قصة هوانا

Gmorh · #1 01-14-2015, 10:00 PM

ببدأ قصتي وانا اسمع نوال الكويتية يارفيجي،قصتي مع إنسان دخل حيآتي وقلبها فوق تحت يمين شمال ما توقعت بيوم آني بحب وانا ماعرف غير حب آبوي وآمي،حب خذى كل حياتي ومن البداية بقولكم قصتي.
سجلت فانستقرام وصار عندي حساب وصرت أسوي فلو حق ربيعاتي وأهلي وكنت أدور على وحده من ربيعاتي عشان أضيفها عندي وفجأة شفت انستقرام واحد وكان برايفت مادري ليش سويتله فلو لا إرادي قلت خلني أشوف صوره فضوول والفضول يذبح،عقب دشيت مره ثانيه اجيك ولقيته مبطل وانا ما صدقت ع الله اشوف صوره من فضولي كان مسافر امريكا من الصور اللي أشوفها اقول فخاطري شكله مبتعث يدرس برع نفس باجي الناس وعقب تميت أشوف تعليقات الناس والكل يمدحه قلت هاا شنو سالفته لاعب ولا شنو!!!، جان انا اكتب كومنت ع صوره من الصور وللحينه اذكر اول تعليق كتبتله (جمالك أوفر وانا ماحب الأوفر)، وعقب كم يوم ياني رد منه وكاتبلي (شكرن) انا تميت اضحك ع العموم انا كنت ادرس فالجامعه وماكان هالشي يهمني صور انستقرام وكومنتات كنت عايشه حياتي ويا ربيعاتي اطلع وارقد وانش ولا هامني شي،وهو عايش حياته ويا ربعه فأمريكا ولا هامنه شي،عقب دشيت فيوم من الأيام الانستقرام لاني انزل صور وأشوف منو مسويلي لايكات وجي، جان اكتب كومنت ثاني وثالث وعاشر والكومنتات كلها استهبال ع صوره ولا كومنت كتبته كان فيه كلام حلو او شي،و هو كان يستغرب يقول فخاطره هذي ما اعرفها ولاشي بلاها جي تكتب كومنتات جنها تعرفني! و مرات اقعد بروحي وأقول هي اول وحده تكتب كومنتات وياليتها تمدح كلها انتقادات ! شسالفتها وهي الوحيدة من بين 100 كومنت أيلس أفكر فالكومنتات مالتها!!!!!،(هو من النوع اللي مايرد ع الكومنت)، وبعدين انا ماكنت أفكر وايد اكتب كومنت واطلع من الانستقرام ما أيلس اتريا رد او شي عندي أشياء اهم، عقب هزاع يقول فخاطرهخلني ارمسها دايركت الفضول ذبحني او يمكن وحده تعرفني خل اسئلها وليش تكتب جي)،وتميت يمكن شهر او اكثر ما ادش وعقب دشيت صدفه ولقيت رسايل وايد فالدايركت من ربيعاتي وخواتي ومنه!!!!!!!!!! قلت انا:هذا شيبي ليش مطرش دايركت!! و دار بينا حوار، هزاع: هلا، بدور:ما كتبت حرف،هزاع:شحالج، بدور: ولاحرف للحينه( اففف شهاللزقه شيبي! خل أرد أحسن)، بدور: اهلين الحمدالله خير شتبي في شي؟؟، هزاعبسم الله هذي شفيها من أولها فالفيس) انتي كمونتاتج غريبه ومميزه تلفت النظر، بدور: اووووه ههههههههه(اوه شت اوه شت ياي يسئل وانا فالفيس عطيته) هيه،هزاع: انتي شسمج؟، بدور: ازقرني قموره، هزاع: اوكيه، وتمينا نسولف سوالف عاديه لين جي نص الليل وانا أسير ارقد لانه هو توقيته غير عن توقيتنا فالبلاد،عقب هو تم ينزل صور وانا اقصف جبهته كل يوم وتمينا نرمس دايركت،ومرات يدش يكتب انا أكون راقده ولا طالعه،هزاع: هلا وينج الووو الو وينج،ومرات ادش واطوف مره ومرتين وعقب كم يوم أرد،بدور: هلا سوري ارقد من وقت، هزاع: لا عاااادي انتي مزاجية متى ما تبين ترمسين،بدور: ايه مزاجيه هههههه وعقب طلعت وهو طلع،ومادشيت مره ثانيه كنت مشغوله،(جان ايوولي ناس يبون يخطبون و وافقت وكنت وايد مشغوله ازهب حق الملجه وجي)،(هزاع كان يشوف صور الملجه والكوشه ويسوي لايك ويطلع، ماكان يرمس)،عقب الملجه بعد أسبوعين او اكثر لقيت مطرش لي كلام فالدايركت،هزاع: هلا والله شحالج ووينج، بدور: ماقدر ارمسك انا مخطوبه أسفه ،هزاع: الله يوفقج ويهنيج يارب ،بدور: عقبالك،من وقتها ما رمسنا بعض هو كان فأمريكا وانا كنت ازهب لعرسي ومشغوله وكل يوم اطلع ماكنت افضى أبد ونسيت كل شي وعرست وسافرنا شهر العسل لبنان أحلى شهر مر بحياتي وعقب ردينا لبلاد ونسيت الانستقرام وهزاع وكل شي كنت اعشق شي اسمه سيف(سيف هو ريلي) و فأول يوم فرمضان تهاوشنا انا وسيف وتميت أصيح لين سرت بيت أهلي وقبل العيد بأسبوعين رديتله،عقب عيدنا وجي و ع شهر 9 كنت موت تعبانه واتالم وأقول لريلي انا تعبانه وديني قال انتي تدلعين ما فيج شي وشربني بندول وعصبت وسرت عند أهلي لانه مايهتم فيني أبد شغله اول عقب أهله وآخر همه انا!!!!!!،ع طول سرت المستشفى وطلعت حامل من شهرين وعقب أسبوعين طحت فالمستشفى ورقدوني وقالولي سقطتي انا اهنيه انهرت تميت 3 ايام وهو ادق عليه ولا عبرني ابد ولا سئل عني أبد من هالموقف بذات فقدت الأمل منه و وايد يعذبني وأسكت بس لهنيه وبس انا تميت عند أهلي ما يصلح زوج كيف بيصلح أب!!!!!!!،انا عشت حياتي صرت ادرس واشتغل،و رديت للانستغرام شفت صور هزاع أتأمل فيها واذكر سوالفنا حسيت مرت سنين ودي ارمسه وأقوله شصار فحياتي ودنيتي شكثر تعذبت وصحت صياح ودي اشكيله ودي بس اقرأ حروفه عقب قلت فخاطري( لا بدور انتي معرسه لاتغلطين لاترمسين هزاع لا بدور وصوت ثاني يقولي ودي أتمنى بس لو اعرف أحواله) عقب رمسته ع الدايركت وكل يوم لين الفير وعقب حولنا ع الكيك يوم كامل لين الساعه سبع الصبح أتم ارمسه وهو يكون عنده الساعه تسع فالليل وكل يوم نفس الحاله سوالفه كانت تضحك وممتعه وجميله وكنت احب ارمسه وااايد كان ينسيني كل شي كان يتقرب مني وانا أتقرب اكثر كان يحاول يعرفني ويعرف اللي أفكر فيه وانا كنت افهمه وكنت فاهمه شخصيته نفس شخصيتي مزوح واستهبال وكل الوقت ضحك وعقب صار يطرشلي ع لسناب الهبل اللي يسويه فأمريكا كنت اضحك وبنفس الوقت اذكر اللي سواه سيف فيني وأكرهها مليون مره فالثانيه، وكل سوالفه أتينني كله صار يجنني وعقب كم يوم تميت أقوله عن ريلي وشنو سوى فيني وكان ينصدم كان يقول (كيف انا مب فاهم كيف ريال يسوي بحرمته جي ما عنده احساس!!!!) ومرات كنت أقوله كل شي يصير وياي مايمل أبد ويسمع ويتم يرمس فسالفه انا مرات استغرب انه مايضايج ولا يقول شي،انا حسيت انه فيه شي غريب فيه شي مميز،يتبع.... __DEFINE_LIKE_SHARE__

كــعــبــيــهــ · 01-15-2015, 10:16 PM

كملييي __DEFINE_LIKE_SHARE__

Gmorh · 01-18-2015, 04:14 AM

بارت تو،هزاع وبدور صاروا وايد كلوز ويا بعض وايد قوت علاقتهم وطيحوا الميانه وللحينه بدور ع الكومنتات وتطنز وتستهبل ع صور هزاع ويضحكون ويرقدون ويا بعض ومرات بدور تخمدها رقاد وهزاع يتم ينطرها كالعادة، ،عقب كانت ترمسه ع الكيك بدور:مب ناوي تعيد فالبلاد،هزاع: لا والعيد كل سنه نفس الشي بجرب العيد فأمريكا ،وصار يطرشلي ع الكيك صوره وأتم تعلق ع الصور ويتمون يضحكون،ويت وقفة عرفه ودعيتله واااايد واايد،وعيدت عليه اول ما نشيت الصبح وقبلها قالها ابي أشوف فستانج حق العيد وطرشتله ع الكيك وهي لابسه فستانها من دون ما اطلع ويها،هزاع:فستااانج طررررررررررر بدور: مب لهناك،هزاع: والله اينن طررررررررررر ،بدور(مستحية) عيوونك، هزاع: ودي اشوفج، بدور: ان شاءالله لا رديت لبلاد،متى بترد لبلاد،هزاع:الأسبوع الياي يوم الأربعاء المغرب بعد العيد،تعالي المطار استقبليني، بدور: هههههههههه صج ولاتتغشمر،مادري بحاول ايي،وما قدرت بدور لانه كانت معصبه من هزاع وسارت بيت أعمامها تمت يومين و هو رد من السفر،عقب ردت بدور بيتهم وتمت ترمس هزاع ع الكيك وقالها عادي تسويلي آد ع البيبي اول شي قالت لا وعقب فكرت لانه كيك يبي نت وقالت اوكيه وسوتله آد وتموا يسولفون وطرشلها تقريبا 4 او 5 صور،(بدور استأنست ع الصور وقبل لا ترقد أطالع الصور وعقب ترقد)،هزاع:ان شاءالله بسافر العمره يومين وراد،بدور:ياحيكككككك ع كثر مانسير العمره ماينمل منها،هزاع:لو كنتي حرمتي جان وديتج وياي،بدورفيس مستحي) يا ليت،هزاع سافر وبدور تمت تنطره تمت اطرش ع البيبي حقه عشان تشوف يوصل ولا لا ويطلع بس علامة صح وتمت تنطره وفالليل بدور (يارب متى يرد لبلاد والله احاتيه واحتاجه وأحس الدنيا ما تسوى بدون سوالفه وهبله)،(وهو بعد كان يفكر فيها)،تاريخ 19 أكتوبر رد من العمره واخيرررررررن رد وآخيرن والحمد الله يارب ع سلامته،فنفس اليوم بدور ترمسه ع البيبي،بدور: الحمدالله ع السلامه وصباح الخير، هزاع: الله يسلمج وصباح الورد،(بدور كان رقادها دووووم يخترب وتحاول تعدله قد ما تقدر )،نكمل حوارهم، بدور: عدلت رقادي وفيس مبتسم،هزاع:الحمدالله مابغيتي،بدور:ههههههههه،دعيتلي؟،هزاع: اي والله دعيتلج❤️،(بدور مستااانسه مووت) بدور: شنو دعيت؟،هزاع:دعيت لج ان ربج يوفقج ف حياتج وف كل شي وان تحصلين دوام ويحفظ لج والديج وان أيسر امورج مع ريلج وتكون علاقتكم زينه،(اهنيه بدور تحطمت يوم قال ريلج وبنفس الوقت استانست لانه دعالها) بدور: اوويه ثانكسس واااايددد مادعيتلنا؟،هزاع:العفوووو،اي دعيت ان ربنا يوفقنا ويقوي علاقتنا ولا يحرمنا من بعض، بدور: امميييييييييييييييين يارب والله هزاع تسلم خليتني استانس،هزاع:العفو قلبي.(هزاع كان دووووم يقول كلام حلو حق بدور بس بدور أبد ولا نص كلمه حلوه تقولها ما تعرف شلون تتصرف وياه)(،فنفس اليوم بدور طلعت الصبح الجمعيه وكانت تسمع اغنية عبدالمجيد قنوع وتفكر فهزاع)،بدور: يشهد الله انك أسعدتني،هزاع:تريقتي؟ حبيبتي والله ان شاءالله الابتسامة والسعاده ماتفارقج أبدا،بدور:ايه الساعه 7،أميين وياك يالغالي،سرت الجمعيه وكنت بدعم واحد فالجيش طاح قلبي،هزاع: الله يهديج بس كيف يعني هو يمشي ولا فالسيارة ،بدور:فسياره،كنت مسرعه وجدامي دوار و هو فنص الدوار، هزاع: صارلج شي!!!!؟؟،بدور:لا ضغطت بريك بالقو من الخوف،هزاع: الحمدالله شوي شوي قلبي لاتسرعين مره ثانيه، بدور: ان شاءالله، هزاع:اليوم بيي حقج بوظبي،بدور: صججججج!!!،هزاع: تبيني ايي،بدور: وددي بس.....،هزاع:بس شنو؟،بدور: اذا ييت ماراح اقدر أشوفك،هزاع: اهااا عيل مالي لزمه هناكي،بدور:في فكره فراسي ابي اسويها وان شاءالله يصير اللي فبالي، هزاع:قوليلي زين،بدور:ممممممممممممممم،هزاع:؟؟؟؟؟؟؟،بدور:اليوم بسير أسجل فمعهد وأبي اسبوعين والصبح،هزاع: وين هذا فبوظبي،بدور: ف بنياس يعني من بيتنا لين بنياس يمكن نص ساعه،هزاع:فهميني اكثر مب مستوعب،بدور: ههههههههههههههههه ايه فبوظبي بس منطقة بنياس انا قلت اذا تسجلت ولقيت فصبح وايد اوكيه يعني عقب ما اخلص من المعهد بيي اشوفك ها اللي فبالي،هزاع:اهاااا والمعهد من الصبح لين متى وكم مدة الداسه شهر؟،يتبععععع __DEFINE_LIKE_SHARE__

Gmorh · 01-18-2015, 06:00 AM

بارت3 بدور:انا ابي اسبوعين المعهد يمكن اربع ساعات او اكثر مادري،هزاع:زين انا الصبح دوام،بدور:ادري،هزاع: اي يوم يكون عندك رماية؟،هزاع:خلاص خلصت بس يومين،بدور:نحاسه،هزاع:ايه بس مادري يمكن اقدم اجازة يعطوني ع حسب اشغل،بدور:لاشنو،هزاع:بس انتي تبيني ايي حقج بنياس وانا ما ادل شي مول مول فبوظبي،بدور:ما تعرف مولات فبوظبي؟، هزاع:ولاشي ماعرف شي مول،بدور:فيس النفسيه،هزاع:والله العظيم،بدور:تعرف ادش بوظبي؟،هزاع:ايه اعرف بس داخل ماعرف،بدور:تعرف كورنيش بوظبي؟،هزاع:بعدين كيف ف مول يعني بقدر اقعد وياج ف كوفي يعني اسولف وياج ولا من بعيد،بدور:هااااه!!!! جدام الناس،هزاع:مادري ترى انتي قلتي فمول صراحه مب شي فالمول،بدور:مول لا مابي اخاف انا اقول لو نسير كورنيش بوظبي احسن هههههه جدامنا بحر ونيلس فسياره وايد الشي رومانسي ههههه،هزاع: زين متى اوك حقج اي يوم وأي وقت،(بدور وهزاع تموا ساعات يتناقشون كيف يشوفون بعض فبوظبي ولا دبي وآخر شي اتفقوا ع ابن بطوطة فدبي فالباركنات)بدور:قلبي من الحينه يدق بسرعه ههههه،هزاع:ريلاكس حبي الأمور طيبه،( كان هزاع متحمس وااايد لانه ولاعمره شاف قموره اللي هي بدور يرسمها ولا شايفنها ابد ولاسامع صوتها وحده متحمس وهي كانت متحمسه كيف بتكون اليلسه وياه وكيف وكيف)،(عقب يا يوم الأربعاء واتفقوا ع كل شي ابن بطوطة فالباركنات) بدور طلعت من البيت الساعه 10الصبح ودقت خط دبي لين وصلت ولقت ابن بطوطة وتمت يالسه فسياره وكانت يوعانه حدها تمت تقول انزل ولا لا ياخي يوعانه ابي اكل افففففف المهم نزلت ويلست فستاربكس وطلبت هوت شوكلت ويا كرام كرميل الحجم الكبير من العطش مب شايفه خير هههههه وتتلذذ بطعم بعد وصورت لهزاع اللي تشربه)،هزاع:فديتج حبيبي يا عيني مايكل كورس، بدور:ههههههههه هاا اللي طاحت عينك عليه،هزاع:ههههه ترى هو والكوب جدامي أحلى شي الروج،بدور:ههههههههه ادقق بعد،هزاع:طبعااااااااا،حبيبي تغشي لاطلعين ويهج،بدور:انا متحجبه،هزاع:زين غطي ويهج انا أغار الناس يشوفونج وانا للحينه ماشفتج،بدور:ههههههههههههههههه،(خلصت الكوفي وسارت تتمشى فالمحلات يمكن شي يعيبها ولاعيبها شي)، هزاع:انا الساعه وحده بطلع من الدوام ترخصت منهم،بدور:صجججججججج،هزاع:اي والله طلعت كذبة عشانج،بدور:اوه ام جي يالمينوون هههههههههه،هزاع:عشانج كل هاا،بدور:زين يلا تعال بسرعه،هزاع:بحماس زين يلا،(بدور ودها من الوناسه تنقز فالمول بس عيب)،(هزاع سار البيت يسبح ويتعدل وبدور حدها متوتره وهو متوتر نفسها)هزاع:انا الحينه طالع،بدور:والله ع نار اترياك،هزاع:يعني خايفه ولا شنو حبي؟،بدور:متشوقه،هزاع:فديتج اخاف من تشوفيني تضربيني من كثر ما انتي متشوقه،بدور:ههههههههههههههه شكلي جي يلا هد الفون ويوم توصل قولي،هزاع:زين بيبي،(بدور تمت تتعدل فوق ماهي متعدله وبعد تتعدل وتشوف عمرها كل شوي من التوتر،هزاع وصل بس تم يدور فالشيشه ع ورد حق بدور ولا لقى) (وبدور حاشرتنه ع الفون وينك و وينك هاه وصلت وهزاع مدوده هههههه يرد ولا يدور ورد) المهم وصل الباركنات و وقف سيارته عدال سيارة بدور،كتبتله ع البيبي بدور:تعال اركب وياي،هزاع:ايي اركب وياج ،بدور:تعال،(نزل هزاع من سيارته وركب ويا بدور وأول ماطاحت عينه ع بدور نزل راْسه وقال حسبي الله)هزاع: ظلم والله حد يخلي هالجمال ،بدور:مستحيه حدها انزين،هزاع:سلم ع بدور باليد وسلمت عليه،(هزاع تم يسولف وبدور كل شوي تلف رأسها ناحيه الجامه مستحيه منه)هزاع:اوكيه خذي راحتج، بدور: للحينه مستحيه قوت عمرها وطالعته وكل مايشوفها تنزل عينها هزاع مب قادر يمسك عمره مبقق بعيونه ماشل عينه من ع بدور،(هزاع تم يسولف ويبي يعرف قصة بدور وريلها تم يسئلها وهي تقوله عقب بدور صاحت)بدور: تصيح ولفت رأسها،هزاع:ادري الشي يعور،(حضنها هزاع وهي تصيح وتصيييييح ويقولها خلاص مايستاهل خلاص ويحضنها بعد واقوى)،(بدور فحضن هزاع وفخاطرها آآه ماعمري حسيت بهالاحساس ابددددد ويا حلاته من احساس) عقب بدور بعدت هزاع عنها،(هزاع تم يمسح دموع بدور وجحالها اللي طايح وهي تضحك وتقوله سووووري ويقولها عادي وردت تصيح وتقوله احبك ويقولها حتى انا احبج)(عقب طاحت الشيله وتبي تغطي شعرها جان هزاع ايود الشيله ويقولها لاتغطين شعرج)هزاع:جنه شعر لعبه باربي والله،بدور:ههههههه عااااد،هزاع:هاه شعرج،بدور:هههههه هيه،( بدور تبي تتجرأ و يودت يد هزاع وهزاع أنصدم وقالتله صور ايدينا وتم هزاع يصور ايدينهم ومستانسين،هزاع باس بدور ع رأسها وبدور غمضت عينها وحست بإحساس جمييل اول مره تحسه،عقب بدور حطت عينها بعينه وتمت ساكته وهو مانزل عينه جان بدور تنزل عينها، الوقت يمر بسرعه وللحينه يسولفون ويضحكون وماحسوا بالوقت)، بدور: هزاع صارت الساعه 3 الظهر ولازم اروح وأكون فالبيت 5 العصر،هزاع:اوكيه،(هزاع نزل من السياره وقبل لاينزل من السياره قالتله عادي توصلني لين بيتنا قال ماطلبتي ونزل،حركوا سياراتهم وبدور تمشي ويا هزاع وقالها بترول لانه سياراتها فضت و وصلها لين محطة البترول ويترياها وخلصت ومشت ورآه وكل شوي يغير الشارع مره يمين مره يسار مره فنص وتمت تضحك عليه وجان يبطل الجامه ويطالعها ويبتسم)، (هزاع وصلها لين بوظبي عقب) ،بدور:تعال ورأي بوصلك لين بيتنا،هزاع:اوكيه،(هزاع تم ورآها وحفظ الدرب، تأكد انه بدور وصلت بيتهم وارتاح و روح وبدور ميته من الوناسه وخائفة يضيع الدرب وتمت تقوله الدرب عشان مايضيع)،(بدور سارت حجرتها بدلت ودشت الحمام تتوضأ عشان تصلي وفالحمام تمت تصيح من الوناسه،هزاع: ع البيبي وكزز وينج بيبي،بدور:سوري كنت اتوضا،هزاع:شفيج بيبي،بدور:أصيح من الوناسه،هزاع:لاتصيحين بيبي❤️،اليوم الثاني تاريخ 28.10،هزاع:تغديتي،بدور:ايه الحمدالله،هزاع:بالعافيه،بدور:يعافيك، هزاع:شو تسوين،بدور:اطالع مسلسل للحب كلمه،هزاع:زين،بدور:كلت؟،هزاع:ايه ،بدورgood شنو تسوي،هزاع: اشوف تي في،بدور:مدريد ولا فلم هندي،هزاع:لا فلم هندي والله ههههه بس شكلي بدخل اريح شوي،بدور:ههههههههه ايه أحسن، هزاع:بوسه،(ومرت الايام وبدور فيوم من الايام كانت مضايجة من سالفة ريلها وتبي تسير الدكان وكانت يالسه فالحوش ويا اهلها عقب ركبت سيارة اختها لودي و لودي سارت وياها الدكان وتمت تسئلها شنو فيج) لودي:شفيج،بدور:مممم مادري بس مستانسه، لودي:شسالفه مب فاهمة!!،بدور:وإذا قلتلج احب،لودي(مبققه بعيونها) فهميني تحبين منو وتضحك،بدور:انسان،(تموا يحاوطون فالفريج بدور ولودي وتمت بدور تقول حق لودي كل شي)لودي:اووه ماي قااد انتي يطّلع منج هاا كله هههههههه!!!، بدور: ههههههه ياخي نفسي بكل شي بالعقل بالتفكير بالهبل والمزح والاستهبال حتى تخيلي نفس عمري ونفس فصيلة دمي لاتلوميني،(هزاع كان يبي يشوف بدور مره ثانيه ولودي تبي تسير ملجت ربيعتها وتبي بدور تسير وياها وبدور تبي تشوف هزاع والمهم اتفقوا ع يوم اليمعه ويا اليمعه وبدور تعدلت وكشخت لهزاع ولودي تعدلت وطلعوا من البيت الساعه 6 المغرب وهزاع كان يحاوط فالفريج وجان لودي تبركن وبدور ركبت ويا هزاع)،هزاع:هلا والله،بدور: اهلين(فيس مستحي) ، (عقب بدور قالت لهزاع تعزمني ع مطعم وقالها تأمرين امر وساروا مطعم فالراحه مول وبركنوا وهزاع نزل يبطل باب السيارة لبدور) بدور:انته واايد جنتل اول مره حد يبطلي الباب!!!!!،هزاع:وانتي جنتله،بدور: هههههههههههه،(دشوا المول وبدور ميوده ايد هزاع ومتغشيه وكان شكلهم شكل عرسان يدد) (هزاع دش المطعم وقال نبي حق فاملي ودشينا وكان في دري وبدور لابسه كعب وكل ماتطلع تتعب) هزاع: ماينسمع الا صوت كعبج ومعصب وكل شوي غطي ويهج غطي صدرج،بدور: مستانسه انزين انزين ههه، (دشوا الحجره حق الفاملي وسكروا الباب ويلسوا عدال بعض) هزاع يطالع فبدور: الله ع الكشخه،بدور: مستحيه عااااد، هزاع: شنو نطلب اكل ،بدور:مادري انته اطلبلي نفسك،هزاع:تصدقين اول مره اطلب كل مره ربعي يطلبولي ههههه،بدور: اوييه توهقنا هههههههههه،هزاع:ههههههههههه انزين بنطلب شوربة عدس وفتوش وكباب وانتي شنو تبين،بدور: ابي ستيك دياي وعصير برتقال فرش،(طلبوا و وصل العشاء وتمت بدور تاكل هزاع شوربة العدس وهزاع بيطير من الفرحه،كلوا وخلصوا وطلبنا لحساب وطلعوا وركبوا السياره. وساروا بحر ياس وبدور طبعااااا اللي ادله الدرب وهم فسياره حطوا اف ام) هزاع: ها الاغنية اهداء مني بس غيري الاسم(اغنية راشد الماجد فاطمة)،بدور: مستانسسسسه انزين،( وعلت الصوووت وتسمع وترقص وهزاع يطالعها ويبتسم، عقب خلصت الاغنية وعقبها حطوا اغنيه راشد حلم حياتي)،بدور: تزاعق هاي هاي هزاع اغنية اللي ابي أهديك اياها، هزاع:يسمع ومستانس وع الميدالية كاتبه حلم حياتي،بدور: مستحححيه ايه،(وصلوا بحر ياس) بدور:الله هزاع عشاء وبحر رومانسيين نحن هههه،هزاع:هههههه ايه شفتي كيف الرومنسيه،(تم هزاع يطالع فبدور وقرب منها وباسها ع خدها)، بدور: عااااد هزاااعي عيب،(جان هزاع ايود ايدها وتموا يطالعون فبعض ويسولفون لين الساعه11 الليل وعقب لودي رمست بدور وقالتها تمي فالمكان الفلاني وانا بييج هزاع مستأنس وبدور مستانسه ويسولفون ويضحكون لين وصلت لودي و روحت بدور وهزاع سار درب دبي) __DEFINE_LIKE_SHARE__

Gmorh · 01-18-2015, 06:01 AM

يتبعععععععععععع اصدقائي __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
Traidnt.Net : مدونة هوانا للبيع	محروم.كوم	منتدى أخبار المواقع والمنتديات العربية والأجنبية	0	10-27-2014 05:30 PM
تخيل لو تفارقنا وعشنا في هوانا أغراب00؟	‏غرور اماراتيهـ	الشعر المنقول	6	03-20-2009 11:27 AM
.: نهايــــه هوانا .: ليوسف محمد :.	روحـي فداكـ	اغاني , شلات , هبان	4	10-11-2008 12:13 AM