ماكل مايقرا ينقل وما كل مايكتب صحيح
أما أن نرقى بقسم الشعر النبطي خاصه
بمنتديات محروم أو ياعلها للزوال بدون معنى الزوال للمعاني مو تفسرونها لشي ثاني
لمن قلت والله من وراء القصد
فوالله ماجيت الى عقب ماشفت شي ماتمنيته ينتشر فبنظري انه يستحق نوقف عليه ولو للاطلاع بدوء مانبدي رأينا عليه
ان كان للمنفعه فياهلا ومرحبا فيها
وان كان للخراب او اثارة النعرات فربي يرد كيد من اراد هالبلبله بنحره
واقدم لكم قصيدتين أهديها لكل محب أن يسمعها ويأخذ مابها من معاني جميبله
وصدق الفرزدق لمن قال
وما الناس بالناس الذين عهدتهم $$ولا الدار بالدار التي كنت تعرف
وصدق أمري القيس يوم قال :
وقوفا بها صحبى على مطيهم $$ يقولون لا تهلك اسى و تجمل
 |
|
 |
|
هذي قصيده للشاعر مفرح بن عبدالله السبيعي
ومن المعروف أن قبائل سبيعه الكرام موطنهم دول مجلس التعاون أنشأ هذه القصيده بأسم ماكنتوش
أولاً قصيدة الشاعر /علي بن ربح السبيعي
الا ياهجوسي حضـري فكـر ماكنتـوش$$من الذاكره والا من اللي يكـن الجـاش
توارد بفكـري ورد عـدٍ ورده طـروش$$مادام القريحه صافيه والهجوس عطـاش
انضم بيوت الشعروافخر بهـا واشـوش$$ثمنها بها واتعب عليهـا مهيـب بـلاش
اليامنها جاشت بوسط الضمايـر جـوش$$تلعلع بسماعات صوت اجهـزة هيتـاش
على الذبذبه ماهيب تحتاج نصب دشوش$$صحا فكرها لامن فكـر الفطيـن أنـداش
ويامدعيـن المعرفـه معرفتكـم كـوش$$مادام أن راس الشوك تحت ابرة المنقاش
الاياقلـم سطـر لنـا خطـك المنقـوش$$مثل نقش حنا في كفوفٍ تقـول قمـاش
على الطرس الابيض وانقد العرف قروش$$ولايستريح البال حتـى مليـت الـداش
يقع لاتركت القافيـه عضمهـا معـروش$$مثل راس ضبياً يابسٍ مـاوراه عـراش
نديبي على إللي من صناعة جماعة بوش$$جديـدٍ مديلـه والمكينـه لهـا نشنـاش
حديده من أصله مابعد لمسـه الشكـوش$$ولاطقـه السكـراب ومهندسيـن وراش
على دقتك لسلف دوبك تنوشـه نـوش$$واليالفة البنيون أسـرع مـن الرمـاش
تنضم مسير الكهربـاء دورة الشاكـوش$$وتولاه شغموماً صبورٍ علـى المطـراش
لاجهز كلاشنكوف وبه الفشق مخفـوش$$مكامين نار وذوب من شافهـا ماهـاش
شراشير روس مشوكاتٍ تقـول رمـوش$$اليا لف زايدهـن ورا عاقـب الرشـاش
لمن عانده لو ماهرٍ في سلـوب الهـوش$$اذا له حيـاه مدخـلاً غرفـة الأنعـاش
وهو جهزه من شان لو عارضه مبلـوش$$لافرز الوغاء يفتك من شر ولد الـلاش
مادام ان كلاشنكوف بالمرتبه مطشـوش$$ترا ماتخاف المعتدي وانت معك كـلاش
تحرك على إللي مابعد ساقها المربـوش$$وليا قبل على بيت بن بـداح دق فـلاش
على البائكه والا يوقف بجنـب الحـوش$$ورحبك إللـي لا لفـاه المسيـر شـاش
وفتـح بـاب ديوانيـةٍ زلهـا مفـروش$$ومن عادة الطيب ذبـح طيـب الأكبـاش
وليا من جلست وقابلك وجهه البشـوش$$فقله كلامـاً واضحـاً ماعليـه قشـاش
رحا الحب من جور الزمن حبها مجروش$$صبورٍ على الدنيا ومن لاصبر ماعـاش
انا يامفرح شفت ناسـاً عملهـم طـوش$$صحاحاً ضواهرهم لاكن القلوب غشـاش
مقاريد ناسـاً يافتـى فكرهـم مخـروش$$عواصيف ورعوداً مطرها مغير رشـاش
وانا مشتكي من ضيم باطش ولا مبطوش$$شكيت الزمان اللي ضروفه بها عركـاش
ومادام باقي وسط مخ العظـام مشـوش$$مح الدلو حتى يصبحن العـدود مشـاش
وقام أحد أبناء القبائل الاخرى وهو حديث النشأه بسرقة هذه القصيده الجزله ونسبها لنفسه تخيلو لمن درى صاحب القصيده بهالسرقه
قام وقال هذه القصيده لمن سرق قصيدته بالرد الاتي
ألا ياهجوسي سطري فالصخـور همـوش$$ونقشاً على صم الصفايـح وأنـا النقـاش
أصور بشاعة ليزر أف أم خمـس فلـوش$$وأجهز على رصد الحدث كيمـره وفـلاش
جداد القوافي يوم وردن جيـاع عطـوش$$على العيلم إللي من وردها شرب وأعتاش
وقامت تداحم في فـوادي تقـول جيـوش$$تفارز بصـدري كنـه يحوشهـا حـواش
وشبيت ناراً من لضاها القـدور تطـوش$$بعرن الغضاء والسمـر ماشبهـا بقشـاش
قريت الكتاب إللي بحبر القلـم مرشـوش$$عبارات طيب ونوع تكليـف وأستريـاش
كتابـاً لفابـه صنـع لباسـة الطربـوش$$تضمن بيـوتٍ ينعشـن القلـوب نعـاش
كتبهـن علـي وأختـار قافيـة أش ووش$$وقصـده يداعبنـا بتنكيـت وأستنـبـاش
تكلف وسواها علـى المنهـج المغشـوش$$على غير قصد وقلبه أبيض سواة الشـاش
يحسبن حملـه مايشيلـه ثـلاث ونـوش$$وأنا شلته براس أصبعي ماشعرت بهـاش
ولاني بقـول انـه موصـى ولاملكـوش$$مادام ان فكره يجعـل القاسيـات هشـاش
ياراكب اللـي مابعـد ساقهـا المهـروش$$ولاشغلـوه أكالـة الـحـب والفشـفـاش
على أحدث طراز وفل ومواصفاته خـوش$$من المانيـا مهـوب توريـد متسوبـاش
شبح خمسه وتسعين لون ابيضٍ مرعوش$$وكشن الغمـاره كنـك منغمشـه نغمـاش
ضعيف الهقاوي عاجزاً لايحوشـه حـوش$$بستميـة الـف ولازم تكـون نقـداًكـاش
يـودي رسالتنـا عليـه ابلـجٍ مدغـوش$$يتله بنصـف الليـل والا مـع المغبـاش
وينصاء علي شاعر عباء الطيب المهيوش$$يرحـب بضيفانـه ويذبـح لهـم مانـاش
كريـمًٍ فهيـمٍ ماتسمـع كـلام خــدوش$$ولاينحني راسـه مـع الخبـل والبكـاش
من اللي تشوفه ياعلي ربح شفت نطـوش$$زمـانٍ يخلـي راعـي المعرفـه ينـداش
زمانٍ صفى لأهل الحسد عايش ومعيـوش$$هل الكذب والنمـه لبوهـم لبـو قطـاش
كبـار العلابـي والجلامـد وزود كـروش$$أسود السعه لاكن وقـت اللـزوم خيـاش
أراذل ومجلسهم ظلائـم وهـرج دفـوش$$سواليفهم تشبـه لتمثيـل طاشـاً طـاش
مخازن حكى وعلومهـم سرهـا مفتـوش$$وأحدهم على ماقيـل خبـلٍ يكـت فـراش
يفرون من بذل المكـارم تقـول وحـوش$$وفيهم جهل ومعشعـشٍ فوقهـم عشعـاش
لوتنصح بعضهم قام يلويلـك النخشـوش$$عيونه عمي وأذنيه فيه صنـج وطـراش
عساء الله يحمانا من المنهـج المخـدوش$$خدوش المذاهب يبلشـون العبـاد ابـلاش
وترى من يخالف عن طريق السنه مكفوش$$ينـال الجـزاء وتحـط رجليـه فالكمـاش
ولايكسب الا الكـرش ويقـال يامكـروش$$تسنع قبـل تربـط بصـدام عنـت نـاش
وعذراً على ماصـار بكتابنـا المرقـوش$$رقشته بسرعه وأقرشن الهجوس اقـراش
|
|
 |
|
 |
هل الفكره والغايه وصلت للعقول النيره !
تقبلو أرق التحايا
الإهداءات
03-29-2008, 08:12 AM
عظم الله أجر شعرنا النبطي من البعض
