أتمتم حيل ما " أحبك " ويضحك حيل كذابه ..

صاحبة السمو}.. · #1 07-17-2009, 02:06 AM

صبُآحكمٍ / مسُآؤكمُ [ وردُ ] .. [ ]

::
أدوّرني | ولا ألقى .. أثر يكشف مكاني وين ..!
........... أدوّرني | وأثاريني .. وطن مجفي من أحبابه

مَآ غير الهم يرسمني [ حكايآ ] ترفض التّلوين
........... سِوى بلون السواد اللي جروحه سبّة أتعابه ..

ثلاث سنين والفرحة تعاندني ثلاث سنين ،
........... وأنا من يوم مافارق " عيوني " أبكي غيابه

ثلاث سنين أصوّت له ويخنقني شهر تشرين ،
........... يزيد الجرح في صدري ويرميني على بابه .. !

ثلاث سنين أنزف له على سكّة جروح البين .. ،
........... ولايحضنّي إلا [ الهمْ ] وشارع فاقد أصحابه ..

أجمّع دمعتي/حزني/طعونٍ ماأعرف منين .. !
........... بقايا فرحتي/ضحكي .. وأطيّر للسماء أسرابه ..

تعبت أتنفسه ضيقة / و يكبر داخلي تخمين ..
........... يبي يرجع يلملمني ! بعد ماضعت بـ أسبابه !

وأنا في غيهبة حزني خذتني صورة لـ طفلين ..
........... ملامحهم تشابهنا ، وحتى الضحك متشابه ..

زوايا بيتنا.. جدراننا / همساتنا الأثنين .. !
........... بقايا نظرته ، تسريحته / شمّاعة ثيابه

أنا أذكرها محبتنا .. شقاوتنا / بيوت الطين ..
........... وصوتٍ لاسكن فكري .. سرحت أشكيه لألعابه .. !

يجيني ليش زعلانة..! ويحضن وجهي بكفين
........... وأتمتم حيل ما " أحبك " ويضحك حيل كذابه .. !

رسمته [حلم] فرّحني سكنّي واستحل العين ..
........... تعمّق داخل عروقي عشق طاهر محد صابه ..

زرعني في تفاصيله وغاب بضحكة الواشين ،
........... تعلّم منّهم يَقسِي .. حصدني شوق يغتابه

رحل واستاحشت روحي وقلبي إنشطر نصفين ..
........... تخبّى نصف في كمّه .. وذاك برفّ دولابه ..

كبيرة إنّي أخونه بسيطة نكون له وافين ..
........... أنا / وإحساسي / وكلمة ، تخبّت داخل كتابه ..

أحسّ بداخلي شعبٍ تعب من كثرة التوطين ..

........... تجرّد منّي ومنّي خذا من صدري ترابه

تعبت أستنزفه فيني آنينٍ إشتعل بي لين ،
........... طفى وهجه من أعماقي وذابت لـ /أجلي أهدابه

أغنّي له أنا بعدك صحاري ملّها التكوين
........... حزينة / تَعْزِفْ ضلوعي لحون بنغمة عتابه ..

فقدته / وإنكسر عشقٍ تبلّور ف الخفايا زين ..
........... وضاعت معه احلامي وضعت بزحمة أطيابه ..

::

ممُآ رُآقُ ليُ ، __DEFINE_LIKE_SHARE__

بنوته راك · 07-17-2009, 09:18 AM

يعطيج العافيه يسلموووووووووو __DEFINE_LIKE_SHARE__

صاحبة السمو}.. · 07-17-2009, 09:08 PM

يسلمو

يالغلا
ع الرد نورتي صفحتوووي

سي يو __DEFINE_LIKE_SHARE__

مــ ي ــث المنــاصــير · 07-17-2009, 09:20 PM

سلمت يمناج ع الطرح الغاوي __DEFINE_LIKE_SHARE__

مستحيل انساڰ..» · 07-17-2009, 09:48 PM

السلام عليكم ورحمة الله وبركاته ..

يسعدلي صباحكم \ مساكم بكل خير ..

كبيرة إنّي أخونه بسيطة نكون له وافين ..
........... أنا / وإحساسي / وكلمة ، تخبّت داخل كتابه ..

نآآآآآيس ..

صح لسـآآن كاتبها ..

تسلمين خيتوو ع القصيده الغاويه ..

نترقب الزود من جداج..

ولا هانج الرب ..

فمان الله .. __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
""""""""مطلوب لكزس lx570 الدفع كاااش """"""""""	محروم.كوم	منتدى أخبار المواقع والمنتديات العربية والأجنبية	0	07-19-2010 03:50 AM
"""""""""""""""""""""""""""فساتين زفاف راقية ومميزة """"""""""&am	محروم.كوم	منتدى أخبار المواقع والمنتديات العربية والأجنبية	0	07-13-2010 12:00 AM
موسيقى " طوق الياسمين " و " وإني أحبك " للفنان الساحر كاظم الساهر !	محروم.كوم	منتدى أخبار المواقع والمنتديات العربية والأجنبية	0	04-01-2010 11:00 PM
"سيتي" يصدر تصنيفات إيجابية لـ "إعمار" و"الدار" و"العربية" و"الخليج الأول"	محروم.كوم	منتدى أخبار المواقع والمنتديات العربية والأجنبية	0	09-29-2009 01:20 PM
"""""للبيع باترول سوبر سفاري موديل 99 ديزل """""""""	محروم.كوم	منتدى أخبار المواقع والمنتديات العربية والأجنبية	0	04-28-2009 02:40 PM