إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...

انضم الينا
استراحات زايد الصفحة الرئيسية


مدونات ويوميات الاعضاء Blog مدونات شخصيه , مدونات يومية ,سجل يومياتك معنا

إضافة رد
 
LinkBack أدوات الموضوع انواع عرض الموضوع
  #1  
قديم 06-26-2009, 08:22 PM
الصورة الرمزية عطسة فار
عضو ماسي
بيانات عطسة فار
 رقم العضوية : 9301
 تاريخ التسجيل : Jan 2008
الجنس : male
علم الدوله :
 مكان الإقامة : أمي هي اماراتي
 المشاركات : 3,346
عدد الـنقاط :1787
 تقييم المستوى : 26

السلام عليكم ورحمة الله وبركاتة

-----------------------

بصراحة عجبني هالقسم وايد

وحبيت إني اشارك فيه بـ مسلسلي اليومي .



.:[ مسلسل عطسة فار ]:.

يشمل الكوميديا / الدرامى / والخيال العلمي / الافلام الهندية

عموماً مابطول عليكم وايد . وبدش في صلب الموضوع.

إنزين صلب الموضوع شو هو .!!

طبعاً

.:[ الحلقة الاولى ]:.

بسسسسسسم الله وتوكلنا على الله .

ببدأ الحلقة الاولى من قعدتي من النوم

طبعاً البارحة كان تاريخ 25/6/2009

رقدت الساعة الـ 6:30 المغرب

وللأسف الشديد ماتهنيت في رقادي .

وعاني اخوي الساعة 12:00 صباحاً

ليششششششششششششششش.!!

لانة وصلني ضيف من دولة عمان الشقيقة.

هالضيف .. ماقدر اقول عنة ضيف وبس . هذا اعتبرة اخوي.

لاني انا وياه ربينا مع بعض وانحن صغار . وفيه الخير فديتة كان ياي يسلم علي ويبات عندي ليلة.

عموماً نشيت الساعة 12:00 صباحاً تقريباً

ومال سرعة سرعة تلبست و و وإلخ

وكان ينتظرني فالميلس

سرت سلمت عليه وخذت علومة وسولفنا وخذنا اخبار بعض

طبعاً انا ماشفتة صار لي سنة

تميت قاعد وياه لين الساعة 2:40 صباحاً

وانا كنت وايد تعبان . لاني مارقدت عدل . المهم هو بعد كان ياي من درب وتعبان .

وقلنا خلاص بنرقد .

المهم هو كان فالميلس عندي ^^

وانا سرت الغرفة عشان انام .

ودش عطسة الغرفة . وبند الليت . وحاول ينام

لكن للأسف الشديد . ماقدرت انام نهائياً

انجلبت يمين ويسار وفوق وتحت . لكن مافي فايدة

ومع هذا كنت احس بتعب شديد

وقمت شوي اشوف التي في وشوي احاول ارقد ^^

وعقب شفت الساعة !!

كانت الساعة 8:30 صباحاً .. قلت الحين اذا رقدت شو بيوعيني . وراي صلاة جمعة

فـ قررت إني اتم واعي .

نشيت وسرت اتريق وترست بطني ورجعت الغرفة

طبعاً ضيفي نايم . جابلت الكمبيوتر ودشيت المنتدى اتمشى في الاقسام .

وفي نفس الوقت اشوف التي في

المهم لين وصلت الساعة 10 تقريباً . خذتلي دووش . وحسيت بعدة بأنتعاش

وسرت عند ضيفي ووعيتة . ويبت له الريوق ويلسنا نسولف ونضحك شوي

وعقب رجعت تلبست وتزهبت للصلاة . ورحت اصلي

وعقب الصلاة . رجعت الميلس ويلست انا وضيفي واخواني . وتغدينا وسولفنا

وطبعاً انا كل جمعة متعود اسير ميلس ربيعي اهناك يكون التجمع الكبير للسوالف والضحك و و و إلخ

شليت ضيفي وسرنا عقب الغدى . ويلسنا ويااااهم .. ولعبت ورقة

لين صلاة العصر .

ورحت عنهم صلينا وردينا البيت .

يلسنا فالميلس شوي . واسمع الفون يرن .. تررن تررن تررن ..

عطسة فار : الوو مرحبا .

المتصل : اهلين شحالك يافلان

عطسة فار : الحمدلله بخير وسهاله

المتصل : وين السيدي الي قلت بتسويلي إياه << يعني مصلحة هههه

عطسة فار : فالك طيب الحين ساير اسوية لك وتعال لي عند البيت

وانتهت المكالمة

سرت زهبت السيدي للريال . ويا عندي جدام البيت . وسلمت عليه وسولفت وياه شوي وعطيتة السيدي وترخص عني .

رجعت الميلس عند ضيفي . وسولفنا انا وهو واخوي .

وصلت الساعة 6:00 وهالوقت المفروض ضيفي يروح يقبض الخط ويرجع عمان ^^

وترخص عني وسلم علي . وراح فديتة . الله يحفظة ويوصل اهناك بالسلامة

وعقبها . يلست شوي ويا الاهل والاخوان سولفت وياهم شوي .

وطبعاً . يلست ويا الصغارية فديتهم . العب وياهم شوي

وعقب أذن المغرب .. رحت صليت .


ورجعت الحين اكتب لكم الحلقة الاولى من مسلسلي .

طبعاً انا مافيني حيل نهائياً . ناش من البارحة الساعة 12 فليل

ولين الحين مواصل . احس عيوناتي تحرقني . بس قلت بقاوم شوي لين هالوقت عشان ارقد وانش من وقت.

أطبق المقولة المأثورة . نام بكير وتصحى بكير . وشوف الصحة كيف بتصير

المهم هذي حلقتي الاولى ..

واتمنى إنها تنال على اعجابكم

اليوم تاريخ 26/6/2009

والساعة حالياً . 8:20 مساءً

بحاول إن شاء الله اتريا صلاة العشى عشان اصلي وانام.

وإن شاء الله باجر بحط لكم الحلقة الثانية

إلى اللقااااااااااااااااااااااااااااء
__DEFINE_LIKE_SHARE__
رد مع اقتباس
قديم 06-27-2009, 10:24 PM   رقم المشاركة : [ 2 ]
عضو ماسي

الصورة الرمزية عطسة فار

بيانات عطسة فار
تـاريخ التسجيـل : Jan 2008
رقــم العضويـــة : 9301
الـــــدولـــــــــــة : أمي هي اماراتي
المشاركـــــــات : 3,346 [+]
عدد الـــنقــــــاط : 1787
الجنس : male
علم الدوله :
الحالـــة : عطسة فار غير متواجد حالياً

 

بيانات إضافية
 بينات الاتصال بالعضو
 اخر مواضيع العضو

افتراضي

.:[ الحلقة الثانية ]:.

السلام عليكم ورحمة الله وبركاتة .

اليوم تاريخ 27/6/2009 م

نبدأ الحلقة الثانية . من وقت رقادي البارحة .

نمت البارحة الساعة تقريباً10:30 ليلاً

ونشيت الساعة 6:30 صباحاً .

طبعاً مانشيت بكيفي . نشيت لانة تلفوني رن هههه

المهم

نشيت غسلت وتوضيت . وصليت الفجر

وعقب رديت يلست شوي فالغرفة .

وبعدها حسيت بالجوووع . فـ رحت اتريق

والريووق اليوم كان رائع جداً . كلت لين ترست بطني

خبز رقاق وعلية سمن عربي + بيض عيون وفوقة داقوس شوي + جبن + كوب حليب

تريقت وترست بطني . ورجعت الغرفة ويلست على المنتدى اتصفح المواضيع و و و إلخ .

لين صلاة الظهر كانت قعدتي على الكمبيوتر والمنتدى .

أذن الظهر ورحت اصلي .

ورجعت على المنتدى .

وكنت احاول انزل برنامج . لكن للأسف طفرني هالبرنامج وايد .

تقريباً ساعتين وانا اضارب هالبرنامج ماقدرت له

المهم .

وفي هالفترة تابعت فلمين . على قنوات الشو تايم .

افلام يديدة طبعاً خخخ مب قديمة .

لين اذن العصر . صليت ورجعت بعد عالجهاز . وفي نفس الوقت اتابع التي في .

المهم . الشي المضحك الي صارلي ههههههههههههه

بعد صلاة العصر بـشوي .

طبعاً أكلني اخوي مقلب هههه

ياني اخوي الغرفة . واشوفة يبطل الدريشة الخارجية . ويطالع !!!

اقولة بلاك . يقول ياخي شفت نوعية الصقور الي ماشي في رقبتها ريش !!

اقولة هي بلاها . يقولي في اثنينة فوق الغافة الي حذال بيتنا ههه

قلت له صدق .. قال هي صصصصصدق.

وينش عطسة فار ويشل الفون ويركض . ويقول حق اخوة بصورهن بصورهن.

وكنت افكر اني اصورهن واحط الصور فالمنتدى ههههههههه


طلعت برع البيت ميود الفون . ومبطل الكاميرا عشان اصور . قبل لا يطيرن.

اطالع فوق الغافة !!!!!! وبنظرات إستعجاب

اشوف شي صغير .. واحاول اركز لانه شوي بعيد ..

اخر شي اكتشفت إني طالع عشان حمامتين صغار هههههههههه

الحمام البري طبعاً

ورديت له سرت عنده فالغرفة . اقولة يالخراط يالجذاب حق شو تقص علي !!

وهو يستهبل . يقولي بلاك .؟

اقولة قاص علي ومخلني اطلع برع البيت عشان حمامتين بريات .؟ وتقولي صقور !!

يلس يضحك علي

المهم بعد ما أكلت المقلب الحلوو هذا وخليت اخوي يضحك علي .

رجعت على الجهاز شوي .

وبعدها طلعت من البيت . كنت ابي اروح السوبر ماركت اشتري لي غرض.

وبالمرة ماماتي قالت لي وانت ساير اشتر الاغراض الفلانية .

فـ شريت الاغراض . وبعدين سرت طلبت لي شي اكلة ..

انزين عاد شو كلت .؟ سندويشة فلافل خخخخ

المهم ورجعت البيت .

رجعت على اذان المغرب . صليت وعقب يلست على المنتدى

ليييييييييين صلاة العشاء

وصليت العشى ورجعت . توني يالس على المنتدى .

ويرن تلفوني . نسيبي متصل وياي الميلس بييلس وياي .

المهم رحت عنده ويلست وياه ليييييييييين توني الساعة 10:00

والحين الساعة 10:23

وحالياً فيني رقااااااااااااد . ولازم ارقد عشان انش الصبح .

هذي حلقتي الثانية لليوم الثاني .

ادري يومي كان ملل . وكله معسكر على المنتدى . لكن شو اسوي ماكان لي بارض اطلع واحوط

وانتظروني في حلقتي الثالثة غداً إن شاء الله .

مع الســـــــلامة
__DEFINE_LIKE_SHARE__

من مواضيعي
0 ~ لو حصلت لك الفرصة إنك تعزم فنان او فنانة .. من بتختار ياترى . وليش !! ~
0 .:[ عطسة فار المسكين ]:.
0 .:[ ممكن مساعدة .؟ ]:.
0 .:[ مجموعة تواقيع رمضانية . إهداء مني لأعضاء المنتدى الكرام ]:.
0 من 1 إلى 4 . وأكل الي تباة صابون


 



ولهت على المنتدىىىى فديتة

  رد مع اقتباس
قديم 06-28-2009, 10:38 PM   رقم المشاركة : [ 3 ]
عضو ماسي

الصورة الرمزية عطسة فار

بيانات عطسة فار
تـاريخ التسجيـل : Jan 2008
رقــم العضويـــة : 9301
الـــــدولـــــــــــة : أمي هي اماراتي
المشاركـــــــات : 3,346 [+]
عدد الـــنقــــــاط : 1787
الجنس : male
علم الدوله :
الحالـــة : عطسة فار غير متواجد حالياً

 

بيانات إضافية
 بينات الاتصال بالعضو
 اخر مواضيع العضو

افتراضي

السلام عليكم ورحمة الله وبركاتة


------

.:[ الحلقة الثالثة ]:.


مغامراتي البسيطة المتواضعة لهذا اليوم .

اليوم تاريخ 28/6/2009

اليوم نشيت الصبح الساعة 7:40 تقريباً

قعدت من النوم شبه مصدع

المهم نشيت غسلت وتوضيت . وصليت صلاة الفجر لانها كانت فايتة ماصليتها في وقتها .

بعد ماصليت . رحت خذت لي كوب حليب ورديت الغرفة

فتحت الجهاز شوي وقعدت على المنتدى اتصفح مواضيعي + المواضيع بشكل عام

المهم على اساس إني كنت بطلع من البيت الساعة 9:30 عشان كان عندي شغل .

اتصلت للشخص المعنيّ . عشان ارتب وياه واروح . لكن مارد علي

وقلت الحمد لله إنة مارد . لاني كنت عيزان ههههه

يلست على الجهاز . واتصلبي احد الاصدقاء . ويلسنا نسولف شوي

وعقب وحسيت باليوووع .. رحت ابي اتريق . لكن للأسف اليوم ماعجبني الريوق وايد .

حصلت لي بلاليط . لكن ماكلت وايد . شوي بس . وخذت لي كوب حليب ثاني

طبعاً انا اعشق شي إسمة حليييييييييب

المهم يلست على المنتدى شوي . ولين وصلت الساعة 11:30 رحت شوي مشوار بسيط ورجعت البيت .

وصلت على صلاة الظهر . صليت وبعدها رحت اتغدى ..

ويالله . اليوم الغدى وايد عيبني .

برياااااني دياي + سلطة بالمايونيز + عاصر لومي على الغدى + 3 حبات فلفل اخضر حاررررررررر

وتم عطسة ياكل ويلط من هالفلفل لين ما احترق هههه. ويوم يحترق . يشرب بيبسي

المهم تغديت وترسسسسسست بطني . رديت الغرفة . احس بخمول من كثر ماكلت

يلست على المنتدى .

وعقبها بشوي . عطاني احد الاصدقاء رابط لفلم مصري . اقدر اشوفة اون لاين .

الفلم المصري هو . ابو علي

تابعت الفلم . واذن العصر . وقفت الفلم ورحت اصلي ورجعت اكمل الفلم

المهم تابعت الفلم لين خلصصصصصصصص .

وعقب يااااااااا وقت الحلاااااااااااق

سرت اشغل السيارة واخليها لين تحر شوي .

ورجعت وانا راجع بتلبس . شفت علاوي ولد اخوي

صغيروني عمره تقريباً 4 سنوات .

اشوف عنده بلاي ستيشن 3 ويلعب فيها .


قلت له من باب السوالف والدعابة . علاوي بتعطيني هاللعبة حقي !!

هو كان ياكل شي مادري مصاصة او حلاوة . مب قادر يرمس . ويأشر لي بأيدة بس .

المهم انا دخلت الغرفة . واشوي اشووف الاخ مبطل اللعبة . ويايبنها لي الغرفة .

يقولي عمي هذي اللعبة حقك انت العب فيها .

ياب لي اللعبة قطعة قطعة . هههههه لا وياب لي كرتون اللعبة بعد وقالي خلة عندك

هههه .

المهم وعقب سرت اتحلق . وخلصصصصصصصصت ورجعت البيت .

وصلت على صلاة المغرب . وصليت ومن بعدها يلست على المنتدى ليييييييين صلاة العشى

صلييييييت وسرت اتعشى .

والحين يالس اكتب لكم حلقة اليوم ^^

والحين الساعة 10:37 .

شوي وبوطي راسي وبرقد .. وتصبحوووووون على ألف خييييييييير

بايوو
__DEFINE_LIKE_SHARE__

من مواضيعي
0 ~ لو حصلت لك الفرصة إنك تعزم فنان او فنانة .. من بتختار ياترى . وليش !! ~
0 .:[ عطسة فار المسكين ]:.
0 .:[ ممكن مساعدة .؟ ]:.
0 .:[ مجموعة تواقيع رمضانية . إهداء مني لأعضاء المنتدى الكرام ]:.
0 من 1 إلى 4 . وأكل الي تباة صابون


 



ولهت على المنتدىىىى فديتة

  رد مع اقتباس
قديم 06-29-2009, 11:28 PM   رقم المشاركة : [ 4 ]
عضو ماسي

الصورة الرمزية عطسة فار

بيانات عطسة فار
تـاريخ التسجيـل : Jan 2008
رقــم العضويـــة : 9301
الـــــدولـــــــــــة : أمي هي اماراتي
المشاركـــــــات : 3,346 [+]
عدد الـــنقــــــاط : 1787
الجنس : male
علم الدوله :
الحالـــة : عطسة فار غير متواجد حالياً

 

بيانات إضافية
 بينات الاتصال بالعضو
 اخر مواضيع العضو

افتراضي

السلام عليكم ورحمة الله وبركاتة

-----

.:[ الحلقة الرابعة ]:.

بكتب لكم الحلقة الرابعة بسرعة شوي لاني مستعيل هههه

اليوم تاريخ 29/62009

نشيت اليوم الساعة 8 صباحاً ..

وعقب مانشيت رحت اغسل واتوضى .

وصليت الفجر لانها فاتتني كالعادة . اهـئ .

وسرت اتريق عقبها . ورجعت للغرفة ويلست على الجهاز . والمنتدى ليييييييييين الظهر .

أذن الظهر صليت ورديت على المنتدى ههههه

لين قبل صلاة العصر . وعقب تابعت فلم مصري .

وخلص ورحت اصلي العصر ورجت

ويلست على المنتدى بعد

ليييييين صلاة المغرب . صليت وعقب طلعت من البيت . رحت شوي مشوار . وبالمرة ماماتي وصتني اسحب لها الراتب مالها .

ورجعت البيت على صلاة العشى . صليت وعقبها يلست على المنتدى .

ولين الحين وانا اكتب لكم المدونة ..

ادري اليوم ممل + مافي مغامرات حلوة + ماكتبت لكم اليومية بشكل صحيح لاني شوي مستعيل .

عموماً ان شاء الله باجر بكتب لكم احسن من جذية .


طبعاً الحين الساعة 11:27 . دقايق وبروح اوطي راسي وبرقد ^^

والعذر منكم خخخ . بايوو
__DEFINE_LIKE_SHARE__

من مواضيعي
0 ~ لو حصلت لك الفرصة إنك تعزم فنان او فنانة .. من بتختار ياترى . وليش !! ~
0 .:[ عطسة فار المسكين ]:.
0 .:[ ممكن مساعدة .؟ ]:.
0 .:[ مجموعة تواقيع رمضانية . إهداء مني لأعضاء المنتدى الكرام ]:.
0 من 1 إلى 4 . وأكل الي تباة صابون


 



ولهت على المنتدىىىى فديتة

  رد مع اقتباس
قديم 06-30-2009, 11:14 PM   رقم المشاركة : [ 5 ]
عضو ماسي

الصورة الرمزية عطسة فار

بيانات عطسة فار
تـاريخ التسجيـل : Jan 2008
رقــم العضويـــة : 9301
الـــــدولـــــــــــة : أمي هي اماراتي
المشاركـــــــات : 3,346 [+]
عدد الـــنقــــــاط : 1787
الجنس : male
علم الدوله :
الحالـــة : عطسة فار غير متواجد حالياً

 

بيانات إضافية
 بينات الاتصال بالعضو
 اخر مواضيع العضو

افتراضي

السلام عليكم ورحمة الله وبركاتة

-------

.:[ الحلقة الخامسة ]:.

اليوم الموافق 30/6/2009

قعدت من نومي الساعة 9:30 صباحاً

كالمعتاد . تطوفني صلاة الفجر

نشيت غسلت وتوضيت وصليت الفجر .

وعقب رحت ابي اتريق . طبعاً مافي ريوق يفتح النفس

سويت لي سندويجة جبن << مال سرعة سرعة . وكوب حليب .

وكلتها ورجعت الغرفة .

على طول اتصلت لأحد الاشخاص عشان اطفرة واوعية من رقادة . اكيد بتقولون ليش اوعية !!

انا متصلبة اوعية شغلة غياض بس

لاني البارحة قبل لا ارقد ماكان مخلني ارقد

كنت ارمس وياه فالفون . وانا مغفـي خلاص مافيني حيل .

اقولة برقد . يقولي ماشي رقاد . وان رقدت بسوي لك ازعاج !!!

اقولة فلااااااان تعباان ناش من صباح الله خير .

يقول ماشي. بتتم واعي يعني واعي . المهم حاولت ارضى بالامر الواقع . وتصبرت شوي

اونة هو على اساس يعاقبني لانة متضايق من شي انا سويتة ههههه

المهم . طبعاً عطسة فار مافيه حيل نهائياً . اخر شي جان اغفي وارقد عنة ههههههه


مادريبة عاد متى سكر الفون ..

المهم اتصلت له اوعية . زين انة رد علي . اقولة قوووم قوووووم .

يقولي شو يخليني اقوم المكيييييف بارد ويحلى الجو للرقاد . اقولة ماشي بتنش الحين

يالس اغايضة نفس ماغايضني البارحة وخلاني سهران لين الساعة 1:00 صباحاً اهـئ

المهم طفرتة لين نش من رقادة ..

عقب ماسكرت عنة يلست اتصفح المنتدى والمواضيع . واتحوط في الاقسام .

طبعاً ماقدر اتمشى فالمنتدى . عندي سيكل اتحوط فيه في المنتدى .

لين تقريباً الظهر . واذن الظهر . سرت صليت ورجعت على المنتدى شوي

وعقب رحت اتغدى .

اليوم الغدى وايد كان حلووووو .. دياي

تغديييييييييت .. وطبعاً ما انسى الفلفل الاخضر الحارر . هالشي رئيسي فالغدى ههه

عقب ماترست بطني . رديت على المنتدى ويلست اتصفح شوي لين الساعة 3:30

وعقب نشيت اتزهب لاني كنت العصر بطلع .

تزهبت . واذن العصر . صليت .

وعقب رحت اشغل السيارة عشان اطلع

المهم طلعت اقضي كذا حاجة .

واتصلبي صدييييق الطفولة وضيفي الي يايني من عمان ^^

وقالي انا وصلت عند البيت . سرت سلمت عليه وتلاقيت وياه .

ومسكين كان تعبان ومرهق من الخط

تمييت وياه لين قبل المغرب بشوي .

ورحنا بعدين عند احد الاصدقاء عشان نسلم عليه ونقعد وياه شوي .

المهم رحنا ويلسنا معاه وسولفناااااااااا لين المغرب . صلينا المغرب . وعقب كملنا القعدة شوي .

والساعة 8:00 رحت . عساس إني بروح الحلاق ماخذ موعد الساعة 8:30 خخ

اول امس يوم سرت الحلاق كنت رايح ارتب اللحية خخ

بس هالمرة كنت رايح عشان اخفف شوي من شعري ^^

المهم تأخرت شوي عن الموعد . وللأسسسسسسف ماقدرت اتحلق .

فأضطريت إني اخذ موعد باجر .

ورجعنا البيت وصلينا العشى .

وقعدنا .. وعقب هو راح شوي مشوار خاص .

وانا ييت المنتدى عشان اكتب لكم مدونتي . والحين بروح برجع عنده وبيلس وياه .

حالياً الساعة 11:13 مساءاً

بقعد معاه لين يرقد . وعقب بروح ارقد انا ^^

وانتظروني في الحلقة السادسة غداً إن شاء الله

بــاي
__DEFINE_LIKE_SHARE__

من مواضيعي
0 ~ لو حصلت لك الفرصة إنك تعزم فنان او فنانة .. من بتختار ياترى . وليش !! ~
0 .:[ عطسة فار المسكين ]:.
0 .:[ ممكن مساعدة .؟ ]:.
0 .:[ مجموعة تواقيع رمضانية . إهداء مني لأعضاء المنتدى الكرام ]:.
0 من 1 إلى 4 . وأكل الي تباة صابون


 



ولهت على المنتدىىىى فديتة

  رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
فيلم الرعب والخيال العلمى Dark Relic 2010 بجودة HDTVRip مترجم محروم.كوم منتدى أخبار المواقع والمنتديات العربية والأجنبية 0 07-17-2010 07:20 PM
فيلم الخيال العلمي الكوميدي Astro Boy مترجم برابط واحد فقط! محروم.كوم منتدى أخبار المواقع والمنتديات العربية والأجنبية 0 05-31-2010 11:40 AM
الحذر من الحرامي ابونايف محروم.كوم منتدى أخبار المواقع والمنتديات العربية والأجنبية 0 06-23-2009 10:10 PM
مسلسل الأكشن والخيال والتشويق Legend Of The Seeker الموسم الاول الحلقة 1+2+3 мặzỳOσѝ~ặđ افلام, مسلسلات, رسوم, برامج تلفزيون, youtube 2 06-19-2009 09:37 AM
حصري فيلم الاكشن والخيال العلمي Street Fighter The Legend of Chun Li 2009 بجوده DVDRI محروم.كوم منتدى أخبار المواقع والمنتديات العربية والأجنبية 0 06-19-2009 09:20 AM


الساعة الآن 02:15 PM


Powered by vBulletin® Copyright ©2000 - 2019, Jelsoft Enterprises Ltd.
Content Relevant URLs by vBSEO 3.5.2 TranZ By Almuhajir

RSS RSS 2.0 XML MAP HTML