ذكريات زمان المدرسه لاكن اثره الى هالحين

محروم.كوم · #1 08-31-2015, 03:30 PM

السلام عليكم ورحمة الله وبركاته
اخواني واخواتي في هذا المنتدى الرائع
زمان المدرسه اول كان التعليم وخصوصا المعلم له وضع خاص ومهابه ولو تشوفه بالشارع تقل يبي ياكلك من الخوف منه والا اذا شفته مع شارع هجيت مع شارع ثاني

يالله السلامه وكان بعض المدرسين وليس كلهم مجرمين بمعنى الكلمه وخوذو هالسالفه وانتم احكمو

يوم من الايام كانت الحاره توه تزفلت واول مره نشوف هالزفلت وهالمكاين وهالقار الحار اللي يرش بالأرض قبل
وخبه اللي يقول ايزين بالسيكل كذا واللي يقول اباخذ من القار وادهن الجنط حق السيكل وهاتو كلن يجيب من راسه فكره
وهذا وحنا بالمدرسه مادرينا الا يوم طلع هالطاعون الغثيث ( المدرس )وقال شوفو يبي يرشون القار وماعندنا الا بكر وبعده اجازه الاسبوع
والله ثم والله اللي يجي يوم السبت ورجليه به نقطة قار والله لا اجلدة لحد ماينتفخ

ووقفه وبالمشله ( الفلكه) لاربط رجليه واني لا ازين وافعل واترك
اللهم ياكافي يوم دب الرعب والخوف بقلوبنا وقامت ركبنا ترقل وقلن هالحين وشلون نبي نمشي بالشارع
خلصت المدرسه ورحنا لبيتنا يوم صارالعصر واثر ريحة القار واصلتن الى اقصى البيت
ياربيه وش انزين
اناضر الشارع خلي موالله اللي يمشي
قلت الشكوى لله نصبر الى بكرا ويفرجه الله
ومطوالك ياليل جاء الصبح نبي نلعب نبي اناقز مافيه الا انا
رحت للجيران وصوت من فوق الجدار يخاله وردة علي ام رفيقي قالت ياوليدي لاتطيح شف الجيره ماقالت وراك ماوراك المهم
جاء رفيقي قلتله وش الدبره قال وش الدبره امش انا ادبرك وصلنا الباب قال اشوف ايدك مسك ايدي ورحنا نركض بوسط القاروقال لايهمونك هو مدرس بالمدرسه ولهوب بالسوق
انا صدقته
رحنا وجينا وكل شي زيناه واستانسنا
جاء اليوم الموعود ورحنا للمدرسه بالعاده باب المدرسه يفتح كله وهالمره مافتح الا الباب الصغير
وش عندهم
واثر ابن هالحلال هالطاعون يفتش من (؟؟؟؟؟؟؟؟؟؟؟) على رجلين الطلاب اللي ماشي بالقار او لا
واللي منك نشبه
واثر رجلينا انا وخويي غاديات تقل ساجة مولع بطرفه سود
مايمدينا نرجع وصلنا الدور
قال منب قايللكم لاحد يطلع ويمشي على القار ؟؟؟؟؟
( الله يطيربك بليس واشلون تبينا نمشي او تبينا شغل بساسه مع الجدران)
المراد صفنا مع بعض الطلاب والله واجد قلنا موت مع المسلمين رحمه جابنا للفصل وتعال انتم وانتم وجميع اشكال التهزيء اخر شي قال عندي لكم عقابين
الاول لإنكم ماسمعتو كلامي ( الله يبلاك يا؟؟؟؟؟؟؟؟؟ ) والعاقل يفهم
والثانيه علشان يتأدب غيركم
تدرون وش سوى هالمهبول يجيب الطباشير ويحط كل مابين اصبع واصبع طباشيره ثم يضغط اصابعك بكل ماأوتي من قوه الين تصير اصابعك تقل رجل دجاجه مذبوحه وتخيل الدجاجه وشلون تصير رجله اذا ماتت
ماخلص ياخذ من الطباشير ويمسك حلمت ديدك ويقبصك ماتدري الا الدام ناقع
( انا ادري ان واحد منك الان وهو يقرا يقول اوالله مجرم )
لاخذ النهايه
يجمع اصابعك تقل ربطة مساويك ثم بالمسطره الخشب مع روس الاصابع ضربه وحده ثم يتنفخن
دارة الدنيا وقبل رمضان بالصدفه مدعو لزواج وشفت هالطاعون مع مدرس اخروالله هالمدرس الاخر اني سلمت عليه وقبلت راسه تقديرا واحتراما لمكانته وحسن تعليمه
قالى ماعرفت هذا ترا ه من المدرسين اللي درسوك
قلتله هذا ماعرفه
قال نسيت قلت لاوالله مانسيته لاكن ماعرفته مدرسا واعرفه جلاد
قال الطويعين راحت على ماراحت عليه
ايه من عندك والله
لولا شرهت الناس كان لادقك لحد ماتنسى اسمك
ومعذرة على الاطاله
ودمتم في رعاية الله
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
[مشكلة] تم حدف قناتي الرئسية لاكن القنوات الفرعية مازلت تعمل لاكن لا استطيع تسجيل الدخول	محروم.كوم	منتدى أخبار المواقع والمنتديات العربية والأجنبية	0	12-08-2014 05:50 PM
استضافة موقعك 5 جيجا فقط 300 جنيه و الله زمان يا اسعار زمان	محروم.كوم	منتدى أخبار المواقع والمنتديات العربية والأجنبية	0	04-07-2013 04:20 PM
زمان مضى وراح / يازين وقت فات ما هوب هالحين *** يوم النوايا كلهن صافياتي	محروم.كوم	منتدى أخبار المواقع والمنتديات العربية والأجنبية	0	05-25-2012 01:50 AM
زمان اول احس انه زمان صدق فيه شعور " نحب ونخلص النيه وتجمعنا محبتنـــــــــــــا	محروم.كوم	منتدى أخبار المواقع والمنتديات العربية والأجنبية	0	12-12-2011 04:10 PM
مقطع يوتيوب لحسن كراني والنشرة الجوية حق زمان والأمطار زمان	محروم.كوم	منتدى أخبار المواقع والمنتديات العربية والأجنبية	0	04-22-2010 08:40 PM