|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم الينا
#1
| ||
| ||
السلام عليكم ورحمة الله وبركاته دوكم هالسالفه القصيره بعنوان راعي العجراء والهندي قبل كم يوم سالني صديق يعمر له فيلا ويبي نجار يسوي حلوق بيبان فلته توها عظم فلت له ابشوف من احد الزملاء من اللي خالصين من تركيب حلوق البيبان المهم سالت واحد واعطاني رقم نجار هندي واتصلت عليه واخذت منه موعد نتقابل انا وياه باكر الصباح يوم جاء من باكر الا وهذا هو حسب الموعد واقف ينتظر قلت له الحقني طبعا معه سياره قلت لصديقي صاحب الفيلا شف لاتتكلم ولا تنزل من السياره على طول خلني انزل وبعدين بس دقيقه وحده انزل انا خايف ينزل قبلي ويدخل بالفلا ويخرب الموضوع وانا ماعلمته عن السالفه قال ليه قلت اصبر شوي وتعرف الموضوع بس لاتتكلم قال امرك فيلا صديقي مقابلها ارض توهم بادين بالخنزيره ويخططون للقواعد وقفت بالسياره عند الارض الجديده ونزلت من السياره والهندي نزل من سيارته وصديقي مايدري وش الموضوع اخذله دقيقه ونزل وانا اكلم الهندي قلت خذ مقاسات الابواب الارض جديده مافيها ولا بلكه وشلون ياخذ المقاس صار يطالع فيني ويقلب عيونه مره فيني ومره بالارض وانا ادري ان وده يصفقني بكف لما اتبرشم بالخنزيره قال باب كيف اخذ المقاس وين الابواب قلت الابواب بعدين ليه انت مافيه معلوم قال انا شغل هنا 15 سنه قلت 15 سنه ومافيه معلوم تاخذ مقاس قال وين باب بابا قلت الابواب بعدين انت خذ مقاس الحين ليه انت مافيه معلوم انت مافيه كويس شغل نجار انت خذ المقاس صديق بسرعه جلدي جلدي ومايمديك تجيب الحلوق الا والبيان خالصه ركبها على راحتك الهندي بخر من الحمق وحرارة الشمس فاحت ريحة كلتشاته مدري ريحة الزيت اللي براسه من التبخير وخلال خمس دقايق حسيت انه نقص علبه زيت سوبر شل من هالشمس والحمق لازم نغلقه بعلبه زيت لاتصرقع سبايكه ويخبط علينا ونبلش فيه قال بابا انت مجنون والا كيف قلت لا انا راعي العجراء وصديقي يطالع هالموقف ويسمع الحوار وماخذها ضحكه بعد انا خفت عليه لايجيه شي من الضحك المهم الهندي راح لسيارته اناديه مايرد علي الرجال شغل وراح يابن الحلال تعال اعلمك وهو يقول رووووووح انت مافيه مخ كويس ادق عليه بالتلفون مايرد علي من الحمق وريحة الزيت لو تجدع عود كبريت في سيارته تحول الى دناميت اخير يوم قطع مشوار رد علي وريحة الزيت اشمها بجوالي بدا يتكلم علي بالاردوا من الحمق ومدري وش يقول وقفل الجوال المهم خسرنا الهندي وخسرنا المشوار وخويي يقول هه واش استفدنا وهو ميت من الضحك يسب ويلعن فيني بس كان موقف اتمنى اني صورته لكم المهم من بكره توعدت انا وباسكتانيه وقال رفيقي لانتبه لايروحون مثل الهندي قلت لا مانيب مطول معهم قال بكيفك بس ان راحوا ماهو احسن لك المهم واعدتهم ووقفتهم عند الارض ونفس سالفتي مع الهندي بس الباكستانيه خفت منهم من يوم قلت لهم خذو المقاس قال كيف اخذ مقاس انت مجنون يالله رووووه اخسن مارميك بالهفره قلت اجل شوف هذا الفيلا قبل ماترميني بالهفره يوم شافوا الفيلا اضحكوا وعرفوا انه كميرا خفيه بدون تصوير ارجوا ان اكون وفقت في اسعادكم والله يحفظكم وقبل الختام سبحانك اللهم وبحمدك لااله الا انت استغفرك اللهم واتوب اليك مع السلامه
__DEFINE_LIKE_SHARE__
|
مواقع النشر (المفضلة) |
| |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
يا راعي العجرا تكفى طلبناك ( جديد ) | محروم.كوم | منتدى أخبار المواقع والمنتديات العربية والأجنبية | 0 | 01-07-2015 12:00 PM |
راعي العجرا والدباب عام 1387هـ | محروم.كوم | منتدى أخبار المواقع والمنتديات العربية والأجنبية | 0 | 11-11-2013 05:30 PM |
يا راعي العجرا الا وينك الحين ( جديد ) | محروم.كوم | منتدى أخبار المواقع والمنتديات العربية والأجنبية | 0 | 11-01-2013 05:30 PM |
راعي العجرا والرومنسيه والفول | محروم.كوم | منتدى أخبار المواقع والمنتديات العربية والأجنبية | 0 | 06-06-2013 05:00 AM |
راعي العجرا وغصة اللحمه | محروم.كوم | منتدى أخبار المواقع والمنتديات العربية والأجنبية | 0 | 11-26-2012 02:00 PM |