السلام عليكم ورحمه الله وبركاته

مساكم الله بالخير جميعاً شلونكم ووش اخباركم ,,

اخواني اهل الجموس واخص بالذات موديلات 200 الى 2006 ابي استفسر منكم عن شغله

الا وهي بخصوص طرمبة البانزين

معروف الجمس وخراباته بطرمبه البانزين وسمعنا نصايح كثيرهـ بخصوص المحافظه على طرمبه البانزين


لكن اليوم لفت انتباهي كلام راعي الورشه بخصوص سيارتي ,,

اذا كانت السياره مشغله وماشي فيها مثلاً فترهـ ووقفت والسياره مشغله اسمع صوت زززززز وهو حق طرمبه البانزين ,, انا سمعته بكذا جمس

المهم راعي الورشه قالي هذا صوت الطرمبه وتراها بتخرب عليك !

وانا بسافر هاليومين ومتخووف بشكل ماتتصورون من الطرمبه

فـ ودي استفسر منكم ياهل الجمس ,, هل الصوت هذا طبيعي ام لا ؟

وثاني شي بخصوص صفايه البانزين ,, انا غيرتها قبل 6 شهور تقريباً ,, وودي اغيرها الحين ,,

اذكر اول غيرتها بحدود ال 200 ريال عند محل واحس انه مبالغ بسعرها ,,

تعرفون لي محل شغله مضبوط واسعارهـ تمام بالرياض ليتكم تدلوني عليه ,,

والشي الثالث والاخير ,,

لو قدر الله وخربت الطرمبة وانت بخط سفر ,, هل فيه اشياء تقدر تسويها وتخلي السياره تشتغل ؟

لاني سمعت ببعض الحلول مثل اضرب التانكي من النص او خل السياره شوي تبرد ومن هالكلام ,,

اتمنى تفيدوني بارك الله فيكم