|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم الينا
#1
|
تركتلي في مسمعي حلو الاصداء وحرمتني شوفك وحلو ابتسامك لنويت تبعد خليي بعض الاشياء ذكره جميله من بقاي سلام عليك شحالك عساكم بخير اليوم انا يبتلكم قصه يديده من كتباتي اتمنا تنال على اعجابكم بسم الله نبداء الشخصيات : عايلت ابو سلطان ابو سلطان:انسان وايد يحب عياله واي شي يبونه يبلهم ايه وهو بعد كان متزوج انقليزيه بس طلقها وهو لي ربا عياله لانه اهل ما يكلمونه لانه ماخذ انقليزيه وهو عمره 43 وعنده شركه يشتغل فيها ام سلطان:مثل ماقلت ان ابو سلطان طلقها وردت بلاده وما همنه عياله وهي عمر36 واحين هي متزوجه واحد انقليزي سلطان:انسان واااايد طيب ويحب اخته فطوم وايد لانه البنت الوحيده وهو جنه ابو فطوم وعمره 22 ويشتغل مع ابوه فشركه علي:عمره 20 وبعده فالجامعه وهو يمكن اعقل واحد فيهم واذا حد زعل فطوم هو سلطان ما يخلونه فحاله حمدان:عمره 17 و حمدان مطول شعره وحياته كلها مغازل وما يخصه فحد اهم شي يغازل وبس واسراره كلهن عند فطوم اخته فطوم:اخر العنقود عمرها 14 ودلوعت البيت و وايد حلوه لي يشوفه ما يقول اماراتيه يقول انقليزيه هي طالعه على امها عيونه زرق وشعرها لونه اشقر بس صبغته بوني وامها وابوها طلقو يوم عمره 4 وهي ما تذكر امها وبتعرفون زياده عنها فالقصه عايلت ابو احمد : ابو احمد:اخو ابو سلطان بس ما يكلمه وهو ااكبر من ابو سلطان عمره 45 وااااايد يحب عياله وهو كان يشتغل فلجيش بس احين متقاعد ام احمد:واااااايد طيبه وتخاف وااايد على عيالها عمرها 40 احمد:عمره 25 ويشتغل طيار وكل حياته سفر وهو خاطب وحده اسمها نوره ساره:عمرها 23 هي مخلصه جامعه بس ما تشتغل راشد:عمره 17 هو فالمدرسه واااااااااايد مغازلج حياته كله مغازل حصوه:عمرها 15 واكبر من فطوم بسنه ومعاها فنفس المدرسه بس ما تعرف انه بنت عمها نوره:اخر العنقود وعمرها 5 ودلوعه طبعن خلونا نبداء القصه البارت 1 صوب فطوم وحمدان يالسين فصاله حمدان:باجر شورايج انغيب فطوم:حمدانوه لا ما اريد ولا تحاول ابا اروح المدرسه حمدان:اوكي على راحتج انا بغيب فطوم:بيطوفك باجر وااااااايد مزاين جدام مدرستنا حمدان:ههههههه اوكي خلاص بروح المدرسه عشان خاطرج يالنقليزيه فطوم:اوففففففف هل كلمه تقهرني ليش شكلي جيه حتى صبغت شعري وبعدهم يقولولي انقليزيه حمدان:بس احل انقليزيه فطوم:يلاه اروح عند سلطون وعلاوي حمدان:يلاه قمي واليوم الثاني فالمدرسه فطوم كل تمشي مع بويات بس هيه مب بويه فطوم:خلود تعال اروح هناك خلود وحده( اسمها شما بس بويه ويدلعونه خلود ):اوكي حبي فطوم:خالد تدري ولله اريد ارقد تدري امس راقده ساعه 4 لانه كنت يالس اكلم هذا سعيد خلود:انتي مينونه مب قلتي خلاص ما بتكلمينه فطوم:يعني لو كلمته وما كلمته عادي لاني يالسه اتسل بس واذا ما كلمته بكلم غيره خالد:لا ما يصير انتي حبيبتي كيف تكلمين غيري فطوم(تحط راسه على جتف خلود ):ابا ارقد صح سالم وين اليوم ما اشوفه خالد:غايب ما كلمتيه امس فطوم:لا سالم وحده بويه اسمه حمده وعقب شويه يت سلامه ربيعت فطوم سلامه:انتو وينكم من اصبح ادوركم فطوم:انا هنيه يعني وين ولله سلامه:جب عن احين اجوتج هناك يا بنت النقليزيه خلود:ايه لا تغلطين على فطوم فاهمه وبعدين ما يحصج بنت انقليزيه ولا اماراتيه فاهمه وفجاه واحد دخل المدرسه كان ياي يشل اخته وقف ويالس يطالع فطوم خلود:شو فيه هذا يطالع فطوم فطوم:شدراني خلود:ولله اقومله وكفخه فطوم:خليه يطالع يمكن معجب خلود:ولا يالس يبتسملج فطوم(تبتسمله ) خلود:ولله اقمله وذبه وانتي بذبحج بعد لا طالعينه فطوم:اوكي حبي ها ما بطالعه وصوب هذا لي يطالعها يت اخته حصوه:رشود شو فيك واقف هنيه رشود:اشوف هاي القمر حصوه:مالت مالقيت تعجب الا فهاي رشود:ليش شو فيها حصوه:هاي خربانه تكلم شباب وكل تمشي مع بويات وهاي امها انقليزي بس ابوها مطلقنها والبنت خربانه على الاخير حتى شيله وعباه ما تلبس كل حد يتكلم عليه رشود:انتي شو فيج على البنت حصوه:تقهر ولله انها خقاقه رشود:عن الغيره انزين البنت صراحه قمر مب انتي خسفه حصوه:مشكور وصوب فطوم وربيعاتها فطوم:هاي حبيبته خلود:لا تشبه شكله اخته فطوم :شوفي سلوم يا اكوه وراحت تركض صوب سلوم حصوه:شوف كيف لويه عليها ولله ما تستحي رشود:عادي هاي بنت مب ولد حصوه:هاي بويه رشود:اوكي شو اسوي حصوه:اوف يلاه اروح البيت والعصر فبيت ابو احمد رشود:اوف هاي بنتكم متخلفه حصوه:انا مب متخلفه انته المتخلف ام احمد:شو فيك تتضاربون رشود:ماشي ماشي حصوه:ههههههههه اقول رشود:لا حصوه:عيل منو المتخلف رشود انتي حصوه:بقول رشود:قولي عادي ما سويت شي غلط ام احمد:شو مسوي رشود:ماشي اليوم يوم رحت اشله من المدرسه شفت بنت وقتله هاي حلوه وعاد بنتج غارت وتمت اتسب البنت سب ام احمد:مب عيب عليك تشوف بنات الناس رشود:شو اسوي يعني كانت جدامي شو يعني اغمض عيوني ام احمد:هيه غمض عيونك وانتي حراام تتكلمين على ناس حصوه:انا ما تكلمت عليه انا قلت الحقيقه وصوب بيت ابو سلطان : كلهم كانو يالسين فصاله ابو سلطان:فطوم شو سويتي اليوم فالمدرسه فطوم:ماشي ابو سلطان:وانته حمدان حمدان:ماشي يلسنا متلعوزين ندرس سلطان:عاد انته لي يسمعك يقول واااااايد تدرس حمدان:ليش شو قالولك انا ما ادرس انا اكل الكتاب علي:ولله وايد باين مب جنه قبل الامتحانات ايبولك استاذا يدرسك ولا بعد ياليت تيب علامات زينه حمدان:جب جب ابو سلطان:بدينا فالضرابه يلاه اصطلبو انتو مب يهال فطوم:هيه ولله صدقه باباتي سلطون:فديت فطوم انا فطوم:انا قلت باباتي انته ليش تتفداني سلطان:لاني احبج واااااااااااايد ابو سلطان:انا رايح احين ولا تضاربون انزين فطوم:انشالله ابو سلطان:انتي سوي لي تبينه حمدان:ليش انشالله هي تسوي لي تباه ونحن لا ؟ ابو سلطان:هاي فطوم حمدان:فطوم انتي حماره كلبه ليش كل حد يدلعج وانا كل حد يهزبني ولله قهر فطوم:عشان انا اخر العنقود ههههههه وثاني يوم فالمدرسه صوب فطوم كان عليهم عربي و المس توها داخله اصف فطوم:مس اليوم ما اريد ندرس حرااااام خلينا نتكلم المس:لا فاطمه حبيبتي لزم ندرس ما بيصير فطوم:مس ليش فالانقلش عندنا سبيكنق ولا عربي لا المس:طيب رح نتكلم فموضوع بس ما تزاعقو لي بدها تتكلم ترفع ايدها البنات:اوكي المس:يلاه عن شوه رح تتكلمو سلامه :عن انسان تتمنا تشوفه شوريكم البنات :اوكي المس:يلاه مين رح يبد يتكلم خلود:فطوم انتي بدي المس:يلاه فطوم ابدي فطوم:انا انسان اتمنا اشوفه هي امي انا ما اعرف عنها شي بس اشوف صورها وكل حد يقولي تشبهين امج فشكل بس انا يعني ما اعرف اذا اشبها فتصرفات ولا اي شي بس اشوف صوره حتى ما حسيت بحنان الام ابوي هو لي ربانا انا وخواني المس:ليش امك وين؟ فطوم:فبلادها المس:وين بلادها فطوم:فالندن المس:اها هي راحت بس هيك ولا ابوكي طلاقها فطوم:لا طلقها يوم كان عمري 4 المس:وابوكي بيخليكم تشوفوها فطوم:هيه بس محد يبا يروح ايشوفها لانه من طلقها ابوي ما سالت فينا وعلى طول عرست المس:انتي ما بدك تشوفيها فطوم:هيه ابا اشوفه وابا اعيش معها يمكن لو امي كانت عايشه معانا اكون غير سلوم:فطوم لا تصيحين فطوم:ما بصيح وصوب حصوه وربيعتها شيخه و عنود حصوه:هاي البنت لي امه انقليزيه انا اكرها شيخوه:شو فيج على البنت حصوه:ما تشوفين تصرفاته كيف ما مخلي حد ما تكلمه عنود:بس طيوبه حصوه:افففففف امس هذا رشود اخوي شافه وقال حلوه وقال عني خسفه المس:حصه وعنود وشيخه خلاص اذا تكلمتو مره تانيه رح اطلعكم برا الصف وصوب حمدان كان شارد من المدرسه ورايح المول مع ربعه عبدلله وناصر حمدان:ولله هاي الحياه الحلوه مب روحت المدرسه عبدلله:هيه ولله ناصر:بس لو يزخونا رحنا فيها حمدان:شوف هذا فشو يفكر يا ريال طنش افففففففف ماشي مزاين عبدلله:كلهم فالمدرسه ههههههه حمدان:لا ولله شو كلهن نفسنا يعني فالمدرس وصوب فطوم قبل ما تروح البيت فطوم:بنات اليوم ترانا متواعدات فالمول اوكيه لا تنسون سلوم:سالي ابوج اول فطوم:ابوي بيوافق خلود:انا اكيد يايه سلامه:عاد لبسي عباه هل مره هذيج المره شفتي شباب شو سوا فينا فطوم:لا ما يطلع شكلي حلو ما بلبس سلامه:اوف ولله انج بتلعوزينا فطوم:اول شي سالي امج يوم توافق بفكر البس عباه وتمر حصوه وكانت اطالع فطوم بحتقار فطوم:هاي ليش جيه طالعني سلامه:غيرانه منج حصوه (عصبت ):لا مب غيرانه منه عاد من زينها احين فطوم:انا الحمدلله احسن عنج مب خسفه سلوم:ايه انتي لا تسبين فطوم فاهمه حصوه:الجمال مب المهم اهم شي انا احسن عنج على القل مب امشي مع بويات وسمعتي فالارض خلود:جب جب ايه انتي ولله احين المج بكف انسيج ادنيا حصوه:ما ترومين خلود:منو ما يروم (وخلاص يايه تضربها) فطوم(تمسكها):خليها تولي تحطين حالج وحال هل اشكال حصوه:ايه عن الغلط فاهمه وصوب رشود كان يتري حصوه بس ما يت فدخل المدرسه عشان يشوف وينها وشافها تضارب مع فطوم رشود:حصوه شو مستوي فطوم:شوفو هاي شريفه لي سمعته زينه هذوه حبيبيه ياي حصوه:شو تتحرين كل حد مثلج رشود:بس انتي وياها خلود:ما تقول حق حبي بس فاهم سلوم:غصبن عنه بيفهم رشود:ايه انتي وياها محد كلمكن ممكن تطلعون برا السالفه خلود:مب على كيفك فطوم:خلاص خلود عشان خاطري روحو خلود+سلوم:اوكيه (وراحو ) رشود:حصوه شو سالفه ؟ حصوه:ماشي ربيعتها قالت اني انا غيرانه من هاي فطوم:انا عندي اسم حصوه:حتى انا عندي اسم فطوم:يعني زقريني باسمي حصوه:ما اريد فطوم:اوف ولله مشكله لي مصدقين عمارهم حصوه:ايه عن الغلط رشود:خلاص بس سمحيلنا يلاه امشي حصوه:لا ولله ليش تسمحلنا مالت عليها فطوم:باي انا بروح ولله اتاخرت (تزاعج)سلوم خلود سلامه اليوم لا تنسون المول (وراحت) وفسياره صوب فطوم وحمدانوه حمدانوه:ليش تاخرتي فطوم:كنت اضارب مع وحده حمدانوه:اختي طالعه عليي صاحبت مشاكل بس ليش ضاربتي معاها فطوم:لانه كانت تطالعني بعين حمدانوه:هيه عيل ذبحيها بعد وصوب رشود وحصوه رشود:حراااام عليج شو تبين البنت حصوه:انته ليش دافع عنها هاي زباله شفته كيف تكلمك لو وحده ثانيه يوم بتشوفك بتروح رشود:البنت ما سوت شي انتي ليش حاطه عليها حصوه:كارهتنها ما اطيقها اباها تموت رشود:حصوه ولله انج شريره والعصر فبيت ابو سلطان لكل يالس فصاله سلطان:فطوم ليش اليوم صاكته فطوم:بس ابو سلطان:تبين شي صح ومب عارفه كيف تقولينه فطوم:هيه ابو سلطان:شو تبين قولي فطوم:بقولك بس توافق اوكي ابو سلطان:انزين فطوم:ابا اروح المول مع ربيعاتي اليوم ابو سلطان:انزين بس ساعه كم بتروحين فطوم:ساعه6 ابوسلطان:انزين بس ساعه 9 تكونين فالبيت فاهمه فطوم:فديت ابوي انا سلطان:انا بوصلج المول فطوم:اوكي وعلى ساعه 6 فطوم راحت المول ولقت خلود وسلوم وسلامه فالمول صوب ستاربوكس سلامه:اليوم صدق اماراتيه قبل لا فطوم:ليش يعني عشان لبسه شيله وعباه وحاطه عدسات عسليات سلامه:هيه خلود:شكلج طر سلامه:منو هاذا لي كان يايبنج فطوم:هذا سلطون سلامه:هيه فطوم:لا يكون معجبه فاخوي سلامه:لا فطوم:عادي يعني انا اكلم اخوج وانتي كلمي اخوي هههههههه سلامه:اي اخو تكلمين اعترفي فطوم:استهبل ههههههههه فطوم كانت يالسه مجابله طولت شباب واحد يالس يطالعه ويغمزلها سلامه:شوفيج فطوم جيه مره وحده صكتي فطوم:في واحد يالس يطالعني ويغمزلي سلوم(تصد):اي واحد منهم فطوم:فضحتنا خله يولي خلود:ولله ما نخليه فحاله سلوم:ما عرفتو منو ها يا لغبيات فطوم:منو سلوم:هذا اخو لي ضاربنا معاه فطوم:اوف هذا شو يسوي هنيه بعد يلاه اروح مكان ثاني سلوم:لا ما بروح مكان خلكم فطوم:انا بروح ما بتم مجابلتنه سلوم:فطوم ما تلحضين انج بديتي تتغيرين اول لي يطالعج عادي عندج فطوم:لا انا ما تغيرت انا مب زبالتكم هنيه كل حد يطالعها (تزاعج) سلامه:بس خلاص فضحتونا سلوم(تزاعج):انتي شو فيج قولي انتي شو فيج ينيتي فطوم(تزاعج):لا ما ينيت وما استوالي شي صوب رشود وربعه زايد وخليفه رشود:شت هذيله يضاربن عليي زايد:لا تصدق عمرك وايد خليفه:هيه ولله مب جنها يوم كان يغمزله كانت شويه بتفره بالكوب لي جدامها زايد:هههههه هيه ولله صدق فطوم(دمعت اعيونها):انتو ما تسمعون اناس كيف يتكلمون عني اليوم هذيج قالتلي سمعتي فالارض خلود:انتي تصدقين هذيج يعني غيرانه منج فطوم:ليش يعني عشان امي انقليزيه تلعبون فيني جيه اقولكم انا مروحه (وراحت) سلامه(تلحقها):فطوم بس خلاص لا تصيحين فطوم:سلامه ابا اروح الحمام افصخ هل عدسات اففففففف سلامه:اوكيه فطوم:هههههههههههههه سلامه:شو فيج تضحكين فطوم:انا كنت امثل جدام سلوم وخلود ههههههههههههههه شو رايج سلامه:يعني لي قلتيه جذب فطوم:هيه ولا شي هامني سلامه:ليش سويتي جيه فطوم:عشان شباب ههههههههه سلامه:مينونه انتي فطوم:اصلان سلوم يدري اني امثل لاني غمزتله سلامه:وانا وخلود مثل الاطرش فزفه وكيف صحتي فطوم:ما كنت اصيح العدسه تعورني سلامه:اها يالحماره فطوم(تصد وراها):الله طاعي ورانا اخو هذيج يلحقنا انا برويها مب هي تراويني سلامه:شو بتسوين فطوم:ما شي رشود(يا عندال فطوم):يا حلو عطنا فيس فطوم:هلا امر رشود:انا امر انتي امري فطوم:ههههههههه لا يعني عطيتك فيس رشود:ادري تسلمين سلامه:يلاه اروح ولله فضحتينا فطوم:تسلملي رشود:صراحه انا ما اعرف اغازل فبعطيج رقمي فطوم:اوكي كم رقمك رشود:ها رقمي فطوم:ما عرفت انا منو من اصبح اترياك تقول رشود:لا انتي منو فطوم:انا لي ليوم اضاربت مع اختك بس لبسه عباه وشيله وحاطه عدسات رشود:ولله فطوم(تفصخ الشيله):ها شو رايك رشود:هيه ولله اسمحيلنا ترا اختي مينونه فطوم:لا عادي بس ما قتلي شو اسمك بس بليز لا تجذب عليي قولي اسمك الحقيقي رشود:هههههه اسمي راشد ناصر ال...........ي فطوم:اها اسمك حلو وانا اسمي فاطمه محمد ال........ي سلامه:نفس القبيله فطوم:شو هصدفه الحلوه رشود:هيه ولله فطوم:يلاه باي انا بروح احين بدقلك عقب اوكي رشود:اوكي انا اترياج كت #شو تتوقعون فطوم تخطط تسوي ؟ __DEFINE_LIKE_SHARE__ |
07-18-2009, 10:53 PM | رقم المشاركة : [ 2 ] |
عضو جديد | تسلم اخوي عالقصه النايس ... و بانتظااااااااااااار البااارت ..!!>< __DEFINE_LIKE_SHARE__ |
| |
07-19-2009, 01:06 AM | رقم المشاركة : [ 3 ] |
عضو ذهبي | السلاام علييكـ .. الله يستر من فطووووم لووول ^^ مشكووور خيووو عـ القصة .. فـ انتظاار البااارت الياااي .. السموووووحهـ .. __DEFINE_LIKE_SHARE__ |
| |
07-19-2009, 03:54 AM | رقم المشاركة : [ 4 ] |
عضو جديد | فطوووم خطييرة ... يسلمووع القصة .. وننتظر بارت الياي .. __DEFINE_LIKE_SHARE__ |
| |
07-19-2009, 12:27 PM | رقم المشاركة : [ 5 ] |
عضو جديد | احس فطوم بترمسه
__DEFINE_LIKE_SHARE__
|
| |
مواقع النشر (المفضلة) |
| |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
اجعل الاشياء تمشي حتي يدك (تحريك الاشياء عن بعد) هيا ادخل واتقنها | محروم.كوم | منتدى أخبار المواقع والمنتديات العربية والأجنبية | 0 | 09-11-2009 05:50 PM |
درس كيف تعمل الاشياء ؟ أفلام فيديو لعمل مختلف الاشياء | محروم.كوم | منتدى أخبار المواقع والمنتديات العربية والأجنبية | 0 | 08-29-2009 11:10 PM |
اغلى بعض الاشياء | محروم.كوم | منتدى أخبار المواقع والمنتديات العربية والأجنبية | 0 | 06-11-2009 05:30 PM |
اصعب الاشياء | شموع555 | الإستراحه العامة | 12 | 04-07-2009 04:59 PM |
ليش نحن غافلين عن هذي الاشياء؟؟ | {,.בرايّـر.,» | الحوار والنقاش - الرأي والرأي الآخر | 13 | 07-05-2008 03:03 AM |