack | أدوات الموضوع | انواع عرض الموضوع |
|
#1
07-19-2009, 07:30 PM
| ||
| ||
 إذا مشيت بالشارع يوم من الأيام … وشفت سياره تكسي صفرا
__DEFINE_LIKE_SHARE__
من جوا ضو أزرق … وسي دي معلق على المراي … وجواتها شب مربي سكسوكه ولابس بنطلون كونز ومعبي السيارة من برا تعليقات وملصقات … فأنت تسير في شوارع الأردن إذا كنت واقف على الإشارة ولما تصير صفرا بتسمع سبعين واحد بيزمرو وراك …. فأنت في الأردن إذا كنت ماشي وعلى بعد 200 متر إشارة خضرا .. وشفت كل السيارات بتتجاوز عنك عن اليمين .. عن الشمال … مش فارقه .. المهم يلحقوا الإشارة خضرا …. بتكون في الأردن إذا دخلت أي دائرة حكومية وشفت الموظف قاعد ماد بوزه ومكشر ووجهه فلتبتسم لانك في إحدى الدوائر الحكومية في الأردن اذا سمعت الحوار التالي - ألو - ألو - مرحبا - هلا .. هلا - كيف الحال - والله الحمد لله … انت شو أخبارك - تمام الله يسلمك - شو فيه ما فيه - والله صافيه وافيه .. مين معي - انت الطالب .. مين حضرتك - مش تليفون ابو غازي - لا يا خوي النمره غلط - آه … حقك علي يابه - ولا يهمك .. كسبنا سماع هالصوت - يا سيدي الله يحي اصلك .. من وين انت - انا من الملاطشه - هاظا احنا قرايب - يا سيدي حياك الله … مع السلامه - هلا .. هلا .. الله معك طبعا اذا سمعت مثل كل هذا الحوار … والنمره غلط … فأنت أكيد في الاردن اذا كنت تتحدث مع شخص عن أسعار الاراضي … وقالك انه الأرض الفلانيه اللي بعبدون كانت لجده وكان يزرع فيها بندوره وفقوس .. وباعها بثلاثمية ليره بالستينات … فأنت اكيد في الاردن اذا كنت ماشي بالشارع … وشفت واحد بيجح بخلقتك .. هيك بدون سبب … لا هو مسلِم .. ولا هو مبتسم لك … بس بيجح كانك قاتل ابوه …. فانت ماشي في الاردن اذا رن عليك واحد مش شايفه صار لك عشرطعشر سنه … وساعه وهو يسلم عليك ويمدح فيك وآخر اشي سألك : بالله وين محول راتبك …. اكيد بتكون بالاردن اذا كنت قاعد بمكان عام … وكل اللي حواليك ماسكين موبايلاتهم وسمعت .. " بالله شغل البلوتوث .. بدي أبعث لك شغله طقع " … بتكون بالاردن اذا سمعت كلمة صافيه وافيه … وهي لا صافيه ولا وافيه .. بتكون بالاردن اذا شفت بكم ديانا موديل الف وتسعميه وخشبه محمل بندوره والشوفير شاد الشماغ على راسه ومش شايف لا شمال ولا يمين .. ويا أرض اشتدي ما عليكي أدي .. بدي أسبق كل التكاسي .. بتكون بالاردن اذا الدنيا رشت شوية بَرَد …ووزارة التربية علَقت الدراسه .. والحكومة اعلنت عطلة رسمية بسبب خوفها من الثلج الغادر .. والتلفزيون بث مسرحية العيال كبرت …. معناته انت كمان بالاردن اذا شفت الجو ..هَه .. برشرش ثلج والناس بتقدر تركظ عالخبز والكاز بس ما بتقدر تروح تداوم … برضه بتكون بالاردن وبالرغم من كل اللي بالأردن بنضل نحكي …. ومن قلوبنا … شو حلوه يا بلدي إذا بيوم من الأيام حضرت عرس ...... ونزلت الشباب عالدبكة وبلش العرق يزرب.... وحميت مع أبواسماعين (رقيب متقاعد) وسحب الكلاشنكوف وطررررررر.... بلش طخ عن جنب وطرف وهو برقص وبدبك ... وسقط ثلاث شهداء من جراء القصف العشوائي ......... ابتسم أنت في الأردن.. قاعد بتحضر عرس أردني ........... إذا تجوزت ... والناس واقفيتلك عالمسطرة بتستنا أسبوع العسل لما يخلص عشان يفيعو عليك ويهجموا هجمة رجل واحد.. وكل واحد فايت يا جيبلك طقم فناجين قهوة.... يا صينية........ وبالآخر بتحوشلك سبعطعشر طقم قهوة وخمسطعشر صينية واستنا مناسبات عشان ترجعها لصحابها... بتكون بتمارس واجباتك الاجتماعية بالأردن.. قحمش انت بالاردن.. إذا فتت إنت ومرتك أو خطيبتك أو صاحبك على قهوة وأجتك المنيو....... القهوة بليرة.. الميلك شيك أبوفراولة بليرتين.. وحضرتك طلبتهم...... شو ثلاثليرات.. ولا إشي ولما أجت الفاتورة ولا هي بقدرة قادر خمس ليرات وثلاثين قرش... كيف ما بتعرف ابتسم أنت بتمارس الرفاهية في الأردن ..... إذا كنت قاعد على مكتبك بوظيفتك... وكل المراجعين اللي أجوك طلعوا يا قرايبك يا نسايبك يا مخاولك (سوم هاو ) وكل واحد الا بيسألك بتعرف فلان الفلاني... هذا إبن عم جدتها لبنت عم مرة أخوي اللزم... هاتلك بوسة يا زلمه... اممممموا... امممممممممممموا ....... ابتسم فأنت فيالأردن. إذا كنت ماشي بسيارتك مستعجل بدك تلحق موعد.... ولا الشارع مليان سيارات عن اليمين والشمال....... إمشي .. إمشي والسير يالله ماشي... فجأة بتشوف هالسيارة المزينة... وكلها ورد وشبر.... والعريس النظوة حاط نيوترال وداحل..... وليش السير واقف.. لإنه كل واحد منالمحترمين اللي بالفارده بده يوقف خمس دقايق جنب سيارة العروس وينظر النظرة الأخيرة عالعروس ... هنيال ابوها... إذا صار معك مثل هالموقف مش تبتسم بس... اضحك واقلب على ظهرك... إنت بالأردن يا عمي ... إذا كنت بصلاة الجمعة... كلك إيمان وخشوع بعد الخطبة المؤثرة.. والإمام صوته ما شاءالله.. بيدغدغ القلوب.... وأول ما يسلم الإمام وخلصت الصلاة سمعت : أحمر يازر البندورة... ليرة البوكسه ليره " أصابيع البوبو ياخيااااااااااااااااااااا ااااااار...أ ربعه كيلو بليره....يالله يالله " عالسكين يا بطييييييييييييييييييخ........أحمر أحمر يا بوقرعه"... ابتسم وقحمش ويلعن ابو القحمشة وخلي طواحينك يبينو.... إنت على باب جامع بالأردن اي استفسار عن المفردات انا جاهز """"" للفكاهة فقط """""  |
|
| مواقع النشر (المفضلة) |
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| [ تبادل اعلاني ] : مع فله قيمز www.f-lh.net | محروم.كوم | منتدى أخبار المواقع والمنتديات العربية والأجنبية | 0 | 08-10-2009 07:50 AM |
| ابتسم انت في الأردن .... قحمش | محروم.كوم | منتدى أخبار المواقع والمنتديات العربية والأجنبية | 0 | 07-19-2009 07:40 PM |
| ابتسم انت في الأردن .... قحمش | محروم.كوم | منتدى أخبار المواقع والمنتديات العربية والأجنبية | 0 | 07-19-2009 07:20 PM |
| [ تبادل اعلاني ] : مع فله قيمز www.f-lh.net | محروم.كوم | منتدى أخبار المواقع والمنتديات العربية والأجنبية | 0 | 06-06-2009 11:50 PM |
| قحمش .. انت بالاردن | محروم.كوم | منتدى أخبار المواقع والمنتديات العربية والأجنبية | 0 | 05-11-2009 12:50 AM |
الساعة الآن 05:45 AM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227